Labaih 10 harei ini mai, ia di dom kraong bhum gah angaok kraong Cửu Long di Đồng Tháp daok ndih samar saong glaong jang tukvak ini tun dahlau meng 7 tất tal 1 mét. Ia daok nduac tame  dom mblang hamu birau yuak blaoh padai hè thu pak dom huyện Hồng Ngự, Tân Hồng saong ban sit Hồng Ngự di tỉnh Đồng Tháp. Tapa pasang iek di Balai kaya ikan dalam ia bhum 1 di Chi cục thủy sản tỉnh Đồng Tháp, hu yaok pluh ribau pandap halam nyol, dro, vah yaok janih piah chap ikan hadang hu bhap bini caik di hamu. Dalam nan, mboh ralo lac halam nyol cước caih mek ikan. 

Mboh ia tagok samar, diuk pasang sa-ai Phạm Phước Tài daok di xã Tân Công Chí, huyện Tân Hồng blei 30 baoh dớn yaom abih jaik 5 trieu dong piah chap ikan, hadang. Taong abih dom baoh dớn nan hu ngak meng halam nyol cước pak meta sit jang adat brei ngak:

“ Dahlau diah, raong glang min thun ini mboh ia ndik samar yau nan ye blei ghe halam nyol piah mek ikan hadang.”

           Hu Sa bruk bo jaik abih bhap bini taong chap ikan hadang thei jeng thau nan lac oh brei pandar điện taong ikan. Min anak meta mboh lac, kayua rilo makna karei di gauk bo bhap bini jeng daok pandar điện yau sa bruk oh kurang hu dalam yaok mbang nao chap ikan. Tui rilo jlan chap mek karei di gauk piah mek hu rilo ikan hadang, yaom lac ikan nek sit. Tapa nan ngak ka dom ikan hadang dalam kraong ribaong dak harei dak takik, ngak kan kandah tal bruk ngak mbang di drei. Sa-ai Trần Văn Dơ lac sa urang hu pandar điện chap ikan brei thau:

“ Thau lac Karja pakauk oh brei pandar điện chap ikan, dahlau diah nao luac sa harei dauh hu meng 5 tal 10 kilo ikan. Daok urak ini, tok hu 2,3 kilo min. Drei chap miat lo ye ikan nyu abih.”

Ngan saong 7 urang jakar  urak ini di Blai kaya ikan bhum 1 labik Hồng Ngự, tỉnh Đồng Tháp tok pasang iek, kakei pahadar urang brei paok klaak dom halam nyol mek ikan hu meta gilong sit suan adat, atau pandar điện tuk hu mboh. Bruk daok veik nan lac karja dom palei dalam bhum 3 krieng taphia negar kraong Hồng Ngự, Tân Hồng saong ban sit Hồng Ngự njauk brei hu bruk sang ka chip dalam pathau khan, jak ba bhap bini paglaong akaok sahaneng brei ngak tui adat di Karja ka meta halam njol chap ikan, oh brei chap ikan hadang meng điện. Ong Le Hoàng Nam, Akok Blai kaya ikan bhum 1 - Chi cục kaya ikan hadang tỉnh Đồng Tháp ndom lac:

“ Blai hu tabiak harak pathau khan oh brei chap ikan dalam iakn caik mebaoh saong pakauk oh brei pablei pandap chap ikan meng halm nyol meta gilaong sit. Dalam pathau khan jeng brei hu pambuak bruk di karja dom xã piah khik iek bruk taong chap ikan  jeng yau paok klaak dom pandap chap ikan oh njauk tui adat”

Kaya ikan hadang dalam ia kraong ribaong nan lac drap ar quý di bhum ia taba kraong Cửu Long. Yau nan min, bruk daok mboh cambaih di anak meta lac ikan hadang dak harei dak takik. Bruk nan mai meng taong chap ikan ralo tui rilo jalan karei di gauk, oh huac suan sung adat. Meng bruk nan ba tal kaya ikan  hadang lac bruk ngak mbang di yaok ribau baoh sang bhap bini dak harei dak kan kandah rilo tuk tame bilan ia ndik./.