Tukvak tapa, bruk “Jak ba gheih” daok ngak brei salih bahrau jalan sahneng di bhap bini ka patak pataom, khik ramik ilamu, paglaong akaok sahneng ka khik caga môi trường. Rilo mô hình, jalan ngak “Jak ba gheih” di dom kapul nyaom, menuac urang hu ngak brei medeih tagok trách nhiệm di bhap bini, pagap yau: kalup kapul “5 oh, 3 hacih”; taduan khik dom jalan hijao-hacih-mekre; bruk “Truac hadah jalan palei”, tabiak dahlau meng xã Phương Hải urak ini pambak tal dom xã Hộ Hải, Tân Hải, Tri Hải… Sa dalam dom kein lagaih mboh cambaih di bruk “Jak ba gheih” nan lac bruk ba tangin tame di bhap bini piah khik ramik an ninh chính trị, trật tự an toàn xã hội dalam puk palei. Meng rilo jalan ngak gheih, naih pathau khan, jak ba nan ye pakat ủy, karja meng huyện tal puk palei saong dom kapul nyaom hu ngak brei medeih tagok hatai anit ranam taneh ia, patagok hu trách nhiệm di bhap bini dalam bruk tame khik ramik trật tự an toàn xã hội. Urak ini,  huyện Ninh Hải hu 50 Tổ bhap bini eng drei khik caga  khang kajap di puk, palei, padang bahrau 5 mô hình địa chỉ tin cậy saong 1 kalup kapul urang kumei khik iek, pato pakai, daong ka menuac tái hòa nhập cộng đồng (ban sit Khánh Hải). Lingiu di nan, daok khik ramik hu dom bruk yau: “Labik daok oh hu tệ nạn” di xã Xuân Hải; bruk Taong abih bhap bini khik caga an ninh negar dalam saman bahrau; but pajiah eng drei khik caga kayua siam mekre, salamat bhum bhap bini Cam xã Xuân Hải.

Bruk njauk biai dalam thun 2018 lac  tapa  “Jak ba gheih”, jak ba  hu 9 sang alin brei 990 m2 taneh pala padai piah ngak jalan bê tông tame hamu saong ngak bahrau 3 duk bac mẫu giáo di xã Phương Hải. Di xã Hộ Hải hu jak ba bhap bini, doanh nghiệp saong khối cơ quan rik daong harei ngak bruk saong jien piah tuh bê tông dom jalan palei lac 408 triệu đồng… Meng ngak siam bruk “Jak ba gheih” nan ye danak dak padang ngak palei pala bahrau dalam huyện hu rilo salih bharau biak siam, rik daong praong ka bruk padang ngak hu palei pala bahrau di 6 dalam 8 xã, urak ini daok 2 xã ngak hu 13 dalam 19 tiêu chí (lac xã Vĩnh Hải saong xã Nhơn Hải).

Ong Phú Văn Trạng, Phó Bí Thư Thường trực Huyện ủy brei thau: Dom bruk ngak hu meng pakacah gauk “Jak ba gheih” dalam tukvak tapa nyu patagok hu quyền ngak po, pren sahneng duah bahrau, hatai kham merat yam tapa kan kandah di bhap bini, ngak jeng bruk njauk hatai gauk, ba gauk tame dom bruk pakacah anit ranam taneh ia, meng nan raidiuk bhap bini hu tagok, mbaok meta palei pala hu rilo salih bahrau, hadah hadai tagok. Anak tal, huyện brei pataom tame cakrok, patagok, pambak praong dom bruk, dom điển hình tiên tiến tapa bruk pakacah “Jak ba gheih” pambuak haong dom tiêu chí dalam padang ngak palei pala bahrau, sangka salih bahrau asal kadha, salih bahrau bruk ngak tui jalan kak kajap haong dom bruk praong di cơ quan, đơn vị, puk palei. Kham merat hu jeng huyện palei pala bahrau di thun 2020./.

Thế Quang