Daong manuac trun di sang glaong rilo tal tuk apui khuah di Ban raya HCM

 Trung tá Huỳnh Quang Tuyến, Phó trưởng phòng Tham mưu (Cảnh sát PC&CC TP.HCM) brei thau, ong dahlau daih lac urang lin padam apui khuah, di Cảnh sát PC&CC Quận 1, nan ye dalam bruk ngak di drei, ong saong ayut sahabat hu mboh biak ralo bruk metai lahik biak pandik harao kayua nduac tame dauk ala gaiy laneing, dalam jaman, dalam tu..tuk apui khuah.

 Apui khuah meda mbang mai tal labik, bhap bini oh ka metai kayua apui khuah bo metai kayua mblung thak. Langiu di nan, bruk dauk tame ala geiy laneng, jaman, tu…daok ngak brei dom urang duah daong kan duah mboh, kan daong hu. Salih ka bruk duah labik dauk, Trung tá Huỳnh Quang Tuyến kakei dom urang dalam sang njauk duah jalan tabiak gah langiu. Meda tabiak ban công, tagok tabung sang, tapa tabung sang taphia nan…Min meyah lac sang ống tok hu sa jalan tabiak ye ngak habar? Bruk ini, ong Tuyến lac njauk iek tui bruk di nyu. Min meyah apui birau khuah, oh ka praong, urang meda nduac tabiak gah lingiu meng bruk njuk phui - mền tame ia bloh me-om tagok rup piah nduac tabiak gah langiu.

Meyah sang tok hu sa jalan tabiak, min njauk kareih sir, sang oh hu pandap piah jan tayah, tok daok la cang metai, ye tuk nan njauk ngak habar? Ong Tuyến lac, njauk duak labik dauk, bhap bini meda ngak mặt nạ pacang mblung sauk (thak) tuk daok cang gah pacang padam apui khuah. Ong lac sauk thak lac makna dang akaok ba tal metai dalam dom mbang apui khuah. Urang metai atau var drei jan kayua mblung sauk…dahlau di tuk njauk apui mbang.

 Drei meda pandar phui mền, siuk pacang mbaok, ao, phui…atau pandap halei karei meda ngak jeng mặt nạ piah pacang sauk, gaok mai meda mek ao dalam di urang kumei njuk ia piah pacang dreih yau urang kumei dalam tuk apui khuah  Karaoke di Hà Nội thun blaoh pacang sauk  ka drei. Dom pandap piah pacang sauk njauk njuk ia kayua ia hlang nyu siam jang saong sauk kan tapa hu.

 Bruk bo Trung tá Huỳnh Quang Tuyến tuk halei jeng mboh suh sah dalam hatai lac hatai sahaneng oh njauk, po iew thei ye thei pa-uk”. Apui khuah meda rah tabiak oh lac labik halei, tukvak halei: tuk ngak gaok ia bai bloh var padam ging, uak sang meng xăng gam nyuk pakao… Mboh di anak meta, tuk apui khauh, anek manuac bhian var glai oh daok sahaneng mboh hagait hu. Cang lahik limo meng ngak var, mikva njauk ba tabiak panuac tangi sua ka drei veik: “Meyah sang drei njauk apui khuah, nduah tabiak tui jalan halei? Njauk ngak hagait?

 Biak di nyu, rilo baoh sang hu dua, klau jalan tabiak min tame daok labaih pluh thun blaoh bo oh caik hatai tal. Jalan tabiak truh bala oh lac ta-eng pambang sang, meda lac ban công, takai nyal tagok tabung sang, maong tapa sang taphia nan “lan can” biar halei oh, meda tapa nan bloh trun hu salamat halei oh? Langiu di nan, dalam sang njauk brei hu pandap piah jan tayah yau  xà beng, kapắc - búa … Mikva njauk pambak tui dom pandap pagam tame danieng sang piah trun tal labik biar di abih bloh palao takai trun dahlau. Hu urang padau trun meng 4 tal 5 met glaong njauk rambuac saong metai kayua oh thau jalan padau. Meyah mboh hu pambang tho min kayua nyu glaong, oh padau trun hu ye peih pabah mbang tabiak piah sauk par tabiak gam eiw khang sap piah urang mai daong sumu./.