Rilo tapaon athur oh hu ia menyum 

Danao Ong Hồ Kinh (xã Nhơn Hải, huyện Ninh Hải) padang hu 800.000m³ pabak ia pruh ka labaih 200ha pala nho, lisun, tỏi di Ninh Thuận daok thu ia meng rilo bilan ni mai. Bhap bini brei thau, kayua 2 thun ni mai  hajan biak takik  danao tuk halei jeng kurang ia. Piah daong ka phun pala, rilo sang buh tabiak yaok pluh  triệu đồng kuac  danao raok bingun mek ia. Min, oh njauk lac thei jeng patuah kuac raok hu ia.

Huyện Ninh Hải bhum taneh lagaih piah pala njam patam, ni jeng lac bruk ngak mbang duah jien di rilo mik va bhum taneh pandiak Ninh Thuận. Urak ni, piah hu ia pruh  ka phun lisun, tỏi, meriak, mik va blei ia meng langiu palei pajeng tame abih jien biak rilo. Ong Võ Thể, Phó Chủ tịch UBND huyện Ninh Hải, brei thau, oh ka hu thun halei urang mbang Tết Nguyên đán bloh njauk dang anak bruk kurang ia pala drak yau thun ni. Piah pacang caga pandiak bhang, tỉnh padang ngak jalan nding ba ia labaih 11km nao tapa dom labik njauk pandiak bhang trak. Min, kayua kurang ia meng halau ia, nan ye oh njuk ia tame bhum gah ala hu. Dalam tuk vak anak tal, meyah oh hu hajan, lac biak kan kandah ka bruk ngak mbang pala drak song rai duik di bhap bini labik danao ia hu dung tích sit, takik ia.

Piah patrun patakik khat lahik  kayua pandiak bhang, UBND huyện Ninh Hải samar tacei pato gah ngak nong pambuak song dom xã pataom tame pacang caga dom janih phun pala, dom janih phun ngak nong praong, pathau khan brei mikva  kuac raok mek ia ka nyu lagaih. Saong palei jeng hu jhul khang bruk salih janih phun pala, pataom tame pala dom janih phun pala angaok thu katut harei, phun pala lagaih song langik pandiak, takik pruh ia, pandar  công nghệ pruh ia patak pataom…

Oh lac hu huyện Ninh Hải, urak ni di dom labik  dalam huyện Thuận Nam, Ninh Phước, Bác Ái, Thuận Bắc di tỉnh Ninh Thuận, bruk kurang ia pala drak dok rah tabiak dak harei dak khang. Ong Phạm Ngọt, Phó Giám đốc iek gah Công ty TNHH MTV ba pandar danak dak krong ribong  Ninh Thuận, brei thau, yaom lac bahrau yam tame tuk vak akaok bilan thu min ia dalam dom danao  thủy lợi dak harei dak thu. Kayau yau nan ye, tỉnh hu panuac kakei  urang pandar ia patak pataom di abih. Ia kurang ngak ka rilo mblang taneh ngak nong padeih pala drak, tui kuhria dalam vụ đông xuân 2019-2020 dalam tỉnh hu labaih  7.500ha taneh padai , njam patam, rong pala kaya ikan brei padeih ngak kayua kurang ia.

Piah langyah bruk nan, meng harei  22-1, Công ty TNHH MTV ba pandar danak dak  thủy lợi Ninh Thuận hu peih  2 pambah mbang tathuak ia  di hồ Sông Sắt piah patagok bruk ba ia tame tabiak, pabak  2,22 triệu m3 ia  ka bhum gah ala. Min, kan kandah di abih lac tui bruk batabiak, dalam tuk vak anak tal, sang mac thủy điện Đa Nhim hu ba điện bier jang  di bhum taneran ye langik pandiak bhang  rah tabiak khang, kan kandah tapak tal bruk ngak mbang ngak huak di bhap bini, abih di nyu nan lac  350ha padai hu tam drak.

Anak bruk langik pandiak bhang trak, UBND tỉnh Ninh Thuận hu tacei pato Công ty TNHH MTV ba pandar danak dak  thủy lợi Ninh Thuận pataom tame pasang iek, padang jalan ngak cambaih laih, tantu piah hu jalan ba ia tame tabiak ka nyu lagaih. Abih di nyu nan lac, pabak dahlau ia ka bhap bini pandar, ia menyum ka tapon menuh da  athur  rong, ia pruh ka bilan đông xuân. Ngan song jalan krong ribong praong ba ia, hu panuac ieu dom gah pasiam veik dom bruk dok kandong veik , khik ka dom kraong ribaong ba ia tame hu ka gah ala. Gam haong nan, tacei pato dom puk palei tagok bruk khik piah ia piah pabak ia pruh ka dom janih phun pala dok tamuh siam, brei yaom  kinh tế glong./.

Urang lang: Hanipha -17/2