Ninh Thuận dane angan saong dom bimaong Chăm saong dom palei ngak meng kan yau palei lan am Bàu Trúc saong palei menyim khan bai Mỹ Nghiệp. Urang CHăm daok di labik ini jeng daok khik hu dom lễ hội meng kan. Dalam nan praong di abih lac Ka tê rah tabiak di akaok bilan 7 tui saka Chăm (nan lac puac bilan 9 akaok bilan 10 tui saka ia harei). Di dom palei Chăm daok hu bein nho, bein medar saong dom trang trại raong pabe, pabo. Dom kadha ini biak lagaih piah patagok bruk  du lịch cộng đồng. Phaok Giáo sư, Tiến sĩ Trương Văn Món, giảng viên sang bac Đại học Khoa học Xã hội saong Nhân Văn ban raya Hồ Chí Minh brei thau:

Sap Chăm: “Ninh Thuận hu tasik hijao, cuah patih biak siam. Hu ilamu chăm, hu sa hệ thống du lịch…………

5 thun tapa, hạ tầng cơ sở bhum urang bangsa Chăm Ninh Thuận hu buh jien tame ngak, patagok meng danak dak padang ngak palei pala barau. Bruk ini pabak hu bruk nao mai di tuai damuai. Min piah ngak hu bruk “3 gam” (gam ngak, gam mbang,  gam padeih padei saong bhap bini) ye brei hu bruk kham merat di ralo gah, abih di nyu nan lac bhap bini – lac menuac hu kein laba tapak meng bruk du lịch cộng đồng. Ndom ka dom kan kandah tuk camereip dalam bruk ngak du lịch cộng đồng, ong Dato Mirza Mohamad Taiyab – Tổng Giám đốc Cục xúc tiến du lịch Malaysia – sa dalam dom taneh ia hu bruk du lịch patagok dang akaok Đông Nam Á khan lac, ka sa lac bruk iện nghi di tuai damuai tuk daok di sang bhap bini; ka dua lac oh thau sap di gauk saong puac di abih lac pandap mbang meda oh njauk cambuai dom tuai damuai. Ong Taiyab lac:

 “Min bruk ini lac bruk njauk uan tabuan kayua tuk drei yam tapa kan kandah nan lac tuk drei mek hu jak jeng. Danak dak du lịch cộng đồng halei jeng yau nan, tuk tuai damuai barau mai mbang akaok meti, urang mboh kan kandah, min tuk tabiak truh, urang yam tapa hu kan kandah nan”.

Langiu di bruk langyah dom kan kandah angaok nan ye urang Chăm di labik ini jeng brei sangka tal môi trường, abih di nyu nan lac jalan dhuan puk palei urak ini jeng daok palao taphon limo, pabe. Taphia di nan, karja palei jeng hu dom sarak daong palagaih ka dom palei chă, ngak du lịch cộng đồng. Phaok Giáo sư, Tiến sĩ Trương Văn Món daok brei thau lac:

 “Taong abih dom palei chăm ngak DL drei quản lý nyu, yau khách sạn, drei quản lý nyu tapa thuế. Karja njauk ngak hagait, karja njauk daong ka bhap bini. Yau palei lan am Bàu Trúc kol drei palih ruah 20 baoh sang, palih ruah dom sang meng kan brei pasiam veik jaman, ging mbang ka nyu hacih saong siam  piah taduan tuai. Tuk taduan tuai hu bloh drei brei mã số thuế ka nyu saong drei kak je”.

Oh lac hu pren khang du lịch cộng đồng di dom palei Chăm, bo di NT meda patagok hu bruk du lịch mạo hiểm, du lịch roh duah di bein negar Phước Bình, đèo Ngoạn Mục, vịnh Vĩnh Hy,…Taphia di nan, du lịch sinh thái biak pachreih tuai damuai di mbon cuah  Nam Cương daok vil val dom palei ngak ikan, bein negar Núi Chúa ngan saong ralo janih động, thực vật quý hiếm saong rạn san hô biak gheih, biak mekre. Min, piah dom ka janih du lịch ini hu mai tal tuai damuai ye NT brei ngak ralo bruk. Amuk Trần Thị Việt Hương – Giám đốc mbanTiếp thị - Truyền thông Vietravel brei thau:

 “Kol drei daok kurang sa Trailer khan ka bruk du lịch NT. Bruk ini, brei ngak chip, ngak samar. Saong kol dahlak meda pambuak saong NT pandar dom Trailer, phim katut ka du lịch Ninh Thuận ba tal urang negar langiu dalam dom danak dak nao nyaom darak  yaok thun di kol drei. Langiu di nan brei sangka padang angan du lịch NT lac DL khang kajap, du lịch hijao ye kol drei brei pamaong tal gah ngak nông hijao saong hacih, pambuak saong raong pala kaya ikan”.

Bruk du lịch cộng đồng oh lac patagok hu pren khang ilamu dom bangsa bo daok rik daong paglaong rai diuk di bhap bini puk palei. Bruk ini daok patagok khang di dom tỉnh ban, abih di nyu nan lac bhum gah brak yau: Lào Cai, Hà Giang, Yên Bái,… Meyah buh jien tame ngak njauk jalan ka cơ sở hạ tầng gam saong dom dịch vụ lagaih ka bruk du lịch cộng đồng, dom kapul nyaom saong bhap bini daok di NT, jeng yau urang chăm hu kein laba  dalam tukvak anak tal./.