Ninh Thuan: Labaih 40 urang gaok pagat yaok ty dong tapa phone dien thoai

Tukvak jaik ini, di tỉnh Ninh Thuan hu labaih 40 urang gaok dom menuac ngak ja công an ieu phone kham, pagat buh jien tame tài khoản di jabat dieu tra meng paok jien abih tih yaok ty dong. Thu doan pham toi di urang pagat ngak ja công an biak tinh vi, hu bruk pambuak pagam saong urang dalam taneh ia haong urang daok di taneh ia lingiu tui quy trinh: pataom mek asal di urang nan, ngak ja so phone di jabat dieu tra ieu phone kham, pandar urang buh jien tame tai khoan di jabat dieu tra – drak samal nduac dauk meng paok jien dalam tai khoan – yah klak nem. Kadha vak di urang pambuak bruk Tuấn Quỳnh saong Văn Cảnh daok di Ninh Thuận brei thau ka bruk ini:

           - Ông Nguyễn Quốc Tuấn daok di khu phố 2, phường Đạo Long, ban sit Phan Rang – Tháp Chàm lac sa urang gaok pagat ngan saong paok jien lac 335 trieu dong. Page harei 12/6/2017, ông Tuấn mek hu phone di sa urang tự xưng lac urang jakar di mintri công an, urang ini brei thau daok mek khik saong dieu tra sa kapul toi pham pandar số chung minh nhan dan di ông piah ngak dom bruk jhak. Tapa phone, urang nan brei thau, paok jien ông Tuấn daok payua di Gilang pariak hu pambuak tal vụ án daok dut iek daong pandar ngak cambaih asal paok jien dalam tai khoan di ông Tuấn. Urang nan pandar ông Tuấn payua abih paok jien dalam tai khoan di drei piah khik saong dut iek; meyah oh duah mboh bruk hagait pambuak tal vu an lac bayan veik jien nan ka ông Tuấn. kayua caong pambuak bruk dut iek saong jabat cong an, ông Tuấn hu payua abih jien 335 trieu dong tame tai khoan di urang ini di var page harei nan. Tal 14 tuk bair harei, kayua nghi ngờ, ông Tuấn hu nao tal jabat điều tra Công an ban sit Phan Rang - Tháp Chàm khan brei thau meng thau drei gaok pagat. Ông Nguyễn Quốc Tuấn brei thau:  “ Urang nan ieu sang daok jaik ini, mai sang mek harak ba jien tal lac gah cong an brei menuac tapa Nam Á, ieu tapa veik gilang pariak nan ieu phone tabiak Gilang pariak di Lạng Sơn lac urang nan ndom lac barau thuak jien labaih 20 minit paje”

             -Meng thủ đoạn greih yau nan, dom đối tượng jeng ieu phone tal sang ông Trương Trọng Hạp daok di khu phố 7, phường Kinh Dinh, ban sit Phan Rang – Tháp Chàm piah pagat. Min, kayua caga hu, bình tĩnh langyah bruk, pandar urang nan brei thau danh tính saong samal nao tal jabat công an khan brei thau, sang ông Hạp paplaih hu bruk pagat jien. Ông Trương Trọng Hạp brei thau: “bruk ini meda gaok urang jhak pagat tống jien, min dom urang nan ndom yau nan jeng huac ndok mek kareik 2 bilan jeng oh thau ngak habal, yau nan ye sang meng tagok khan ka Công an phường Kinh Dinh thau piah can thiệp.)

          -Tui kuhria di jabat cảnh sát dieu tra, cong an ban sit Phan Rang – Tháp Chàm brei mboh, urak ini dalam ban sit hu labaih 40 urang gaok pagat jien. Makna kayua urang bhapbini takik thau ka adat hukum, gam lihik cảnh giác yau nan ye gaok pagat saong payua jien ka dom urang lừa đảo. Jabat dieu tra kakei tuk hu urang tự xưng lac urang jakar công an, viện kiểm sát, tòa án…ieu phone tanyi lac urang bhapbini biak caga. Jabat công an oh tuk halei ndom biai asal kadha tapa phone. Njauk catang klak ngak bruk tapa phone saong pandar dom urang nan payua harak daa atau harak triệu tập njauk. Urang bhapnini jhui brei phone karei, số tài khoản, thẻ tín dụng, asal kadha ka gauk gar brei ka urang halei, libik halei tuk oh ka thau urang nan lac thei saong pandar tame bruk hagait. Cơ quan pháp luật oh tuk halei pataom mek dom asal kadha nan tapa phone. Thượng tá Hà Công Sơn, Phó trưởng Công an ban sit Phan Rang – Tháp Chàm, tỉnh Ninh Thuận lac : Kol dahlak hu khan brei tagok Sở Thông tin – Truyền thông, dom sang mạng piah payua nhắn tin tal dom thuê bao piah dom urang nan thau phương thức phạm tội. Kol dahlak jeng peih ngak dom bruk dieu tra pambuak tal tội phạm ye số điện thoại, số tài khoản, số CMND di dom urang nan.

     -Taphia nan, piah caga plaih gaok klaik mek asal kadha cá nhân, urang bhapbini njauk caik hatai oh blei, pablei, blei nyim chứng minh nhân dân, tài khoản cá nhân, dom loại thẻ tín dụng. Njauk khik jhui ba dom asal kadh cá nhân di gauk gar, ayut ye angan, chức vụ, bruk ngak, libik ngak bruk tagok mạng xã hội. Di trường hợp payua jien tame tài khoản urang karei meyah sahaneng lac pagat lac urang bhapbini njauk khan ka jabat công an jaik taphia abih piah drak samal caga./.

            Thúy Linh