Piah hu ginup pandap panda, daong khik tani tanat darak pasar saong ba mbuan lagaih ka urang blei di tỉnh blei hu dom janih pandap yaom mbiah dalm tuk Tết Nguyên đán, tỉnh Ninh Thuận hu padang bruk blei saong pablei pandap Tết Nguyên đán Đinh Dậu 2017, iew dom doanh nghiep dalam tỉnhcaga pandap pablei Tết. Mbiah tal tuk vak ini, dom daonh nghiệp hu caga ginup pandap pablei Tết, pandap siam hacih, thau  cambaih asal di pandap hu ngak meng halei, saong yaom pablei tani tanat. Ong Phạm Đăng Thành, Phó Akok Sở Công Thương Ninh Thuận brei thau:“Tui kuhria dahlau, dom doanh nghiệp tame khik caga tani tanat darak pasar di kol dahlak meda peih  10 labik pablei dalam ban Phan Rang, gam peih 40 tal 50 mbang ba pandap nao pablei di dom xa bhum atah bayah, bhum urang bangsa takik piah mikva hu blei dom pandap Viet Nam yaom lap."

Piah tani tanat darak pasar dalam tuk Tết, Sở Công thương Ninh Thuận  jak ba jaik 20 doanh nghiep dalam tỉnh tame pablei pandap khik tani tanat yaom kaom, dalam nan, tỉnh kaoh brei 18 tỷ đồng ka 4 doanh nghiệp mesre oh mek laba dalam tukvak 3 bilan piah blei pandap tame; saong daok hu daong ka dom doanh nghiệp blei tame abih dom pandap, peih ralo labik pablei pandap, ba pandap tal tangin urang blei, abih di nyu nan lac bhum atah bayah, bhum ceik car pablei yaom lap jang darak 10%.

Lac labik pabak pandap saong pablei lẻ pandap ralo di darak pasar Ninh Thuận, mbiah tal tuk ini, Công ty TNHH saong Dich vụ Trúc Nguyên kaoh tabiak 40 tỷ đồng blei pandap  piah pablei Tết Nguyên đán Đinh Dậu, ngan saong dom janih pandap yau: menyek mbang, saradang, bột ngọt, ahar…Langiu di nan, Cong ty hu brei labaih 1.000 đại lý bán lẻ mek dahlau oh kuhria laba, piah patrun kan kandah ka dom gilang khik piah pandap dalam tuk jaik Tết. Ong Trần Van Sinh, Giam doc Cong ty TNHH saong Dịch vụ Trúc Nguyên lac: " Taong abih dom kho di cong ty khol dahlak, meng bilan 10, 11 ba pandap tame tani tanat, yau nan dom janih pandap kayua doanh nghiệp pablei, yau: mì gói, ia mesir, xì dầu, ahar keo ye jia lac khik hu yaom kaom tapa bilan Tết ini oh mbuan tagok yaom.”

Tỉnh Ninh Thuan hu tacei pato gah khik iek darak pasar pakhang bruk pasang iek pandap ja, pandap ngak mblak, pandap oh hu angan je di darak pasar, khik iek catang yaom kaom piah mikva hu mbuan lagaih dalam bruk blei pandap tuk Tết. Ong Nguyễn Hoàng Long, Kiểm soát viên Chi Cục Quản lý thị trường Ninh Thuận brei thau: "Ngan saong urang blei tuk blei pandap, brei palih ruah dom pandap daok harei bilan, tukvak pandar cambaic laic, hu angan je jeng yau labik ngak tabiak, blei dom pandap di labik hu ngan je, klah blei gaok dom pandap oh siam”.

Meng rilo jalan hu peih ngak sumu guak piah khik tani tanat yaom kaom pandap pandar di Ninh Thuan meda hu daong ka urang blei di Ninh Thuan takik kan kandah dalam tuk Tet thun anek sak manuk jaik mai tal./.