Pathau mikva saong taong abih gauk! Hadei di tuk ba tabiak bruk khik iek glai meng phon pan tangin tapa định vị toàn cầu di gah Kiểm lâm Ninh Thuận, barau ini Ninh Thuận hu gilac sa bruk sản xuất, pandar công nghệ glaong jak jeng hu ba tame pandar ralo. Nan lac pandar phon pan tangin piah pruh ia patak pataom duh ka bruk ngak nông. Bruk ngak nan mbang akaok meti ngak hu jak jeng di palei Chăm Tuấn Tú, xã An Hải, huyện Ninh Phước-tỉnh Ninh Thuận. Kadha vak di urang pambuak bruk Minh Triều-Văn Cảnh:

Labaih 7 thun pandar hệ thống pruh ia patak pataom duh ka bruk pala drak di taneh praong 2,4 ha, min meng bruk pandar công nghệ glaong pruh ia patak pataom, ong Hùng Ky, urang nông xã An Hải, huyện Ninh Phước-tỉnh Ninh Thuận mboh bruk mek ia ka phun pala hu mbuan lagaih jang. Yaom lac daok di labik halei, tok hu phon pan tangin saong payua tin nhắn, hệ thống ia pruh di sang ong tự động pruh ia, klah abih ralo saong palai pajoa ia yau dahlau daih. Tuk hệ thống khut, phon pan tangin nyu nyu hu tin nhắn ka ong Hùng Ky thau piah pasiam veik: 

 “Tuk dahlak nao halei nan oh daok di sang, tok bấm phon pan tangin jeng pruh ia hu. Nyu tự duk độ ẩm ala taneh, tuk ginup ia, nyu padam. Tuk mô tơ khut ye nyu khan veik ka drei thau tapa phon pan tangin piah mai langyah. Bruk ini biak hu kein laba biak thông minh ka bruk ngak nông”.

Bruk pruh ia patak pataom pandar công nghệ glaong hu kapul urang nông tỉnh Ninh Thuận saong sang bac Cao đẳng bruk ngak Ninh Thuận ngak iek meng bilan 7 thun 2017. Siam lagaih praong abih di hệ thống ini lac patak pataom phun jien, lagaih ka urang nông saong hu bộ cảm biến nan ye duk hu độ ẩm di taneh. Tuk pruh ginup ia, hệ thống eng drei padam piah klah palai pajoa ia di bhap bini. Jalan pandar biak mbuan, mikva urang nông tok payua sa tin nhắn phon pan tangin ye meda pruh atau padam hệ thống njuk ia. Thạc sỹ Nguyễn Phan Anh Quốc, phaok Hiệu trưởng sang bac Cao đẳng bruk ngak Ninh Thuận brei thau:

 “Nyu palagaih ka urang nông. Oh njauk nao tal labik piah peih van. Ka dua lac pasang iek hu ia pruh, klah palai pajoa ia. Meng hệ thống ini, kol dahlak meda pambak praong ka dom baoh sang urang nông karei”.

Di var nghiệm thu saong ba tame pandar bruk ứng dụng công nghệ glaong pruh ia patak pataom duh ka bruk ngak nông, dom urang ilamu saong urang nông di dom puk palei dalam tỉnh Ninh Thuận hu mai maong iek hệ thống nduac thử nghiệm.. Tui taong yaom tuk camereip, ini lac bruk ngak lagaih saong bruk pala drak di mikva bangsa Chăm di puk palei, peih tabiak jalan siam bahrau dalam bruk pandar dom ilamu kỹ thuật tame bruk ngak nông. Min, piah ngak hu bruk ini, brei hu phun jien buh tame ngak, dalam tuk jien ndo di bhap bini oh ka pabak hu. Ong Kiều Như Bổn, akaok kapul urang nông tỉnh Ninh Thuận brei thau Kadung jien daong urang nông tỉnh hu daong tuk camereip:

 “Anak tal, ngan saong hội ye kol dahlak brei pambak praong bruk ngak ini. Kol dahlak daok pambuak bruk saong sang bac cao đẳng bruk ngak piah ngak brei siam di abih. Abih takik jien piah daong mikva hu jalan patagok”.

Piah bruk ngak ini hu peih praong dalam tukvak anak tal, abih di nyu nan lac di bhum urang bangsa Chăm tỉnh Ninh Thuận, dom gah chức năng brei hu sarak pachreih ba, daong ka urang nông hu mesraiy jien di gilang paraih piah ngak thiết bị công nghệ. Hu yau nan, bruk pambak praong bruk pruh ia patak pataom pandar công nghệ glaong di Ninh Thuận meng mek hu kein laba glaong./.