- Daok di jhung kraong di danao Phước Nhơn, meng akaok bilan 4 tal ini, jaik 70 ha padai dalam bhum Cây Xanh di 2 palei Tham Dú, Đồng Dày, xã Phước Trung, huyện Bác Ái, tỉnh Ninh Thuận oh hu ia piah pruh kayua danao thu ia. Anak bruk nan, Tổ caga tua balai Thủy nông Bác Ái hu pok panuac tagok Công ty TNHH MTV Khai thác công trình thủy lợi brei pandar ia meng dom danao caga tua piah daong padai. Kayua ia takik yau nan ye Tổ caga tua hu panuac tagok UB bhapbini xã padang tổ pambuak bruk pandar ia palei Tham Dú, Đồng Dày piah parabha ia di mblang hamu. Tapa nan langyah hu bruk kurang ia pruh. Ông Đạo Văn Linh, Phó akaok uy mban bhapbini xã Phước Trung, huyện Bác Ái brei thau: “meng tuk taduan hu dom tổ hu ngak bruk saong parabha ia. Tal tukvak ini dalam xã jeng ye libik pruh danao Phước Nhơn hu ginup ia pruh ka bilan đông xuân saong urak ini mikva daok yuak”

Meblah ia pruh hu maong lac bruk srau kadau di dom bhum palei pala. Min, di rilo puk palei, abih di nyu nan lac dom puk palei bhian gaok tua riya, bruk ini urak ini oh daok, kayua hu bruk pataom mbaok di dom urang dalam tổ pambuak bruk pandar ia.

-Di mblang hamu Trạm Bơm, xã Lợi Hải, huyện Thuận Bắc, kein laba bruk patak pataom ia meng bruk ngak di tổ thủy nông nội đồng jeng mboh cambaih. Dahlau diah, Trạm bơm Lợi Hải ngak bruk abih công suất harei melam dalam adit jeng tok pabak ia pruh ka labaih 150ha, hadei di jaik 5 thun ngak bruk, tổ thủy nông nội đồng hu daong parabha ia ka abih bhum 350 ha ngan saong tukvak dui katut daok 5 harei sa adit, yaok harei meng 12 – 15 tuk. Oh lac daong patak pataom ia, patak pataom jien pandar trạm bơm, bruk ngak di tổ thủy nông nội đồng daok ngak salih bahrau bruk pala padai oh tui lịch thời vụ di mikva Raglay di puk palei. Ông Jeak Ca, Tổ trưởng Tổ pambuak bruk pandar ia Bà Râu 2, Lợi Hải, Thuận Bắc, Ninh Thuận brei thau:“Tuk oh ka hu tổ ye ia nyu nduac srau kadau abih, hu tổ chức, hu tổ nyu tani tanat jang, mikva uan tabuan lô. Bruk di tổ lac tuk hu ia mai drei oh hu klak ia srau kadau abih.”

-Urak ini dalam tỉnh Ninh Thuận padang hu 58 tổ pambuak bruk pandar ia di 48 xã, phường. Dom tổ pambuak gauk ini hu padang tagok meng pilih ruah di bhapbini. Yaok tổ hu meng 5-7 urang, yaok urang ngak sa bruk độc lập meng 15-20 ha padai saong hu bhapbini bayan thù lao hadei di yaok bilan yuak. Ông Dương Văn Vĩnh, akaok balai Thủy nông Thuận Bắc – sa thành viên khai thác Công trình thủy lợi Ninh Thuận brei thau:“Brei bruk nao parabha ia meng harei tal melam, nao gam saong dom adei saai thủy nông nội đồng saong puac bilan 1 kol dahlak hu pok panuac likau padang Tổ caga tua aval di danao padang ia Phước Nhơn piah khik ka dom taneh hu pala drah tal puac vụ hu yuak”

-Dalam dom harei pandiak bhang yau urak ini, dom taneh phun pala bilan Đông - Xuân di urang bhapbini jeng khik hu ginup ia pruh, cang tal harei yuak. Hu yau nan, lingiu bruk parabha ia njauk di Công ty khai thác công trình thủy lợi tỉnh, daok hu bruk rik daong di dom Tổ pambuak bruk pandar ia di dom puk palei./.