Uranaih mbuan njauk ruak pandiak tabiak darah

Meng akok thun 2020 mbiah tal ini, dalam taneh ia hu labaih 24 ribau mbang urang ruak pandiak tabiak darah di 58 tỉnh, ban dalam nan hu 4 urang metai. Di Ban raya HCM, dom urang njom ruak ini tagok meng kaok bilan 5, pataom ralo abih di dom huyện langiu Ban  yau  ye Hóc Môn, Bình Chánh saong quận 12. Urak ini, dom tỉnh gah Meraong negar tame bilan hajan, ini lac tuk lagaih ka jamoh mebaoh, pambak ruak.

  Tiến sĩ, bác sĩ Nguyễn Kim Thư, Trưởng khoa Virus - Ký sinh trùng, Sang iek ruak Nhiệt đới Trung ương brei thau, pandiak tabiak darah  lac ruak njom mbak cấp tính, meda ngak jeng jit kayua virut dengue. Ruak pambak tabiak kayua jamoh vằn kaik urang njom virut ruak, hadei di nan pambak tapa urang karei kayua jamoh kaok, tukvak pabam ruak meng 1 tal 2 adit. Di tuk vak camereip, urang ruak tok mboh pandiak bo takik mboh yau ruak karei nan ye mbuan sahaneng lac dom ruak bhian karei. Meng harei ka 5, pandiak tabiak darah trak jang, meda ngak khan darah, trun darah, meyah oh iek ruak samar ye mbuan metai.

  Langik pandiak blaoh hajan rilo yau dom harei tapa lac lagaih ka jamoh caih mebaoh. Ruak pandiak tabiak darah meda pambak praong kayua langik salih bilan. Langiu di nan, dom nerek tachrauk kayau hareik thải cong nghiep saong hareik klak tabaik yaok harei gam saong dom labik ia kandong, lac lagaih ka jamoh caih mebaoh, pambak ruak.

Ruak pandiak tabiak darah urak ini oh ka hu vaccin pacang caga saong jru  piah pasiam ruak. Jalan pacang caga ruak ralo meng lac pametai jamoh, anek raoh saong pacang jamoh kaik, cakak jamoh nyu pambak ruak. Mikva brei gum sir taong abih pandap padang ia palaih jamoh mebaoh; pametai anek raoh meng bruk raong ikan dalam kuang padang ia. 

  Meyah dalam sang hu urang ruak pandiak glong gam gam ye brei ba nao balai iek ruak, piah mek darah dut iek ruak pandiak tabiak darah piah iek ruak sumu chip, plaih ruak trak. Njauk brei uranaih ndih dalam kamo ( mùng), angui khan ao atah caga jamoh kaik. Langiu dom jalan angaok nan, mikva brei kham merat pambuak bruk saong gah y tế dalam dom mbang urang tame pruh jru pacang caga ruak./.

Urang lang: Aí Nghiêm - 11/6/2020