Dom urang đảng bangsa Cam 

Dom thun tapa, dalam bruk tổ chức cán bộ urang jakar, dom pakat ủy bhian tacei pato, salih bahrau bruk quy hoạch, tạo nguồn ngan haong kapul urang jakar bangsa takik, abih di nyu lac dom angan chủ chốt di dom puk palei hu rilo bhap bani urang bangsa takik. Meng nan, dom urang jakar bangsa takik jang yau urang jakar khik iek dom pakat lac urang bangsa takik dak harei dak hu rilo.

Pagap yau di  xã Xuân Hải, huyện Ninh Hải hu jaik 16.500 urang, dalam nan hu jaik 8.300 urang lac urang bangsa Cam, meblah labaih 50% bhap bani dalam xã. Xuân Hải hu 9 palei, dalam nan hu 4 palei Cam, taong abih 4 palei ini hu chi bộ độc lập daok dalam Đảng bộ xã. Daok số lượng urang đảng, meng labaih 110 urang đảng lac urang Cam, meblah labaih 87% dalam Đảng bộ xã.

Piah paglaong chất lượng kapul urang jakar urang đảng lac urang bangsa takik, dalam 5 thun (2014 - 2019), tỉnh hu pato pakai brei nao bac hadei đại học ka 48 urang jakar bangsa takik; pato pakai paglaong ilamu ngak bruk ka 102 urang jakar bangsa takik (meblah 13,9% taong abih urang jakar hu brei nao bac megru).

Langiu di nan, daok pabak ilamu kiến thức, ilamu ngak bruk ka 284 urang jakar; pabak ilamu khik iek hành chính karja ka labaih 187 urang jakar bangsa takik. Ta-eng huyện Bác Ái, meng thun 2014 tal ini, dalam 42 tri thức ranaih hu brei mai ngak bruk di dom xã, dalam nan hu 13 trí thức ranaih lac urang bangsa takik. Tỉnh jeng hu biên soạn tài liệu saong peih tal pato sap Cam ka dom urang jakar  nan daok ngak bruk di dom puk palei hu rilo bhap bani bangsa Cam daok.

Ong Phạm Văn Lâm, Phaok akaok Ban Tổ chức Tỉnh ủy Ninh Thuận ndom lac: Kapul urang jakar bangsa takik dalam dom thun tapa hu ckarok patagok, khang kajap gah bruk ngak saong jalan diukrai siam mekre, pabak hu tiêu chuẩn di hệ thống chính trị dom pakat, daong jhul patagok bruk ngak mbang kinh tế - xã hội di tỉnh, abih di nyu lac dom bhum ceik, labik hu rilo bhap bani bangsa takik diuk rai.

Taphia dom bruk ngak hu, meng bruk di anak meta mboh lac, dom urang jakar bangsa takik jeng daok bier dut haong bhap bani; kapul urang pal akaok, urang khik iek di dom huyện bhum ceik, bhum atah bayah bhian kayua dom urang jakar tăng cường pal ngak. Piah pasiam veik dom cuang kandah tavak tave nan, ong Phạm Văn Lâm brei thau, dom pakat ủy đảng cơ sở njuak bhian peih bruk pasang iek chất lượng kapul urang jakar, ba tabiak jalan ngak, quy hoạch brei nao bac megru, pasram paglaong ilamu anak meta jeng yau suai lavik saong peih bruk luân chuyển pa-yeng ba, brei bruk ka urang jakar lac urang bangsa takik tui njauk haong bruk hu ba tabiak blaoh./.

Urang lang: Jasi - 30/12