Giao dịch di gilang parian Ngak nong saong patagok palei pala

Urak ini, dalam negar hu labaih 10.000 doanh nghiệp gah sang danaok taneh riya min rilo meng lac doanh nghiệp mbiah, rilo meng ngak môi giới, dịch vụ sang danaok taneh riya. Bahrau hu jaik 65 doanh nghiệp patagok sang danaok taneh riya hu niêm yết angaok sàn chứng khoán. Dalam tuk darak pasar sang danaok taneh riya daok mboh yau dang veik, ye rilo kadha oh siam bahrau daok mblo tabiak. Yaok rituh bruk haok mbaih (oh siam) di dom urang ngak mbang gah taneh riya sang danaok dalam tukvak tapa brei mboh lac, rilo doanh nghiệp rilo meng pambak tame phun jien mesre di gilang pariak. Meng kreh thun 2014 mai ini, tuk darak pasar taneh riya daok hu pasiam veik ngan haong dom gilang pariak, bruk brei ka doanh nghiệp mesre piah cakrok patagok dự án yau sa “candaih har bingi”. Hu blaoh dalam sa tukvak atah, gilang pariak gaok tuk mai daok nao tal bruk peih pablei dự án piah mboh tangin tame harak pambuak bruk “3 gah” brei ka urang blei căn hộ. Yau nan min, tuk darak pasar padam trun, doanh nghiệp oh pablei hu ye jien sraiy jhak nyu tagok.

Ong Nguyễn Quốc Anh, Phaok Tổng Giám đốc kênh thông tin Batdongsan.com.vn brei thau, bruk ngak catang phun jien brei mesre meda ngak ka rilo urang buh jien tame ngak gaok kan kandah jang tuk hu mbaok tame darak pasar taneh riya dalam tukvak anak tal, kayua lac phun jien buh tame taneh riya sang danaok mboh rilo jeng lac meng gilang pariak: Urak ini, phun jien tuh tame taneh riya mboh rilo lac mai meng dom phun jien eng drei hu saong nao mesre gilang pariak. Biak di nyu, ini lac bài toán bo dom chuyên gia kinh tế tuk halei jeng duah jalan langyah meng bruk  duah dom janih phun jien karei. Khaol dahlak hu mboh phun jien FDI nan lac jalan patui veik buh tame darak pasar taneh riya Việt Nam. Langiu di nan, rilo doanh nghiệp daok pandar phun jien patabiak trái phiếu piah patagok phun jien buh tame  gah ini. Yau nan min, oh njauk lac doanh nghiệp halei jeng hu ginup jien padai khang kajap piah ngak bruk nan.

Yaok rabau bhap bani nao blei taneh nền di Công ty Cổ phần địa ốc Alibaba hu jabat daok di jalan Phạm Van Đồng, quận Thủ Đức, bal raya Hồ Chí Minh daok mbuan si lahik abih kayua urang pal akaok doanh nghiệp ini njauk mek karek piah duh ka bruk pasang iek duah thau. Rilo dự án oh hu biak hu Alibaba cih tabiak piah pachot urang blei ngan haong phun jien tagok tal yaok ribau tỷ đồng. Bruk mbaih pacah, darak pasar taneh riya sang danaok di bal raya Hồ Chí Minh saong dom tỉnh jaik taphia njauk pambak tui biak trak.

Patui nan, dom urang tuh jien tame blei taneh riya sang danaok daok srau dhau haong bruk “mbaih pacah” panuac sanya mek hu kein laba di dự án Cocobay Đà Nẵng, sa dalam dom dự án condotel prong abih darak pasar gah kreh negar. Daok di Hà Nội, hadei di tuk mehit lac dom huyện meda cakrok patagok jeng quận dalam dom thun tal, yaom taneh daok, taneh nền, gaok mai gam taneh ngak nong di dom huyện ini tagok biak khang. Rilo labik tagok meng 70-100% tok dalam dom bilan.  Dalam nan, rilo urang đầu tư pandar jien mesre Gilang pariak piah blei taneh, blei sang saong ba padang meng drap ar nan piah blei taneh riya, sang danaok karei. Meyah oh yam tapa hu, mbuan ba tal mbaih pacah, tavak sraiy lac biak glaong. Ong Nguyễn Trần Nam, akaok Hiệp hội sang danaok taneh riya Việt Nam ndom lac: Njauk pasang iek dom khoản mesre tuh tame taneh nền. Taneh nền tok hu pablei dalam dom dự án angaok dom jalan hu quy mô nhất định min. Daok di dom  jalan prong, dom pasak nan lac oh hu pablei taneh nền bo njauk padang ngak jeng sang meng pablei. Blaoh blei gam taneh bein, taneh ngak nong, biak nguy hiểm. Dahlak mboh lac, karja palei njauk hu jalan ngak piah pasang iek.

Meng akaok thun tal ini, darak pasar taneh riya sang danaok daok mboh bruk lahik cân đối di cung haong cầu. Rilo dự án taneh riya oh pablei tabiak darak pasa hu kayua tavak gah adat hukum. Bruk kurang nguồn cung daok ngak ka darak pasar tamuh tabiak rilo kadha oh siam. Dalam tuk nan bruk đầu cơ taneh riya, ngak suan adat hukum dalam bruk padang ngak jeng mboh dak harei dak srau dhau di rilo labik. Rilo công trình prong urak ini daok gaok rilo kan kandah, tukvak peih ngak saong peih brei phun jien đầu tư công biak bier. Chuyên gia kinh tế, Tiến sỹ Nguyễn Trí Hiếu ndom lac, sarak tín dụng njauk brei hu ramik veik piah plaih bruk labaih di dom gah, abih di nyu lac gah taneh riya sang daok pakat glaong: Phun jien mesre meng dom gilang pariak brei mesre bất động sản trung saong atah tukvak dak harei dak ngak tacang veik. Taphia di nan, hệ số rủi ro ka bruk brei mesre bất động sản jeng daok khik hu di tanut glaong nan lac 200%. Gilang pariak Karja tuk hali jeng hu panuac kakei dom gilang pariak mong iek ka nyu tani tanat dalam bruk brei mesre kayua lac nyu meda ngak jeng bong bóng. Dahlak saneng lac taong abih dom bruk pasiam veik ini meda ngak ka darak pasar taneh rira sang danaok hu siam jang.

Darak pasar sang danaok taneh riya di Hà Nội saong bal raya Hồ Chí Minh daok dang veik dalam taong abih dom gah. Bruk ngak catang veik bruk brei mesraiy tui Thông tư 22/2019 di Gilang pariak karja meda ngak ka doanh nghiệp saong bhap bani kan si blei hu taneh riya sang danaok dalam thun 2020 anak tal. Yau nan min, tui sahnenga mboh di dom chuyên gia, bruk ngak ini meda halang hu dom urang đầu tư kurang pren khang./.

Urang lang: Jasi-16/12