Ruak tangin –takai-cambuai pabah daok patuh tabiak di rilo tỉnh saong ban gah meraong di dom harei ini, hu dom ca biak trak saong merai. Kadha “ Urang iek ruak” harei ini, kol drei tui pang panuac kakaei di bác sĩ ka dom bruk khik caga uranaih anak jit tangin –takai –cambuai daok tamuh khang:

-Ruak kayua nhóm siêu vi Enterovirus, dalam nan hu chủng Enterovirus 71 (EV71) biak nguy hiểm, taong tagok tal hệ thần kinh, tim mạch saong suak yava meda ngak metai. Yau nan ye njauk gam gam pasang iek pren yava di uranaih, abih di nyu nan lac iek dalam pabah, plak tangin, plak takai, li-uk, gui coi saong taok di uranaih piah duah mboh drah samal dom tamun ia ( min, oh hu tamun ia di dom libik ini jeng oh blei phép var klak ruak ini nyeh mikva!)

-Urak ini, y học jeng oh ka hu vắc xin caga ruak, dalam tuk nan ruak tangin –takai –cambuai gilac mbuan si pambak, kayua tapa jalan khak saong pabah. Yau nan ye njauk chủ động caga ruak ka uranaih meng dom bruk ala ini: 

🐾Gam gam rao tangin ka uranaih meng xà phòng saong ia hacih, abih di nyu nan lac hadei tuk tabiak lingiu saong dahlau si mbang menyum

🐾Ngak haci hacih sang danaok yaok harei

🐾sát trùng dom pandap mein di uranaih yaok adit.

-Meyah sahaneng lac tangin –takai –cambuai njauk drah samal ba uranaih nao iek ruak. Kayua ruak ini kayua siêu vi yau nan ye bruk iek ruak rilo lac pasang iek, veih glaong rup pabap uranaih ( plaih gaok ia, trun jalan huyết kayua pandik pabah oh mbang menyum hu) saong duah mboh triệu chứng trak piah langyah samal.

-Rilo urang lac nyun, drei meda pasang iek jaik adei di sang saong hadar ba adei nao iek ruak veik njauk pagun di bác sĩ. Bruk njauk ngak praong nan lac drei njauk tui maong adei biak jaik, meyah mboh dom triệu chứng trak halei, ye: kateik quak, megaiy tangin takai, hia hamiet melua oh padheih atau li bì kan si taong medheih, nao mai oh tapak, yếu liệt... lac njauk ba adei nao iek ruak drah samal. Dom urang halei salih tapa trak di dom tukvak, jhui caik suai ba adei nao iek ruak veik nyeh./.

Thúy Linh