Boh thanh long brei boh jamen bingi 

Dom thun dahlau, sang saai Nguyễn Thị Dung ngak hamu puh , pala phun tangei, phun tabau , jien duah hu takik bo pren ngak biak gleih glar.  Tal thun 2010, hu  xã song  huyện pachereih pala thanh long lagaih song bruk patagok  pak ni, yau nan ye, dui pasang saai khang hatai salih tapa pala phun  thanh long ralow meriak.

Tuk camereip, sang buh tabiak labaih 50 triệu đồng ngak geing bê tông angaok mblang taneh 5000 mét vuông piah ngak gai ndok pala  8000 phun thanh long. Dom harei camereip kayua oh ka hu ilamu pala, sang saai palih pajaih oh lagaih,  nan ye  boh sit, mesam song brei năng suất biar.

Hadei di nan, saai Dung nao duah thau dom mô hình pala thanh long di dom labik hu pala thanh long lavik thun, bac megru ilamu tapa dom mbang dahlau, thun 2013 saai khang hatai salih tapa  pala thanh long rtalow meriak.

Thun 2018 meng 1000 geing  thanh long ralow meriak  hu pala tui jalan  hữu cơ, sang saai Dung paik hu labaih  30 tấn boh song laba hu jiak  700 triệu đồng. Thanh long ralow meriak  lac janih tamuh hu dalam pandiak bhang, takik hu halak halin, brei boh luac thun, bo oh abih rilo pren iek glang, tuk vak paik boh meng bilan  6 tal bilan  12, hadei di  15 harei hu paik mek sa mbang, lac meng 9  tal 11 mbang/ sa thun.

Piah patui jalan patagok, saai  Dung jak ba mik va dalam  xã pala  thanh long ralow meriak  song padang  hợp tác xã Ngọc Hoàng. Thanh long ralow meriak di  hợp tác xã hu chứng nhận mek hu tanut  Vietgap song pambak tapa dom drak pasa dalam negar yau : Hà Nội, Hải Phòng, Thanh Hóa, Nghệ An, Vinh… saong daok hu pablei tapa drak pasa dunya  yau: Trung Quốc, Nhật Bản, DuBai...

Oh lac duah hu jien tani tanat, saai  Dung daok hu ba bruk ngak ka  2 urang ngak suai lavik song labaih  10 urang ngak tui thời vụ, dong ka urang ngak pak ni oh nao ngak mbang atah sang, duik pasang dok atah di gauk  

Boh thanh long hatai meriak hu dong ka sang saai Dung jang yau rilo boh sang urang nong di  xã Nà Bó duah hu jien tani tanat  yam tal ngak kaya meda angaok bhum palei di drei./.

Urang lang: Hanipha- 25/11