NGHE NHAN KHEN BAU CHAMALEA THANH

 
     Hadei harei mbang Katê 2016, kol dahlak mai palei Tà Dương (xã Phước Thái, huyen Ninh Phước) duah gaok nghệ nhân Chamaléa Thanh. Sap khèn bầu ndung bak suan yava ceik glai di ông lai tame sap mã la đặc sắc hu daong ngak brei jak jeng ragu ragam uan raok Katê  di bimong Pô Klong Girai. Bruk me-in  khèn bầu di nghệ nhân ChamaléaThanh ngak ka tuai damuai kan var hu janih alat ragam meng kan di bhapbini Raglai dalam palei. 
         Kol dahlak hu rilo mbang pang sap khèn bầu kayua nghệ nhân Chamaléa Thanh me in di dom harei mbang Katê, harei pataom ilimo Raglai, raok uan xã Phước Thái hu chuẩn palei pala barau, harei palei ilimo Tà Dương. Meng tuk umo 10 thun, ông tui dom urang praong thun dalam palei bac yuk khèn bầu, bhapbini Raglai ieu lac Cà bốt Cà tó. Sap khèn bầu tanhi tagok dalam dom harei uan bilan padai barau, roya palei, ndam likhah, ngak pathi, dom yut mai sang me in. Khèn bầu meda độc tấu atau hòa tấu saong mã la, Chapi ngak jeng sap yava ceik glai chreih chrai hatai menuac.
         Puac thun 2010, nghệ nhân Chamaléa Thanh saong kapul alat ragam meng kan palei Tà Dương hu urang dang akaok gah ilimo, padhih saong Du lịch daa tabiak Hà Nội biểu diễn salam uan peih pakak palei ilimo dom bangsa Việt Nam di Đồng Mô, hu urang maong di ban ine pok meyaom. Tacei tagok blah thaot taphia Lăng Wa hu tuan di kreh sang, ông lac : Drei patoah hu sa mbang meng Tà Dương tabiak Hà Nội, tame ravang Wa Hô saong me in khèn bầu duh ka bhapbini ban ine. Ini lac haniem phuan praong abih di drei  hadei di jaik 60 thun kak kajap saong baoh khèn bầu”. Bruk ngak khèn bầu jeng biak công phu, piah ngak hu sa baok khèn abih meng 10 harei tal meteh bilan. Meng pilih ruah baok kathaoh thu cao gilaong tal tagok ceik duah nding krem caik klaih đồng định âm, cân chỉnh âm thanh. Piah yuk sap khèn pang hu  suan yava, njauk kham merat pasram meng 5-7 thun. Ông caong khin likei dam  dalam palei bac me in alat ragam bangsa piah khik ramik ilimo mengkan di bangsa Raglai puk palei. 
       Saai Daghe Hoàng Thọ, akaok mban khik ramik palei Tà Dương brei thau, Nghệ nhân Chamaléa Thanh lac urang praong thun hadah krah di puk palei. Ông hu pathau khan, jak ba dom nghe nhan dân gian tame pasram me in alat ragam Raglai duh ka dom harei roya praong di puk palei. Langiu me in khèn bầu, ông daok ramik pasiam sap mã la, ngak Chapi, pato bruk pak mây tre ka mikva dalam palei, rik daong dak padang raidiuk ilimo labik bhapbini daok.      

Thúy Linh