Nho lac janih pandap di tỉnh Ninh Thuận 

Hu mong lac “đại sứ thương hiệu” di bhum taneh pandiak, nho song dom janih pandap hadei nho meng lavik mai hu jeng pandap alin hadiah oh kurang hu di dom urang atah palei. Saai Phạm Thị Thơ, daok di phường Phủ Hà (ban sit Phan Rang-Tháp Chàm, tỉnh Ninh Thuận) khan lac: “Thun ni, sang hulin mai palei mbang tết, hulin kakei blei dom pluh  kilo  nho mai ngak pandap alin brei gauk gar. Ni jeng lac tuk drei meda yaik khan brei urang thau labik drei ngak bruk”.

Dom harei jiak tết, Trang trại nho Ba Mọi di  xã Phước Thuận (Ninh Phước) chreih chrai tagok. Yaok pluh urang ngak jar var tame paok piah payua pandap ka tuai di  tỉnh. Meng hu rilo janih nho, pala tui jalan VietGAP, nho Ba Mọi hu tuai meng gah brak tame gah merong takre mbang. Urak ni, trang trại paik hu labaih  70% mblang taneh  nho, medar  pablei ka drak pasa tuk  Tết thun anek sak takuh  2020. Piah duh siam ka hatai khin di tuai, cơ sở dok pablei yaom yau yaok harei,  nho hajao yaom  70.000 đồng sa kg; nho bhong meriah  40.000 đồng sa kg; alak nho dom janih  yaom meng  120.000-170.000 đồng sa klaok, ia ép nho yaom meng  70.000-150.000 đồng sa klaok...

Oh lac di dom  cơ sở, cửa hàng bo di dom  vựa medar di  Ninh Phước jeng biak jar var tame bilan tết. Urak ni, yaom medar meng  15.000-30.000 đồng/kg, glong jang dut song dom harei karei meng  3.000-5.000 đồng/kg. Saai Nguyễn Thị Bích Liên, po vựa medar di palei Ninh Quý, xã Phước Sơn (huyện Ninh Phước) brei thau: langik siam lagaih boh medar mong mekre jang,  chất lượng siam nan ye pablei hu biak rilo.. Nyu yamen, racam, medar hajao Ninh Thuận hu rilo công ty, doanh nghiệp, tuai di dom tỉnh, ban blei rilo piah ngak pandap alin. Tui kuhria yaok harei,  vựa medar di saai  Liên pablei hu labaih  2-3 tấn medar dom janih, tal dom harei jaik tết meda pablei hu rilo jang.

Lac labik pablei kaya pandap Phan Rang, dom harei ni, cơ sở Hải Ninh, phường Đài Sơn (ban sit Phan Rang-Tháp Chàm gam gam raok tuai mai blei. Daok papaok pandap ka tuai  , saai  Lê Thị Quỳnh Hân, po  cơ sở đặc sản Hải Ninh brei thau: “Meng akaok bilan  12 sa ka ia bilan, urang blei tagok labaih  30% dut song yaok harei. Dom janih pandap hu  doanh số tagok glong yau dom pandap meng pabe,  pabo, ikan, , mực thu dom janih ; ia mesin, nho, medar thu; lasun, tỏi…”. Tết thun  ni, langiu di dom pandap hu pablei rilo lac kaya ikan, cơ sở Hải Ninh daok hu ambuiak bruk song rilo labik ngak karei karei, pablei rilo janih đặc sản yau rong nho, mứt rong sụn, vang nho, rilaow pabe, pabo… khik hu siam , thau hu asal di nyu.

Sa thun bahrau mai tal. Angaok talam lasei pataom gauk harei tết di dom boh sang  hu dom kaya pandap di Ninh Thuận, ndung bak bruk bui sambai pala drak njauk di urang nong bhum taneh bak pandiak dalam tuk tết mai./.

Urang lang: Hanipha - 16/1