Janih jru cam bhian mboh 

Uranaih nhiễm độc chì bhian hu dom biểu hiện meng cấp tính - mbuan thau tal mạn tính – suai lavik, oh cambaih laih. Daok gah glo akaok thần kinh, anek naih hu dom biểu hiện cấp tính yau tagok kích thích, handaoh rak, ndih van drei. Dom biểu hiện suai lavik, oh cambaih laih nan lac suai patagok akaok saneng, patrun prein pang mehit, ndom puac biak karei, takik ma-in, glaih glar, kan daok, oh thau pambuak bruk, bac oh truh... Daok gah jalan tung pruac, anek naih taglaoh ta-aok, pandik hatung, lah mbang, kalik hijao, rup lavang kayua kurang darah.

Langiu di dom triệu chứng mboh cambaih yau nan, uranaih nhiễm độc chì daok hu biak rilo biểu hiện kandauk, tok hu mboh meng dut iek định lượng chì dalam darah. Uranaih njauk ngộ độc chì biak jhak ka pren yava, abih di nyu lac bruk ngộ độc mãn tính kayua bruk điều trị biak kan kandah saong caik veik di chứng biak trak. Tuk rah tabiak bruk ngộ độc, chì oh njauk lac tok njaom tame darah bo daok njaom tame talang, glo akaok, dom bộ phận karei angaok rup pabhap… ba tal rilo ruak kik gah glo akaok, ralo darah, hatung pruac, tim mạch, ngak ka uranaih cakrok patagok suai gah glo akaok.

Anak meta mboh lac, rilo bhap bini jeng daok bhian randap pandar dom janih jru nam, jru cam piah iek ruak. Bruk pandar ban glai bal klo dom janih jru oh thau cambaih asal di nyu, oh pasang iek hu chất lượng meda ba tal rilo kadha trak damak ka pren yava. Kayua yau nan ye, bác sỹ kakei lac dom urang ngak amaik ngak ame  juai brei ka anek pandar dom janih jru nam oh thau cambaih asal di nyu bo njauk ba nao tal dom labik y tế tuk anek ruak piah iek ruak njauk jalan./.

Urang lang: Jasi