Nghe nhan khik ragu daoh bhapbini Khơ Mú

Amuk Mòng thị Ơi, daok di bản Lọng Ôn, xã Mường Và, huyện Sốp Cộp, tỉnh Sơn La, takre saong hadah mbaok meta ka ragu daoh bhapbini Khơ mú. Amuk oh lac khik hu dom ragu daoh mengkan bo daok paneh saong daoh dom kadha daoh barau. Kadha “ kreih camin palei negar “ harei ini, kol dahlak likau khan ka nghe nhan nan tapa kadha vak di Hồng Việt, urang vak di rayo sap ndom Việt Nam:

    Mikva daok di bản Lọng Ôn, xã Mường Và, huyện Sốp Cộp, mboh hadah mbaok meta ka  nghệ nhân Mòng thị Ơi – urang hu sap daoh yamen li-an, ngak megei hatai menuac saong hu paneh ralo kadha daoh ka urang Khơ Mú. Ndih tapui di huyện Sông Mã, min meng sit amuk saong sang di drei ba gauk nao daok di xã Mường Và – libik daok ralo meng livik mai di bhapbini bangsa Khơ Mú. Tuk daok sit, amuk hu pang rilo dom ragu daoh bhapbini Khơ Mú  lai li-an tapa panuac daoh ru di ong muk, amaik ame. panuac daoh tuk chreih chrai yau bui sambai pala drak njuak, tuk dhar dhar yau daok khan ka bruk meyut meyau.

       Meng sap daoh bingi pang, lai li-an, dom thun hadei nan, amuk tuk halei jeng hu mbaok dalam dom harei pataom daoh tamia kayua xã, palei peih ngak. Daoh takơ ngan saong amuk yau lisei huak, yau ia menyum, lac bruk bui sambai dalam raidiuk. Amuk Ơi khan lac “ dahlak mong manuac sia, maong lingik tasik, sahaneng tabiak kadha daoh blaoh daoh ka anek taco pang”.

      Amuk Mòng Thị Ơi hu paneh tabiak yaok ratuh kadha daoh bhapbini Khơ Mú, duah pataom hu yaok ratuh kadha daoh bhapbini Khơ Mú mengkan, pato veik ka dom anek taco. Meng panuac daoh mbuan hadar, mbuan thau, dom kadha daoh kayua amuk paneh hu jeng bhian randap saong bhapbini Khơ Mú.  Thun 2015, amuk Mòng thị Ơi hu karja pok brei angan Nghệ nhân ưu tú dân gian.

  Umo thun yam tame 60, nghệ nhân Mòng thị Ơi jeng daok abih hatai rik daong tame bruk khik ramik saong patagok ilimo di bangsa Khơ Mú meng bruk ngak brei medeih veik dom ragu daoh bhapbini ndung bak suan bangsa di bhum taneh palei negar drei./.

 Thúy Linh