Pakat karja pak ni sangka brei pandap ka urang gaok kan kandah 

Dom harei tapa, piah daong ka bhap bani palei Văn Lâm 3, xã Phước Nam, huyện Thuận Nam grap tanat rai diuk, ngak mbang ngak huak dalam tukvak brei daok karei piah pacang caga jit Covid-19, rilo pandap panda, kaya mbang yaok harei kayua dom doanh nghiệp, urang ngak pahla daong brei hu ba tal bhap bani. 1.800 két aia menyum dinh dưỡng, 12.000 cục japon, 25.000 blah khẩu trang, 2.000 kadung aia rao tangin pametai anek ruak saong 200 kan aia pametai anek ruak samar drah hu Hội chữ thâp đỏ tỉnh Ninh Thuận jao brei piah ba ka mikva. Ong Tô Văn Quảng, Akaok Hội Chữ thập đỏ tỉnh Ninh Thuận brei thau:

Tukvak tapa, biak rilo kapul nyaom daong ka Thuận Nam, rik daong biak rilo pandap panda ka Thuận Nam pacang caga jit. Khaol dahlak pok sap iew dom kapul nyaom, manuac urang nao gam, klah rabha haong tỉnh Ninh Thuận)

Yaok harei, langiu di bruk ba brei pandap panda, kaya mbang, bhap bani palei Văn Lâm 3, xã Phước Nam, huyện Thuận Nam jeng hu pasang iek ruak, dut iek thân nhiệt piah pacang caga jit ruak. Sa-ai Bá Thị Sa Ty, daok di palei Văn Lâm 3, xã Phước Nam, huyện Thuận Nam brei thau yaom lac daok dalam tukvak brei daok karei, bruk nao mai saong mbang huak di mikva gaok biak rilo kan kandah min mikva thei jeng bui sambai kayua hu dom pakat, dom ngành, dom urang ngak pah la saong puk palei biak sangka Hu urang jakar mai pathau khan…  

Tui urang pal akaok UBND huyện Thuận Nam, kayua labik brei daok karei palei Văn Lâm 3 hu rilo manuac urang, jaik labaih 5.000 urang nan ye bruk brei daok karei dui atah, rilo abih nan lac 28 harei. Ong Lê Huyền, akaok UBND huyện Thuận Nam brei thau: dalam mbang tabung glaong peih ngak bruk pacang caga jit ruak Covid -19 grauk labik dalam negar, puk palei meda patagok jang bruk pasang iek jit ruak dalam labik brei daok karei:

Khaol dahlak hu payua tal mikva biak rilo pandap panda, kaya mbang bhian harei piah klah rabha haong mikva brei daok karei , ngak siam bruk brei daok karei. Khaol dahlak caong khin taduan mek hu bruk sangka   daong brei pandap panda kaya mbang saong meda kham merat gam haong mikva peih ngak catang jalan ngak brei daok karei di tỉnh, peih ngak catang abih dalam tukvak pacang caga jit)

       Tui parabha tuyến urak ini di Sở y tế Ninh Thuận, meng cấp độ 1 – nan lac hu urang ruak dương tính haong Covid -19 njaom tame, di tuyến tỉnh jao ka Sang iek ruak Đa khoa tỉnh, Sang iek ruak Lao saong ruak phổi; di tuyến huyện, dom pasak Y tế huyện, bal nan lac dom labik taduan raok, pasang iek ruak ka urang njaom Covid-19. Ong Lê Vũ Chương, Akaok Sở y tế Ninh Thuận ndom lac taong abih dom sang iek ruak, labik iek ruak hu srap gap taong abih bruk piah samar duah thau, iek ruak ka urang ruak:

Dom labik iek ruak, sang iek ruak jeng hu Sở y tế nao pasang iek, tui mong biak tani tanat. Sở hu padang kapul urang nao pasang iek, hu mbaok dom chuyên gia meng sang iek ruak Lao, Pasak pasang iek ruak kik; dom chuyên viên di Sở y tế. Kapul nyaom hu nao trun pasang iek dom sang iek ruak: Ninh Sơn, Thuận Bắc, Ninh Phước, Ninh Hải piah iek bruk ba manuac urang jakar iek ruak , tapa nan duah mboh, pasiam veik dom bruk oh ka ngak siam)

Dua urang ruak ka 61 saong 67 dương tính haong Covid-19 daok di palei Văn Lâm 3, xã Phước Nam, huyện Thuận Nam urak ini daok hu iek ruak di khoa njaom mbak, sang iek ruak Đa khoa Ninh Thuận hu mboh pren yava khang kadang. Sang iek ruak hu mek mẫu nao dut iek brei mboh âm tính mbang ka 3. Dua urang ruak daok patui veik bruk hội chẩn, brei daok atah piah patui veik bruk tui iek. Tui adat di Mentri y tế, hadei di tuk urang ruak nao tabiak truh labik iek ruak meda hu brei tame labik brei daok karei pataom sa labik dalam 14 harei piah khik siam mekre, salamat./.  

Urang lang: Jasi -6/4