Dahlau di tuk oh ka hu Nghị định 67 di rajaei ka dom sarak patagok kaya ikan, dom kapal ikan di Ninh Thuận rilo meng lac kapal meng 250 mã lực (CV) trun saong oh ka hu kapal labaih 700 CV. Min, meng tuk ngak tui Nghị định 67 hu daong ka rilo urang ngak ikan hu ngak pô kapal  praong yaom yaok pluh tỷ đồng, ngan saong công suất meng 400 CV, 500 CV, atau yaok rabau CV, ba mbuan lagaih ka urang ngak ikan tabiak tasik, rik daong khik caga chủ quyền tasik pulao. Kadha vak di urang pambuak bruk Hoài Hương –Văn Cảnh: 

      Tui pathau khan di gah ngak nong, dalam tỉnh Ninh Thuận hu 33 dự án hu akaok Ủy ban bhapbini tỉnh phê duyệt ginup điều kiện tut angan mesriay jien piah ngak barau, ramik pasiam kapal ikan, ngan saong yaom jien tui kuhria labaih 440 tỷ đồng. Dalam nan, hu 20 sruh kapal hu ngak blaoh, ba tame ngak bruk, 13 sruh daok ngak, ngan saong yaom jien mesriay tal tukvak ini lac 167 tỷ đồng. Tui bruk ba tabiak, akaok quý 2 thun ini, hu 7 sruh kapal hu ngak blaoh, ba tame pandar. Ông Đỗ Ngọc Liên, xã Cà Ná, huyện Thuận Nam- tỉnh Ninh Thuận barau hạ thủy baoh kapal ikan tui Nghị định 67 brei thau : “Dahlak biak thau dhar phuan Đảng saong karja meng bruk daong meng dự án 67 ka sang dahlak biak chreih chrai tabiak tasik taong ikan, anak meta pasiam raidiuk sang, hadei tra lac khik caga chủ quyền tasik pulao di negar”.

      Tapa pasang iek di gah ngak nong, rilo kapal hu ngak barau di tỉnh ba tame ngak bruk hu kein laba, kuhria yaok mbang nao tasik mai, laba hu yaok pluh triệu đồng. Yau ye kapal Dịch vụ hậu cần di urang ngak ikan Võ Ngọc Minh di phường Đông Hải, ban sit Phan Rang-Tháp Chàm, hadei di 18 mbang blei, laba jaik 1,1 tỷ đồng. Kapal di urang ngak ikan Lê Minh Trí di xã Thanh Hải, huyện Ninh Hải hadei di 6 mbang taong cap, laba hu 750 triệu đồng...Urang ngak ikan Võ Ngọc Minh lac : “Ngak sruh kapal 67 ngak dịch vụ hậu cần biak uan tabuan, piah nao tasik gam saong mikva urang ngak ikan, daong mikva urang ngak ikan mbuan lagaih lac daok di libik, drei pajeng ba pandap, menyek, ia patau, pandap mbang menyum, dom janih njam tabiak tasik atah blaoh drei blei ikan ba tame, daong ka mikva sahanang hatai nao tasik.

       Nghị định 67 di rajaei hu rik daong jhul gah kaya ikan patagok, dom kapal saong bruk taong cap tagok jang, mblang taong cap jeng oh padheih peih praong, bruk taong cap kaya ikan di kreh tasik atah jeng hu tamuh dalam hatai urang ngak ikan.

      Min, duk saong bruk bo Trung ương jao brei ka tỉnh lac 71 dự án, tal urak ini, bruk ngak kapal barau tui Nghị định 67 daok bair, dalam nan hu 7 dự án, kapal ngak jaik si blaoh min gilang pariak oh ka brei jien mesraiy. Kayua yau nan ye, dom pakat, dom gah chức năng tỉnh Ninh Thuận njauk sangka, samal langyah dom caong khin, ba mbuan lagaih ka urang ngak ikan hu taduan mek paok jien ngak barau kapal ikan piah nao tasik, ngak meda ka sang saong xã hội, rik daong brei thau, khik caga chủ quyền tasik pulao gireih di negar ./.

Thúy Linh