Sang kreih pala dưa lưới hữu cơ di saai Hào

Mai veik Cần Thơ hadei di tuk mek hu Giải nhì dhi puac abih bruk pacacah hatai saneng duah jalan padang mbang ngui “Start-up Student Ideas” mbang camriep thun 2016 di Hà Nội, urang likei angan Nguyễn Hữu Huy Hào, ndik tapui thun 1995, di tỉnh Cà Mau - Sinh viên gah môi trường, Sang bac ĐH Cần Thơ chreih chrai jang haong bruk roh duah dom haluk hacih hu ngak meng gluh nerak. Tapa roh duah, saa khang hatai padang doanh nghiệp langyah moi trường saong pandap hadei di langyah lac haluk hacih hữu cơ Nata.

Meng jak jeng di haluk hacih Nata, bilan 6/2018, Huy Hào yam tame gah ngak nong công nghệ glaong, padang ngak sang kreih pala dưa lưới hữu cơ. Pala iek saong roh duah pajaih tamun bahrau di bhum tanek njom mbak Cà Mau, nan ye Huy Hào gaok oh takik kan kandah dalam bruk raong phun praong, brei baoh yamen, bingi. Saai khan lac: tuk ndom tabiak hatai sahneng di drei, thei jeng lac Hào “ảo tưởng”, gah pabak pajaih di Japon jeng lac phun oh ndiuk hu. Min, Hào jeng khang hatai ngak saong hu bruk pachreih tui meng amaik ame adei sa-ai dalam sang: “Ame saong drei – dua urang ba tangin tame roh duah, tuk camereip biak rilo kan kandah, ngak iek di labaih 6 – 7 ribau phun, min tok hu dom ratuh phun diuk hu.”

Tapa roh duah, bac megru hu oh takik ilamo, Huy Hào mek hu jak jeng dalam bruk pala dưa lưới, padang tabiak Cty Nông trại ngak nong công nghệ glaong Cà Mau Farm. Kuhria tal tukvak urak ni, Cty di Huy Hào hu 40 bien pala dưa lưới di dom tỉnh, yaok bien praong 500m2, daok di tỉnh Cà Mau tagok tal ban Cần Thơ. Tui kuhria yaok bilan, Cty paik hu 10 – 12 tấn baoh, hu ba tame pablei dalam dom siêu thị praong yau ye Coop, Go saong pablei tabiak negar langiu, talo meng lac pablei tapa Japon, laba hu labaih 2 tỷ đồng sa thun.

Oh padeih di nan, Huy Hào jeng lac urang nao dahlau dalam bruk ba dâu tây mai pala hu siam di Cà Mau. Piah ka janih baoh ini hu tal tangin urang pandar samar drak, siam lagaih, Huy Hào pilih ruah jalan ngak nong công nghệ glaong pambuak haong rivag main. Tui damuai mai tal bien hu pilih ruah eng dom baoh tamun, baoh dâu drei takre. Nan ye hadei di dom harei, baoh kayau dalam bien hu pablei abih.

Bruk padang mbang ngui hu jak jeng di Huy Hào hu ba bruk ngak ka rilo urang ngak dalam palei, jien mek tame yaok urang meng 5 – 8 triệu đồng/ sa bilan.

Saai Trần Việt Tuấn, Phó akaok kapul dam dara ban Cần Thơ brei thau: Huy Hào praong tagok meng bruk pacacah Sinh viên padang mbang ngui di Trung ương, bruk kham marat yam tagok tal jak jeng di Hào hu padang hatai jia ka dom urang đoàn dam dara saong dang akaok kalup kapul padang mbang ngui salih bahrau Sáng Tạo ban Cần Thơ. Dom urang hu mbaok tame kalup kapul jeng lac dom urang padang mbang ngui jak jeng, gah halei jeng hu, nan ye biak lagaih piah gam haong ban daong ka dam dara bahrau peih bruk ngak mbang. Saai Trần Việt Tuấn daok brei thau lac: “Anak tal, Thành đoàn jang yau urang pan akaok ban daok hu dom mbang ndem biai nao mai piah daong rilo jang ka dam dara ban dalam bruk padang mbang ngui;saong hu dom mbang piah ka dom urang padang mbang ngui jak jeng yau Hào brei thau dom ilamo di drei. Dalam thun 2021 meda daong ka Hào piah tut angan pandap OCOP di ban.”

Lac urang pan akaok kapup kapul padang mbang ngui sahneng duah salih bahrau ban Cần Thơ, Huy Hào hu nao gam haong pato tacei hu siam lagaih gah pathau khan jalan peih bruk ngak mbang, bruk padang mbang ngui ka dom adei ranaih umo, khik ramik siam bruk ngak di kalup kapul yaok adit saong pataom iek veik yaok 3 bilan. Ndom ka jalan ngak di anak tal, urang dam 9X ni khan lac: “Khol adei daok brei peih praong bien pala, oh lac taeng di Cà Mau bo di dom tinh, bal bhum taneran kraong CL drei, piah meng dom pandap hu yaom glaong dalam siêu thị ye nyu jeng pandap di manuac sia, thei jeng meda pandar hu.”

Daok di umo 26, Nguyễn Hữu Huy Hào urak ni daok ngak po 4 doanh nghiệp: Cty TNHH langyah alam moi truong Nguyễn Trần langyah gluh nerak ka dom sang mac xí nghiệp ngak hadang di Cà Mau; Cty TNHH padang ngak sự kiện Tám Hồng; Cty haluk hacih hữu cơ NaTa saong bien ngak nong công nghệ glaong Cà Mau Farm. Saai lac 1 dalam 56 urang hu angan je hu taduan giải thưởng Lương Định Của thun 2020 saong daok hu rilo harak mayaom meng pakat ban tal pakat negar. Jak jeng di urang likei 9X mai meng hatai khang oh klaak bruk saong jia lac, Huy Hào meda buh prein di drei rilo jang, yau asal kadha bo saa ba tabiak lac: “ngak kaya mada di puk palei drei, ba abih drei ka bhap bini lac bruk bo saai tuk halei jeng tui ngak”./.

Urang lang: Thu Thảo – 12/04