Nhạc sỹ Quảng Đại Hội hu urang Chăm ieu meng angan anit ranam lac Raya- Quảng Đại Hội. Urak ini, ong paneh hu labaih  20 kadha doh  Chăm ndung bak hatai anit puk paga, palei negar, ranam menuac sia saong bruk meyut meyau… hu rilo  ca sỹ Chăm doh biak bingi pang. Langiu di nan, ong dok lac hội viên ưu tú hu rilo rik dong ka Hội Văn học nghệ thuật dom bangsa takik Việt Nam di ban raya  Hồ Chí Minh. Ha Ni Pha, urang vak di rayo sap ndom VN dok di ban raya Hồ Chí Minh hu kadha vak khan tal urang  nhạc sỹ ni:

          Nhạc sỹ Quảng Đại Hội lac sa dalam dom urang Chăm jak jeng dahlau di thun 1975, prong tagok ong daok saong ngak bruk di Bal raya Hồ Chí Minh. Lac sa urang gru pato, min ong gheih gah daoh tamia. Meng thun 1970, ong paneh kadha daoh mbiah tal harei ini. Yaom lac, oh hu bac megru gah paneh kadha daoh, min meng hatai takre, eng drei bac megru, ong paneh hu dom kadha daoh biak bingi pang, njom tame hatai urang pang. Nhạc sỹ Raya brei thau: yaok kadha daoh di ong jeng hu cảm xúc karei, dalam nan hu dua kadha daoh mbluak di abih lac “Gió nắng quê em” saong “Harei likhah”, bhian hu daoh dalam dom harei lễ hội saong dalam tuk likhah caga di bhap bani  Cam. Dua kadha daoh brei mboh dua dòng nhạc karei di gauk. Meng dua kadha daoh daneiy angan ini ngak ka ong jeng nhạc sỹ dalam hatai bhap bani urang Cam. Nhạc sỹ Raya brei thau:

           Nhạc sỹ Quảng Đại Hội tuk halei jeng jaik taphia haong bhap bani Cam saong tuk halei jeng halan hatian pok sap daoh tuk hu panuac caong di urang takre. Tuk ndom tal ong lac meng uranaih sit tal dom adei sa-ai kumei, dam dara meng bal sit, tal palei pala bhum urang Cam jeng ndom tal kadha daoh “Harei lakhah” saong ragu ragam bui sambai, biak jaik taphia haong rai diuk di urang Cam. Saai Na Ry Na, daok di quận 3, Bal raya Hồ Chí Minh, lac:

     Nhạc sỹ Raya hu labaih 20 thun hu mbaok dalam Hội Văn học nghệ thuật dom bangsa takik bal raya Hồ Chí Minh. Urak ini, Hội Văn học nghệ thuật dom bangsa takik bal raya Hồ Chí Minh hu labaih 1100 hội viên, dalam nan Chi hội bangsa Chăm hu labaih 100 hội viên. Ini jeng lac labik jum pataom ralo hội viên di dom bangsa Yuen, Lo, Khmer, Chăm  ngak bruk gah văn hóa, ngan haong ralo bruk ngak yau: duah pataom, roh duah, sáng tác. Ndom ka nhạc sỹ Raya, Tiến sỹ  Phú Văn Hẳn, Phaok Chủ tịch Hội Văn học nghệ thuật dom bangsa takik Bal raya Hồ Chí Minh brei thau:   

         Meng dom rik daong yau nan, nhạc sỹ Raya Quảng Đại Hội harei ini hu bhap bani Cam ait ranam saong iek prong. Tapa dom bruk ngak di ong hu pachreih dom tài năng âm nhạc ranaih umo yam takai tui jalan di ong muk amaik ame, ngak brei ka  âm nhạc Cam nerak bingi, ndam baoh, ngak brei pahe jang bein âm nhạc di baoh sang praong dom bangsa Việt Nam./.