Njauk palih ruah pandap menyum ka nyu lagaih 

BS Lê Quốc Hùng - Akaok khoa ruak nhiệt đới - Sang iek ruak  Chợ Rẫy (ban raya .HCM) – brei thau lac dalam luac  30 thun ngak bruk ong oh ka gaok dom urang ruak pambuak tal njauk jru mek botulinum yau ini. Ni lac makna ngak ka bruk pasang iek tuk camereip  di  bác sĩ  bhian pamaong tal ruak  nhược cơ. Tui  BS Hùng – jru mek botulinum  ba tal lahik bruk "tacei ba" di dom talei rak (abih di nyu nan lac talei rak vận động) tal dom talang talaih song metai rak. Kayua yau nan ye, kadha prong nan lac urang ruak brei hu pasang iek ruak njauk, avar song pandar jru pacang  jru mek dak avar dak siam. Min, siam lagaih di dom janih jru pacang jru mek  (meyah hu) jeng tok daong dui atah tuk vak metai rak, plaih bruk suak yava meng jamriak dui atah ba tal dom viêm phổi.

BS Hùng lac: “ Piah thau lac njauk  jru mek botulinum oh lac mbuan. Dalam tuk camereip, nyu dreih yau  njauk srau kadau tung pruac, oh pandiak, oh lahik tri giác. Patui di nan, dom  triệu chứng metai rak rah tabiak  rilo bo oh sa janih ruak halei dreih yau nyu, song hadei di dom harei ye metai rak tangin takai, hadei di kan luan, kan nyai, kan suak yava, laik pik meta".

Pren yava di urang njauk jru mek botulinum brei hu tuk vak pasiam veik biak lavik. Dalam tuk cang pren yava khang veik, urang ruak mbuan njauk viêm phổi kayua suak yava meng jamriak lavik harei,  mbuan njauk dom ruak nhiễm trùng jalan suak yava.

Jalan taong ruak ka dom urang njauk jru mek kayua botulinum dok hu pandar urak ni lac dong ka urang ruak yam tapa tuk vak metai rak suah yava meng jamriak, patagok  dinh dưỡng, pasram vật lý trị liệu... piah taong ruak khang talang meda rah tabiak. Ngan song dom urang metai rak biak trak atau  jru mek biak rilo ye hu dom jalan taong ruak karei yau halang drah. Song jalan ngak ni hu 2 kan kandah prong . Ka sa lac tok hu dom sang iek ruak trung ương meng ngak hu bruk iini, ka dua lac jien piah taong ruak tui jalan ni biak rilo …

Ong Nguyễn Tri Thức – Yam ndok sang iek ruak Chợ Rẫy – brei thau lac, urak ni tok hu jru  antitoxin meng meda ngak brei taba jru mek min dalam negar oh hu pablei. Bruk njauk biai nan lac, jru ni tok hu siam lagaih ka urang ruak njauk jru mek botulinum dalam sa adit, nan ye bruk blei jru meng negar lingiu tame khik piah dalam bruk taong ruak ka dom urang ruak patui di nan lac bruk njauk hu. Dalam harak payua ka mintri Y tế bahrau ni, Sang iek ruak Chợ Rẫy hu panuac likau brei blei jru antitoxin botulinum meng negar lingiu tame piah caga./.

Urang lang: Hanipha