Njauk  brei hu dom jalan ngak saong taong phạt khang jang piah caga mblung ia 

  Oh ta-eng Bình Thuận, bruk tuia mblung ia rah tabiak di jaik abih dom tỉnh ban dulich tapen tasik, dalam nan hu Vũng Tàu lac pasak dulich di bhum Đông Nam bộ hu labik menei ia tasik praong. Dahalu di ini 5, 6 thun, tal tuk padeih lễ, tết, takai tasik Vũng Tàu hu dom tuai mblung ia; tabung glaong lac dalam 2 thun 2011 saong 2012 hu tal 41 urang metai, dalam nan ralo meng lac kayau glut tame dom labik ia dalam nuac khang. 

          Sa-ai Bùi Nguyên Tuấn, urang cấp cứu hu labaih 22 thun hu ilamu daong ka urang mblung ioa di labik Bãi Sau brei thau, dom urang menei ia tasik dak harei dak ralo min hatai sahaneng daok kurang, dalam nan hu urang dui pan ngak jaoh gai dok brei thau labik ia dalam mbuan mblung, bo daok puac veik tuk urang cấp cứu pahadar. Trak jang lac dom urang menyum lak mbia mebuk oh pang hagait panuac preo, kakei. Menei ia tasik lac bruk takre di tuai tuk mai rivang dom tinh ban daok tapen tasik, abih di nyu lac dom urang tuai mai meng bhum ceik, bhum takik hu labik caluai ia. Yau nan min, kayua oh hu bac caluai ia, oh sahaneng tal bruk mblung ia tuk trun menei, rilo tuai oh caik hatai tal bruk kakei dahlau nan ye ba tal blung ia biak pandik harao.  

Piah pasiam bruk nan, Ban Vũng Tàu hu peih ngak rilo jalan pacang caga saoang dalam klau thun mai ini, urang metai kayau mblung ia tuk menei tasik Vũng Tàu trun hu 80% , dalam nan thun 2017 rah tabiak 2 mbang saong meng thun 2018 tal ini oh hu thei blung ia metai. Bruk biak siam dalam pacang caga lac pakauk mbang menyum alak di tapen tasik, gam patrun urang mebuk alak oh ngak tui panuac kakei, gam patakik bruk đột quỵ kayua rup pabhap oh ka pabak samu tuk daok ngaok thu bloh chat trun ia tasik chip.

Langiu di nan, mban khik iek dom labik dulich jeng kham merat pacang caga, khan brei tuai thau bruk mbuan mblung ia tuk menei tasik. Lingiu dom biển cảnh báo atau dom got dok juk hu cih rup thaot đầu lâu xương chéo padang sa labik, tui labik di drei, mban khik iek hu dom baoh còi hụ praong piah khan brei thau, iew urang abih tukvak menei ia tasik njauk tagok angaok thu. Kapol cấp cứu 18 urang hu biak rilo ilamu gam saong dom pandap piah daong yau cano, gilai kayak, loa…piah dui urang tagok, pacap dom urang tuai khang akok caluai atah gilac tame. Langiu di nan, sa bruk birau di Ban Vũng Tàu urak ini lac taong abih dom labik dulich hu menei ia tasik brei hu dom kapol daong tuk halei jeng hu mbaok di labik nan. Ini lac bruk di dom labik dulich piah khik ka tuai hu salamat ngan saong 80 urang ngak bruk cấp cứu, meda tui iek hu jaik abih dom labik hu ralo tuai menei tasik.

Njauk lac tal tuk brei hu dom jalan ngak saong taong phạt khang jang piah ka dom mbang mai main sambai menei ia tasik oh njauk gilac mai sang meng radaih hu menuac metai pandik harao./.