Hợp tác xã dịch vụ, ngak tabiak, pablei salih jih dalah Cam palei Caklaing, bal sit Phước Dân, huyện Ninh Phước, tỉnh Ninh Thuận nan lac gah hu mbaok tame ngak iek bruk tauk “tem điện tử thông minh” tagok dom janih pandap meng jah dalah. Piah hu tauk tem điện tử, pandap panda di hợp tác xã njuak tapa dom bruk pasang iek biak catang ka quy trình ngak tabiak, chất lượng pandap panda. Hadi di tuk hu gah chức năng pasang iek, taong yaom, taong abih dữ liệu pambuak pagam tal pandap panda hu ba tagok angaok mạng internet piah palaghaih ka bruk pasang iek.

Ong Hàm Minh Thiệu, Akaok Hợp tác xã dịch vụ, ngak tabiak, pablei salih jih dalah Cam Mỹ Nghiệp brei thau: Tok pandar ứng dụng angaok phone tangin pasang tame mã tem QR code hu tauk angaok pandap, urang blei meda thau hu asal di nyu mai meng halei, mẫu mã pandap panda, jalan ngak tabiak, chất lượng, yaom kaom, tacei pato khik piah pandap panda brei thau tui jalan văn bản, thaik binguk, video. Tem điện tử daong ka urang blei thau cambaih ka pandap panda, meng nan sahanang hatai piah blei.

Tui urang pal akaok Sở Khoa học saong Công nghệ tỉnh Ninh Thuận, tauk tem điện tử daong ka bruk số hóa thông tin dom labik ngak tabiak saong pandap panda dalam luac tuk vak hu mbaok angaok darak pasar hu mbuan laghaih. Tapa bruk tauk tem điện tử piah padang hatai jia, daong ka urang blei sahanang hatai palih ruah, pandar dom janih pandap meng jih dalah di Hợp tác xã palei Caklaing. Ini lac sa dalam dom bruk ngak piah pacang khik saong cakrok patagok bruk menyim jih dalah meng kan di urang Cam pak tỉnh Ninh Thuận dalam jaman công nghiệp 4.0.

Piah paglaong angan je di pandap panda jih dalah Cam angaok darak pasar, tukvak anak tal, gam haong bruk tauk tem điện tử ka dom janih di hợp tác xã menyim jih dalah Cam Mỹ Nghiệp, gah chức năng tỉnh Ninh Thuận daok brei quyền pandar tem điện tử ka dom labik ngak jih dalah di palei Caklaing Mỹ Nghiệp, khik kajap bruk brei tem, njuak adat hukum; taphia di nan peih bruk pathau khan prong dalam ka trách nhiệm pacang khik angan je, chất lượng ka pandap panda jih dalah meng kan di bhap bani Cam.

Pandap panda meng jih dalah di Palei Caklaing hu Cục Sở hữu trí tuệ (Mentri Khoa học saong Công nghệ) brei văn bằng bảo hộ angan je tập thể, tỉnh Ninh Thuận hu brei angan lac sa dalam 12 pandap panda biak karei di tỉnh. Langiu di nan, palei menyim jih dalah Cam Mỹ Nghiệp hu Hiệp hội Palei ngak Việt Nam brei angan lac sa dalam 17 palei ngak tiêu biểu abih di Việt Nam, hu pok brei rilo harak meyaom di Trung ương saong tỉnh ka chất lượng pandap panda gam haong rilo thành tích dalam bruk cakrok patagok kinh tế tập thể meng tuk padang tagok di thun thun 2012 tal harei ini.

Taphia di bruk tauk tem điện tử duah thau ka asal di nyu, piah parilo mẫu mã rik daong tame bruk meriak guak di jih dalah Cam, dom nghệ nhân di hợp tác xã pambuak haong dom urang menyim naih jioy dalam palei Caklaing daok abih hatai roh duah dom mẫu bingu hala klak meng kan tapa tư liệu thaik binguk, khan ao daok khik piah di dom palei Cam dalam tỉnh piah roh duah ngak veik dom mẫu bingu hala siam gheih, mekre meta ba tame ngak; kham merat pato tacei gilac ilamu kỹ thuật ka rai rah dam dara piah khik ramik, cakrok patagok bruk menyim meng kan.

Pandap panda jih dalah meng kan di Palei Caklaing Mỹ Nghiệp hu rilo mẫu mã, chủng loại, yaok janih pandap hu yaom meng dom pluh ribau tal yaok triệu đồng. Langik di yaom glaong gah kinh tế, dom janih pandap panda jih dalah ngan haong dom janih bingu hala biak karei daok hu rilo makna, triết lý ka rai diuk, adat cambat tanarakun, agama, jalan saneng mỹ thuật daong ngak ka dom janih pandap panda jih dalah di urang Cam Ninh Thuận ndung baK dom janih biak karei./.