Bhap bani bangsa takik peih ngak du lịch cộng đồng

Dom thun dahlau diah, sang amuk Đào Thị Hồng, daok di ấp Vinh Thanh, bal sit Ngãi Giao, huyện Châu Đức diuk rai pagam pambak tame 2 sào taneh pala amaraik kalu. Kayua amriak kalu gam gam njauk jit ruak, yaom kaom dak harei dak trun nan sang tuk halei jeng kurang anak kurang likuk. Thun 2016, hu karja daong brei mesre phun jien piah raong pabe. Kayua thau iek glang, pabe praong siam, tal harei ini tapol pabe hu labaih 10 drei. Muk Hồng khan lac: “Pala amaraik kalu njauk ruak metai jaik abih jeng kham merat ngak. Karja hu brei mesre phun jien blei pabe raong, yaok mbang pablei hu 3 – 4 triệu, pabe hu yaom ye hu 7 – 8 triệu, sa thun hu 2 mbang, raong pabe jeng hu jien. Pablei mbang ini blaoh caik veik pabe binai ka nyu menek piah raong, tuk pabe pajaih binai biak taha ye pablei nao, piah drei karei veik raong tra”.

Sang sa-ai Nguyễn Văn Huy, bangsa Chơ Ro, daok di huyện Châu Đức lac sa dalam dom baoh sang biak kathaot di palei. Dahlau diah bruk mbang cai dalam sang pagam pambak tame jien duah hu meng bruk nao galam pah di pasang. Min 2 thun dahlau, sa-ai Huy oh patuah njauk bala tuk daok ngak bruk, njauk liệt taong abih dua gah takai. Rai diuk kan kandah dak rambah rambup jang. Meng di tuk hadiuk di sa-ai hu karja palei  ba tame ngak bruk di khu công nghiệp Ngãi Giao, dom anek hu miễn jien bac, rai diuk hu tani tanat, oh daok kurang anak kurang lakuk yau dahlau daih. Sa-ai Đào Thị Thúy, hadiuk di sa-ai Huy brei thau: “Tuk hadiuk pasang bahrau tok gauk ye  pasang likei nao galam pah, baoh sang biak kan kandah, sang taik tahak. Dalam tuk daok ngak, mbao pandap laik trun ngak jaoh talang ka-ing, liệt 2 gah takai. Meng hu bruk doang di huyện,  sang sa-ai jeng hu pabak tame hasit piah padang ngak sang, urak ini jeng hu tani tanat”.

Tui ong Nguyễn Tấn Bản, Phaok akaok UB bhap bani huyện Châu Đức, dut haong 5 thun dahlau, rai diuk bhap bani urang bangsa takik dalam huyện urak ini hu siam jang. Kuhria meng akaok thun 2019 tal ini, dalam huyện hu 90 baoh sang tapa truh kathaot. Urak ini taong abih bhap bani dalam huyện hu sang khang kajap abih, oh daok sang tạm bợ... yau nan min, jeng daok 400 baoh sang kurang taneh pala drak, 147 baoh sang oh ka tapa truh kathaot. Ong Bản lac: “Urak ini huyện daok duh hatai di abih lac taneh pala drak brei ka mikva urang bangsa takik. Dom sang halei hu urang ngak bo kurang taneh ye salih bruk ngak brei ka bhap bani hu jalan ngak mbang duah jien, oh njauk lac kurang taneh blaoh caik palao nan, bloh pagam pambak tame karja. Nan lac kadha bo huyện saneng kuria di abih”.

Dalam dom thun anak tal, tỉnh BR-VT kham merat patrun yaok thun 0,4% baoh sang kathaot dalam bhap bani bangsa takik. Amuk Hoàng Thị Thùy Dương, Akaok jabat sarak mBan Bangsa tỉnh Bà Rịa – Vũng Tàu brei thau; piah ngak hu bruk ini, tỉnh meda ba tabiak rilo jalan ngak. Anak meta, ngan haong dom baoh sang kathaot oh hu taneh pala drak ye meda pato tacei mikva bruk ngak karei ka nyu laghaih: “Ngan haong dom baoh sang oh hu daong taneh pala drak ye drei daong tui jalan ngak karei yau daong phun pajaih, anek pajaih, daong tacei pato ilamu kỹ thuật raong glang, pala drak. Taphia di nan, ngan haong dom baoh sang hu  urang ngak lac tri thức ye meda tacei pato mikva tame bruk pato bruk ngak piah ba brei bruk ngak. Taong abih bruk raong anek hagait, pala phun hagait atau pato bruk hagait jeng njauk pambuak haong dom ngành, dom puk palei piah duah thau ka hatai caong khin di bhap bani”.

Tỉnh Bà Rịa - Vũng Tàu hu jaik 7.500 baoh sang, hu jaik 32 ribau urang lac bangsa takik. Dalam nan, rilo meng lac dom bangsa Hoa, Chơ Ro, Khmer saong Tày, Nùng; diuk rai meblak gauk haong bhap bani Kinh saong pataom rilo di dom huyện Xuyên Mộc, Châu Ðức...saong bal Vũng Tàu. Tỉnh BRVT ba tabiak jalan daong ka urang bangsa takik njauk nao gam haong patruh eik, patrun kathaot, paglaong rai diuk ka bhap bani, piah ngak hu bruk daok pamaong tal nan lac “Oh caik ka urang halei njauk klaak veik gah likuk”./.

Urang lang: Jasi - 14/11