Tuik dol la brei khik ka uranaih dok  tapak 

Hu rilo makna ba tal kaong talang ka-ing. Hu panuac lac harei ini uranaih kaong talang ka-ing dak harei dak rilo lac kayua uranaih bak katap nao bac biak trak. Min kadha ini oh njauk lac taong abih makna ba tal kaong talang ka-ing.

Uranaih nao bac bo daok la suan jeng lac makna ba tal ruak ini. Daok la suan bhian mboh di abih nan lac daok mbleing sa gah, daok pa-yeng rup nao sa gah, suai lavik talang ka-ing nyu kaong tui piah lagaih haong bruk daok la di uranaih, ba tal kaong rup. Dreih yau nan, makna patui veik nan lac kayua bàn kik oh njauk haong umo di uranaih jeng mbuan ba tal kaong talang ka-ing. Uranaih daok la bac oh thoải mái, oh hu labik pandia lagaih, jeng mbuan ba tal kaong talang ka-ing. Duk bac di uranaih kurang hadah atau bảng juk nyu tanjak jeng ngak ka uranaih kan si mong iek hu akhar vak angaok bảng jeng mbuan ba tal kaong talang ka-ing.

Abih di nyu, sa makna karei tra jeng ngak brei oh takik amaik ame tatuak drei,  nan lac uranaih takik pathram ma-in, takre iek tivi, ma-in máy tính… jeng mbuan ba tal kaong talang ka-ing. Urak ini jit ruak COVID-19, uranaih padeih bac rilo harei nan ye bruk pandar dom pandap điện tử yau mong iek tivi, ma-in máy tính, phone tangin… rilo jang, bhian daok la suan.

Gam haong nan, bruk takik pathram ma-in langiu langik atau ma-in padhih daok ngak brei glow akaok catang tagok, ngak ka talang ngak bruk rilo jang. Meyah dui atah bruk ini, talang raong jeng mbuan kaong.

Piah plaih kaong talang ka-ing, oh brei ka ranaih ndih galun trun nền sang piah bac, oh daok la kaong raong trun angaok bàn biar atau pandar veik bàn bac meng tuk daok bac tal 1 tal tuk uranaih prong jeng daok pandar. Uranaih daok la bac, amaik ame njauk kakei anek daok la ka nyu tapak. Tuk vak jit ruak padeih bac daok di sang ye njauk pathram ma-in padhih, meda ieu ranaih daong amaik ame ngak dom bruk sit yau puh ramik sang danaok, uak bàn kik, daong ngak dom bruk sit sot karei… piah patrun patakik bruk ranaih mong iek ti vi, điện thoại, mac tính... daong ka ranaih pathram rup pabhap paglaong pren yava.  

Bruk mbang menyum ginup dinh dưỡng lac biak siam ka prein yava saong ka talang. Yaok harei brei ranaih mbang pabak dom kaya pandap hu rilo canxi haong dom vitamin karei …

Di umo bac daa, talang ranaih jeng daok laman meda, nan ye tuk njauk hagait jeng daok pasiam veik hu, meyah oh thau lac kaong talang ka-ing saong oh nao iek ruak, pasiam veik chip ye tuk prong tagok bruk iek ruak gaok rilo kan kandah jang./.

Urang lang: Jasi 5/8