Urang nong bangsa takik pala njam patam dalam bilan thu 

Tui Sở ngak nong song patagok palei pala Ninh Thuận, bilan đông xuân 2019-2020, dalam tỉnh pala drak jiak 20 ribau ha; dalam nan, padai labaih 10.600 ha, njam patam  9.118 ha, kaya ikan jiak  85,8 ha. Duk song thun dahlau, taneh pala padai trun  7.500 ha kayua kurang ia pruh njauk padeih ngak. Tapa nan brei mboh, dom puk palei hu ngak siam bruk salih phun pala takik pruh ia tui tacei pato di  UBND tỉnh, yam tapa bruk batabiak. Dalam tong abih mblang taneh salih tapa labaih 628 ha di dom  huyện: Thuận Nam, Ninh Phước, Thuận Bắc, Ninh Sơn, Bác Ái, hu  519 ha salih di angaok taneh padai.

Di dom labik pruh kayua  Công ty TNHH MTV Khai thác công trình thủy lợi khik iek jeng padeih ngak padai  salih tapa pala phun takik pruh ia  ngan song taneh prong labaih 138,6 ha. Yau ye dalam bhum  pruh  ia di Trạm bơm Đá Trắng, Trạm bơm Lợi Hải, binek  Sông Trâu, danao Ba Chi, danao Bà Râu.v.v…

Pasak pachreih nong tỉnh Ninh Thuận brei thau: bruk salih phun pala  vụ ni hu dom puk palei peih ngak khang, hu pambuak bruk kajap song  doanh nghiệp dalam bruk blei pandap panda. Ngak hu yau nan lac kayua meng akaok vụ dom  huyện samar pambuak bruk  pasang iek veik quy hoạch, brei pala drak lagaih song bruk  biến đổi khí hậu; jhul khang bruk salih taneh pala  padai takik kein laba, di labik taneh mbon ceik, bhum jhung krong tapa phun takik ia, hareik piah rong athur, Dom labik pala phun takik ia pandar mô hình pala ngak lagaih hong langik pandiak bhang  yau:  mô hình pruh ia patak pataom; pala pablak, pala salih janih  tui tanut VietGAP.

Tal urak ni, bruk pruh ia di dom labik salih phun pala takik ia hu ginup ka bruk pala ngak, min, meyah lac langik oh hu hajan, tui kuhria tal puac bilan 3 dom labik meda kurang ia. Jalan ngak cambaih laih  piah khik ka  sản xuất mek hu siam lagaih gah chức năng tỉnh batabiak, nan lac padang lịch tathuak ia ka dom danao , kuac raok krong ribong ka ia nyu nduac , ba dom jamriak njuk  piah jnuk ia tagok  dom bhum salih dok atah dom krong ribong. Ngan song jalan ngak danak dak , gah chức năng pandar  UBND tỉnh Ninh Thuận tacei nhà thầu samar ngak salah dom krong ribong dhar pakat sa  di  jalan krong ribong Tân Mỹ piah ba ia mai ka danao  Phước Trung, Phước Nhơn, Thành Sơn.

Bruk njauk uan tabuan dalam peih ngak danak dak salih phun pala di vụ đông xuân 2019- 2020 di  tỉnh Ninh Thuận lac hu bruk ba tangin tame di dom doanh nghiệp, gah chức năng palagaih ka urang nong peih dom jalan ngak bahrau. Ngan song jalan ngak  “nao gam song urang nong”, Công ty Cổ phần pajaih phun pala Nha Hố, Công ty Cổ phần pajaih phun pala  Đông Nam pambuak pagam song urang nong  , dom hợp tác xã ngak nong pabak pajaih tangei, ratak naih pala dalam langik pandiak, năng suất song chất lượng glong.

Taphia di nan, Sở ngak nong song patagok palei pala hu pok panuac pandar  UBND tỉnh likau  Trung ương sangka dong dom pajaih phun pala  pabak ka bruk pala ngak dalam langik pandiak. Yau ye bruk  dong pajaih hareik  VA06 piah pala  500 ha pabak pandap mbang ka tapon athur  dalam bilan thu; 30 tấn pajaih ratak naih  siam; 50 tấn pajaih tangei lai, tangei nduik lagaih song langik pandiak song dom pajaih bei plom lagaih song langik pandiak  hu taneh prong 20 ha. Anak bruk langik pandiak bhang, kapul urang jakar pachreih nong kham merat salih dom jalan ngak bahrau ka urang nong tui trách nhiệm glong. Dom urang jakar  kỹ thuật meng  cơ sở pambuak bruk song Bilai pachreih nong dom huyện tal dom palei, xã, pathau khan song tacei pato mik va  salih tapa phun pala takik ia.

Urak ni, dom gah, dom pakat saong karja tỉnh Ninh Thuận dok peih ngak dom jalan pacang caga pandiak bhang, pamong tal pala ngak bilan đông xuân 2019-2020 mek hu rilo siam mekre, kein laba, dong patagok jien mek tame ka  bhap bini, tani tanat rai duik./.

Urang lang: Hanipha -2/3