Ninh Thuận: kreh camin urang kumei ngak meda meng raong pabe

Tukvak tapa, di Ninh Thuan, karja palei hu daong urang nong pandar dom alamu barau tame pala drak saong raong glang, maong ini lac sa dalam dom jalan praong piah paglaong jien mek tame ka urang nong. Tapa nan mboh hu rilo mo hinh ngak mbang kein laba di rilo puk palei. Pagap yau sang amuk Lê Thị Kim Loan, meng sa sang kathaot, tapa 7 thun pandar mo hinh raong pabe palimek hu daong ka sang amuk yam tagok jeng sang ginup, meda di puk palei. Kadha vak di urang pambuak bruk  Phan Thanh:

  2 var pabe binai saong pabe tano palimek hu sang amuk Lê Thị Kim Loan daok pak xã An Hải, huyện Ninh Phước, tỉnh Ninh Thuận raong tui mo hinh khép kín. Amuk Loan brei thau, dahlau thiah sang amuk lac sang kathaot dalam palei, akaok thun 2010, amuk hu dhar gilang pariak sarak  karja huyen Ninh phước brei mesraiy 10 trieu đong saong dự án daong Tam nong brei mesraiy 15 trieu dong piah raong glang pabe tui mo hinh palimek di sang. Meng tari tarieng ngak mbang saong bhian hu mbaok tame dom tan pasram alamu ky thuat kayua pasak pachreih nong huyen peih tabiak, amuk pataom hu alamu pasang iek saong caga ruak ka tapon pabe, nan ye tapol pabe khang kajap saong oh gaok jit ruak: Dahlau daih dahlak jeng rambah, dom thun ini mai  jeng yam tapa hu rambah, kathaot.. Yau nan ye drei raong glang patagok, thau hu ky thuat drei raong glang ka nyu patagok.

          -Meng tuk hu pasram ilamu raong glang, amuk Loan ngak catang nội quy var raong tui jalan caga jit ye: hacih saat var raong, pruh jru pametai anek ruak, tal bruk brei mbang saong caik bể padang ia menyum njauk. Yau nan ye tapol pabe takik ruak saong caih menek, praong siam. Mboh bruk raong glang kein laba, amuk Loan daok peih praong var raong saong salih 2 sào pala phun medar tapa pala dom janih hareik piah hu pandap mbang that ka tapon pabe. Meng 6 drei pabe binai akaok mereip, urak ini hu patagok tal 30 drei binai. Daok pabe tano saong pabe ralo yaok thun pablei labaih 50 drei, jien mak tame labaih 70 trieu dong. Anak tal, amuk Loan daok peih praong 2 var ro tra piah raong pabe binai. Amuk Trương Thị Mai Dung, akaok kapul urang kumei xã An Hải, huyện Ninh Phước, tỉnh Ninh Thuận brei thau:  Akaok mereip saai Loan raong sit sot, hadei di rilo thun hu alamu saong tapa dom tal pasram dom danakdak di huyen saong dự án tam nong ye saai pataom tame jeng abih hatai, tapa dom tal pasram nan saai jeng mai sang ngak tui piah raong glang hu kein laba jang.

-Meng sa sang kathaot, thau pandar alamu – ky thuat saong tari tarieng ngak mbang, tal urak ini, sang amuk Lê Thị Kim Loan hu raidiuk tani tanat,padang hu baok sang praong, siam. Dom kham merat yam tabiak truh kathaot di amuk Lê Thị Kim Loan lac kreh camin hadah piah ka adei saai puk palei bac megru, rik daong patagok kinh te sang saong ngak kaya meda pak bhum palei di drei.