Labaih 10 thun ini mai, kayua oh ka hu điện pandar meng jalan điện negar nan ye 70 baoh sang di xã Hộ Hải, huyện Ninh Hải – tỉnh Ninh Thuận mek gai krem, gheng kayau ngak gheng dui điện mai sang pandar. Dom gheng điện ini livik harei njauk maok mbang jaoh mbleing, ngak ka jalan điện labik ini mbuan rah tabiak bala điện giật, abih di nyu nan lac dalam bilan hajan ribuk daok mai tal. Kadha vak di urang pambuak bruk Tuấn Quỳnh-Văn Cảnh:

Palei Đá Bắn di xã Hội Hải, huyện Ninh Hải, tỉnh Ninh Thuận hu labaih 800 sang, labaih 3.000 menuac, ralo thun ini mai kayua oh hu điện pandar, nan ye labaih 70 sang daok di 5 tổ tự quản dalam palei njauk pandar gam sa talei điện eng drei dui mai. Bhap bani blei talei điện, padang gheng meng dom phun kayau atau dhal kayau piah dui điện meng jalan điện negar tame sang, dalam nan, hu ralo gheng kayau bruk nan ye bhian jaoh jaleih, ngak ka ralo  talei điện laik biar trun, tavak angaok gauk. Labaih 10 thun ini mai, dom sang di labik ini tuk halei jeng kurang  điện pandar kayua điện biak yếu saong gam tui nna lac dom nguy hiểm meng dom ghang điện ngak eng daok bruk jaleih ini. Sa-ai Điền Thị Thu Thủy daok di xã Hộ Hải, huyện Ninh Hải lac: “Urak ini gheng kayau nyu bruk abih paje, jalan điện yau nan habar hu, mikva mboh ghang kayau jaoh jaleih abih, hajan angin ngak habar. Jeng caong khin pakat angaok daong ngak ka bhap bani, mikva daok pak ini thei jeng rambaih, meyah mikva hu ye rik daong tame ngak ghang ka nyu siam paje”.

Urak ini palei Đá Bắn hu labaih 5 km jalan talei điện hu dui pagam angaok ralo ghang pasei, ghang kayau… Ghang sit bo daok kavong kaveo, mbleing jaleih min daok naong meng talei điện, talei điện thoại, internet, cáp truyền hình… tal dom gai tual rilo công tơ điện. Lingiu di nan, ralo jalan talei điện tuk dui, pambuak oh siam, oh kajap, mbuan rah tabiak bruk chập điện ngak khuah patuh, oh khik hu salamat ka bhap bani. Njauk duh hatai jang nan lac, dom ghang điện ini hu padang di dom canah klau, canah pak jalan hu ralo manuac nao mai yaok harei, dalam bilan hajaln ribuk mbuan ba tal chập điện atau khuah patuh. Yau ye 5 thun dahlau, dalam palei hu bruk chập điện ngak ka 2 uranaih metai. Amuk Vũ Thị Thu daok di xã Hộ Hải, Ninh Hải brei thau: “Jalan ini talei điện urang dui angaok phun that phun thu, bruk jaleih oh an toàn. Điện oh khang, tuk hu tuk oh, ngak mbang pala drak bo oh hu điện, cakak điện hamiat nan ye pala njam oh pandar hu điện piah  pruh”.

Duh hatai ka bruk an toàn lưới điện, karja saong bhap bani palei Đá Bắn hu ralo mbang pok panuac tagok dom gah chức năng, tapa dom mbang taom gaok cử tri di Đại biểu Hội đồng bhap bani dom pakat, yau nan min, mbiah tal harei ini bhap bani jeng oh ka mboh hu panuac javap jalei. Amuk Tô Thị Kiều, Akaokg Ban Quản lý thôn Đá Bắn, xã Hộ Hải, huyện Ninh Hải, tỉnh Ninh Thuận lac: “talei điện yau ini ngak kan kandah biak ralo tal rai diuk di mikva. Kasa lac bruk ngak mbang pala drak di mikva oh pala drak hu, oh mek aia pruh hu. Ka dua lac rai diuk mbang angui di mikva, điện yếu ralo ngak ka dom kamuan nyu bac oh ginup hadah, pambak tal pren yava di dom kamuan”.

Điện lac bruk oh kurang hu, nyu daong ngak brei paglaong rai diuk di bhap bani. Kayua yau nan ye, gah Điện lực njauk samar pambuak bruk haong karja puk palei saong dom gah chức năng pasang iek, patrun patakik dom bala kayua điện, abih di nyu nan lac bilan hajan ribuk jaik mai tal ./.