Bruk rao tangin biak saat piah pacang ruak Corona 

  Rao tangin thu njauk jalan oh lac tuh ia tabiak bloh sah sah dom mbang lac bloh. Drei brei thau ngak saong pato ka uranaih ngak dom jalan yau ala ini tuk khin ngak brei hacih saat tangin. Tuk jeng bhian randap, nyu dong biak rilo oh lac dalam mbang jit ni  bo ka harei hadei.

Tukvak rao tangin meng ia song sabon  bhian dalam  30s.

Ka  1: tuh  2ml ia rao tangin tame palak tangin 

Ka  2: sah khang 2 palak tangin

Ka  3: sah maok tangin haong  2 palak tangin

Ka  4: ngak brei hacih dom anek tangin

Ka  5: ngak brei hacih saat dom akaok tangin bloh hadei di nan caik ka nyu thu eng.

Drei njauk caik hatai tal dom akaok nek tangin song kakau tangin, nan lac labik anek ruak dok rilo di abih song mbuan si  var klaak di abih tuk rao tangin, abih di nyu nan lac tuk pandar ia rao tangin thu. Tuk pandar ia rao tangin thu, tukvak jeng dreih yau nan, min hu rao veik meng ia .

Rao tangin dahlau di tuk tabiak langiu jalan song dahlau di tuk mai sang, rao tangin hadei di tuk nao ruak tian, tuk gaok song dom chất dịch atau labik mboh yau njom mbak.

Njauk caik hatai sangka: Hadei di tuk ngak hacih saat tangin meng  ia rao tangin, drei cang ka nyu thu eng, jhui ye tangin tagok cambuai jip kayua ia jru ngak hacih oh ka thu ngak brei phik song ngak ka pandap mbang abih bingi tuk pan tame. Meyah oh hu ia rao tangin thu meda salih meng  cồn 70 độ, min jhui  pandar  cồn 70 độ rilo mbang./.

Urang lang: Hanipha- 13/2