Sang sa-ai Huỳnh Thị Nữ daok di palei Chăm Tân Đức, xã Phước Hữu, huyện Ninh Phước, tỉnh Ninh Thuận raong manuk meng dua thun ini mai, ngan saong labaih 200 drei sa mbang raong. Sa-ai brei thau, meng dom thun camereip raong mbiah tal ini, taphon manuk di sang sa-ai oh ka njauk jit ruak hagiat. Piah ka taphon manuk hu khang kajap, sa-ai Nữ brei thau: njauk brei ginup rilo janih pandap mbang karei di gauk yaok harei, abih di nyu nan lac tangei lai; bhian salih ia menyum, klauk jru vaccin caga ruak; var ro laneing lanoi, sa-at hacih. Hu yau nan, taphon manuk di sang sa-ai takik ruak, duah hu jien tame rilo. Kuhria rah tapa, yaok thun sa-ai Nữ pablei manuk hu meng 2 tal 3 mbang. Jien mek tame meng bruk raong manuk, sa-ai raong ba baoh sang, anek bik mbang bac.  

Sang sa-ai Dương Thị Sáng, ong Thành Công Đúng daok di huyện Ninh Hải daok raong labih 1.000 drei manuk saong 500 yau katrau. Lingiu bruk sangka tal chất lượng taphon manuk, katrau, dom sang nan tuk halei jeng iek praong bruk ramik hacih var ro, khik brei lahei di bilan bhang, ấm di bilan barak. Sa-ai Sáng brei thau piah ka taphon manuk oh njauk ruak, bruk praong lac brei pabak prein khang piah pacang ruak ka nyu meng tuk daok sit, menyum ralo vitamin C di bilan bhang; blei dom janih cur, jru khử trùng ngak hacih var ro yaok harei.

Tỉnh Ninh Thuận urak ini hu tapon menuk ada abih tih labaih 1,4 triệu drei, dalam nan, taphon manuk labaih 915 ribau drei, bhian raong tui baoh sang meng 30 tal 500 drei. Rilo urang Cam daok di Ninh Phước, Ninh Hải, Ninh Sơn…oh huac buh rilo jien tame ngak var ro, duah blei dom janih jru, vaccin gam saong rilo jalan ngak piah pacang caga ruak ka taphon manuk ada di drei. Meng nan, pacang hu ruak, taphon manuk pablei hu jien.

Langiu di bruk pacang caga jit ruak kum manuk ada di bhap bini, meng akok bilan 3 thun 2017, Chi cục thú y tỉnh Ninh Thuận hu peih ngak rilo jalan tieu doc khu trung dalam tinh saong brei ka dom balai thu y huyen 12 ribau lít jru Betaxit piah pruh pametai anek ruak di dom darak pablei manuk ada diuk, dom sang raong, jalan mbak tame palei…Tui nan, dom kapul jakar di Chi cuc jeng brei pakhang bruk pasang iek dom labik pablei takai, akaok seok manuk meng negar langiu tame…piah samar mboh jit ruak. Ong Trần Văn Bích, Akok jabat khik iek jit ruak di Chi cục thú y tỉnh Ninh Thuận brei thau:

 "Chi cục thú y hu padang kapul pasang iek dom gah, hu 3 gah nan lac Thú y, Khik eik darak pasar saong cảnh sát giao thông tuk halei jeng hu mbaok pasang iek angaok jalan 1 A, 27 B piah samar thau jeng yau langyah bruk pajeng ba manuk, ada tapa tinh atau tame tinh."

Gam saong bruk jhul pakhang pathau khan, pasang iek dom labik raong glang, sik ngak rilo di gah Thú y tỉnh Ninh Thuận, akok sahaneng pacang caga ruak ka manuk ada di mikva dak harei dak glaong, bruk pacang, caga jit ruak ka manuk ada di tỉnh Ninh Thuan daok hu siam lagaih./.