Uranaih daok ma-in padhih 

Dom bác sĩ jeng ndom lac ma-in thể thao mbuan hu dom chấn thương yau jaoh tangin, jaoh takai, blait rak….min metai kayua dit blaong yau bruk angaok nan, lac biak takik mboh.

Bs Nguyễn Minh Tiến, phaok akaok Sang iek ruak Nhi Đồng bal raya ndom lac tuk hu sa lực khang meng baoh mbal paoh tame rup meda ba tal dom chấn thương, gaok mai mbuan metai lahik. Pagap yau, tuk sa lực khang paoh tame cada meda ngak pacah rak darah di phổi, ngak lahik darah samar drah, ba tal metai. Daok sa lực khang paoh tame labik baoh hatai jeng meda ngak pacah baoh hatai, ba tal metai lahik. Paoh gaok khang di cada jeng mbuan ngak pacah mạch vành ba tal metai.

Langiu di nan, sa lực paoh gaok khang jeng meda ngak pacah dom mạch darah thông thường, ngak sre darah di màng tim atau ngak bram phổi, sre darah di màng phổi, ba tal suy hô hấp, jeng mbuan metai kayua sốc lahik darah. Sa lực paoh gaok khang meda ngak brei bram baoh hatai, rối loạn nhịp tim, ba tal metai…Meng dom bruk yau angaok nan, bác sĩ Minh Tiến ndom lac tuk uranaih ma-in dom môn thể thao njauk pato ka ranaih dom jalan plaih njaik dom lực khang yau nan. Dalam dom mbang pakacah môn caoh mbal, tal tuk caoh phạt khaol drei mboh dom cầu thủ bhian mek dua palak tangin piah pacang baoh pleip, dua gah tangin pacang tian, saong pacang sa binah cada. Tuk baoh mbal nao tal dom cầu thủ ini thei jeng chat tagok, mbleng sa gah bara piah plaih sa lực biak khang meng baoh mbal. Meyah caik ka lực di baoh mbal ini nao tapak tame rup meda ngak jeng sa lực biak khang, mbuan ba tal chấn thương. Kayua yau nan ye, dom cầu thủ yaom lac hu pathram piah pakacah chuyên nghiệp min jeng hu jalan piah plaih njaik dom lực khang.

Bác sĩ Phan Vương Huy Đổng, phaok akaok Hội Y học thể thao TP.HCM, brei thau tuk ma-in thể thao, bala meda rah tabiak, yau nan ye njauk caik hatai tal dom kadha yau mblang dit blaong siam halei oh, dom urang hu mbaok tame ma-in njauk hu pato pakai  lac juai biak mek janeh gauk.

Tuk uranaih ma-in thể thao njauk hu mbaok dom urang amaik ame tui iek saong hu dom urang huấn luyện tacei pato ka uranaih. Tuk uranaih gaok bala dalam tuk ma-in thể thao, njuak sơ cứu pak di labik ma-in, hadei di nan iew Pasak Cấp cứu 115 piah ba uranaih nao tal labik điều trị./.

Urang lang: Jasi-12/12