Jalan tame palei 

Jit ruak Covid-19 ngak ka Sunny Beach Resort di Mũi Né, Bình Thuận gaok biak rilo kan kandah. Jien mek tame trun daok takik, dalam tuk nan jien buh tabiak  ka bruk ngak di jabat jeng daok buh tabiak. Tuk Việt Nam jhul kadhul likuk jit covid-19, doanh nghiệp brei buh tabiak 20 tỷ đồng piah pasiam veik cơ sở vật chất, ngak bahrau saong parilo pandap panda dịch vụ piah caga ka bilan rivang ma-in hè ini. Amuk Lê Thị Mỹ Hạnh – Akaok điều hành Sunny Beach Resort di Mũi Né brei thau, jabat ini daok peih dom pok pandap yau “Bình Thuận dahlak ranam” piah pachreih tuia damuai nao rivang ma-in dalam taneh aia: Khaol dahlak nao gam haong puk palei, gam haong tỉnh drei caong khin ba dom janih pandap panda rivang ma-in piah ba gauk cakrok patagok bruk rivang ma-in dalam tukvak ini. Sunny khaol dahlak ba chất lượng pamere tuai damuai tui jalan siam di abih kayua lac dalam tukvak ini, tuai damuai daok pachreih mai, rik daong oh lac ta-eng hagait ka Sunny bo ka abih Mũi Né, nan lac kadha njauk iek praong.

  Dalam 6 bilan akaok thun 2020, dalam tỉnh Bình Thuận taduan raok hu labaih 1,5 triệu mbang tuai damuai, dalam nan tuai dunya hu jaik 156 ribau mbang, tuai dalam taneh aia jaik 1,4 triệu) mbang urang. Jien mek tame meng bruk du lịch jaik 4.652 tỷ đồng, lac jaik 26,1% bruk ba tabiak di thun 2020), trun 37,4% dut haong tukvak ini thun 2019.

Urak ini tuai rivang ma-in daok mai veik Bình Thuận. Saong piah pachreih tuai dalam taneh aia, bahrau ini Bình Thuận hu ba tabiak danak dak "Urang Việt Nam nao rivang ma-in Việt Nam” thun 2020. Taphia di nan, daok mboh tangin tame danak dak pambuak bruk pachreih rivang ma-in Bình Thuận – Lâm Đồng, khan brei thau dom jabat, doanh nghiệp hu mbaok tame danak dak “Oh wow! Mũi Né” piah ka dom doanh nghiệp lữ hành tỉnh Lâm Đồng pambuak bruk, dak padang danak dak ba tuai mai tal.

Ong Võ Xuân Nghĩa – Akaok pasak Thông tin xúc tiến bruk rivang ma-in Bình Thuận caong khin biak rilo tame danak dak pambuak bruk puk palei ini meda daong ka du lịch Bình Thuận dui pachreih hu biak rilo tuai damuai dalam negar: Jit ruak meng blaoh nyu ngak ka drei gul pataom gauk, njauk hatai glaong di dom labik rivang ma-in. Thei jeng thau hu dom kadha mbuan ba tal kan kandah ka gah rivang ma-in jeng yau dom khat lahik nan ye taong abih doanh nghiệp du lịch biak kham merat, oh lac kham merat dalam gah di drei bo daok gul pataom gauk ngak jeng talei pambuak bruk siam mekre haong dom gah dịch vụ karei saong hu bruk pachreih tui meng dom bruk ngak karei ye nyu meng ngak jeng bruk njauk hatai haong gauk piah ngak jeng dom jak jeng dalam tukvak anak tal.

Langiu di nan, di kreh bilan 8 anak tal, Hiệp hội Du lịch Bình Thuận daok hu mbaok dalam Nyaom darak Rivang ma-in Dunya Việt Nam - VITM peih tabiak di Hà Nội piah meyaih khan ka tuai damuai bal ine thau tal labik rivang ma-in Mũi Né – Phan Thiết – Bình Thuận.

Langiu di peih ngak dom danak dak dui pachreih urang nao rivang ma-in ye karja jeng njauk hu dom jalan ngak  piah daong ka dom doanh nghiệp daok gaok kan kandah hadei di jit prong urak ini. Ong Nguyễn Văn Khoa, akaok Hiệp hội du lịch Bình Thuận caong khin lac: Dalam tuk ini dom doanh nghiệp biak kan kandah, nan ye bruk pandar kadung jien piah nao xúc tiến meyaih khan ye jeng pok sap iew bruk daong di Sở Ilamo padhih saong rivang ma-in jeng yau UB bhap bani tỉnh Bình Thuận. Bruk ini, khaol dahlak jeng hu pathau tagok UBND tỉnh saong urak ini Sở Ilamo padhih saong rivang ma-in jeng daok ngak harak gar ba tagok UBND tỉnh piah pasang iek, brei pabak kadung jien duh ka bruk xúc tiến du lịch.)

Bruk pachreih tuai nao rivang ma-in dalam negar tukvak ini nan lac sarak biak siam tuk jit Covid-19 jeng daok rah tabiak khang angaok dunya. Kayua yau nan ye, langiu di bruk peih ngak dom danak dak dui pachreih, pambuak gauk di dom bhum taneh dalam bruk rivang ma-in ye tỉnh Bình Thuận brei hu dom sarak daong ka doanh nghiệp, hu yau nan meng samar daong ka gah du lịch di tỉnh pasiam veik./.

Urang lang: Jasi-22/7