Urak ini, Cần Thơ hu 4 palei ngak lac: palei ngak Bánh tráng Thuận Hưng, palei ngak halam nyul Thơm Rơm, palei ngak bingu kiểng Phó Thọ - Bà Bộ saong palei ngak ahar keo Ba Rích. Dom palei ngak nan hu daong ka raidiuk di bhap bini hu salih birau.

 Hu rilo thun kak kajap haong bruk sak halam nyul min ong Hồ Đắc Quý, Cơ sở sak halam nyul Tân Hưng, quận Thốt Nốt tuk halei jeng sahneng lac ngak habar piah ka bruk sak halam nyul di labik ini cak rok patagok saong hu labik dang di darak pasar, hu labik pablei tani tanat. Yau nan min, bruk kurang thau ka darak pasar, kurang phun jien ba tal bruk ngak mbang, pablei salih gaok rilo kan kandah. Dalam tuk nan, urang blei tuk halei jeng khin hu rilo janih birau, kayua yau nan ye, pandap ngak tabiak oh tani tanat. Pablei pandap jeng caong karja daong, pagap yau daong tut angan nhãn hiệu, harak adat nao jalan piah ba pandap nao pablei hu mbuan lagaih.

Yaok thun, palei ngak bingu kiểng Phó Thọ - Bà Bộ di phường Long Hòa, quận Bình Thủy, ban Cần Thơ hu ba tabiak darak yaok rituh ribau phein bingu yaok janih, rilo sang pala bingu yam tagok tabiak truh kan kathaot saong ngak kaya meda di bhum taneh di drei. Tui darak pasar saong tui hatai takre di urang blei, dom sang pala bingu njauk salih jalan ngak meng kan tapa ngak tui ilamu cong nghe birau piah hu rilo janih gheih nekre saong pablei hu yaom glaong. Ong Đoàn Hữu Bốn, Pho Chủ nhiệm Palei ngak Bingu kiểng Phó Thọ - Bà Bộ brei thau: Tuk ba ilamu cong nghe birau tame ngak ye brei hu phun jien rilo, piah ngak sang camin, ngak jalan pruh ia tự động, tapa nan ngak brei bingu tabiak tui hatai caong khin, oh daok pagam pambak rilo tame langik tasik yau dahlau diah. Min, kan kandah praong abih bo urang nong halei jeng gaok nan lac jien piah ngak, kayua jien duah hu di yaok baoh sang meng 5 tal 6 trieu đồng yaok bilan dalam tuk jien buh tame ngak meda tagok tal dom rituh trieu. Daong meneing piah ngak sang tui công nghe birau. Taneh sit min ngak tabiak rilo pandap jang, siam jang, hu yau nan HTX saong palei ngak meng dang hu.

Dom palei ngak hadei hu di tuk hu brei angan meda hu rilo sarak daong saong patagok tui Nghị định di Rajaei saong Quyết định di ban Cần Thơ. Yau nan min, tukvak tapa bruk mesre phun jien piah salih birau công nghệ jeng daok gaok ralo kan kandah, oh ka ngak brei dom palei cak rok patagok. Ông Phạm Lạc Tiên, Phó Chủ tịch ủy ban bhap bini phường Tân Hưng, quận Thốt Nốt brei thau ka dom  kan kandah di aplei ngak halam nyul Thơm Rơm. Urak ini caong hu phun jien mesraiy tui Nghị định di Rajaei. Kayua meng dahlau mai palei ngak halam jeng oh ka mesraiy hu. Meyah mesre hu meng blei hu pandap panda piah ngak.

Ong Đoàn Ngọc Hoàng Lâm, Phó Giám đốc Pasak pachreih công, Sở Công thương ban sit Cần Thơ lac: Cần Thơ jeng hu quy hoạch piah patagok dom palei ngak saong hu dom sarak ưu đãi, daong patagok dom palei ngak piah ngak hu rilo pandap panda, tui hatai takre di  urang blei. Min, tukvak tapa, dom palei ngak jeng oh ka mesre hu phun jien di gilang pariak kayua daok tavak tavaiy rilo bruk. Kayua yau nan ye, anak tal Pasak brei pambuak bruk saong Chi cục patagok palei pala, dom pasak pato bruk ngak piah langyah dom kan kandah di anak meta. Saong, dalam quy hoạch patagok ban Can Tho meng ini tal thun 2020 saong pamaong tal thun 2030 lac sa xã sa janih pandap, dalam nan hu dom sarak daong mesre phun jien piah dom cơ sở, palei ngak cak rok patagok, lingiu di nan daok hu daong phun pala, athur raong. Brei pamuak bruk saong Chi cục patagok palei pala yaih khan pandap di palei ngak, dahlau di abih lac hu mbaok tame dom mbang nyaom darak pasar dalam saong langiu ban saong jhul pakhang bruk pablei salih. Langiu di nan, meda ngak bruk saong dom gilang pariak sarak karja piah daong brei mesre, lang talaih kan kandah brei ka yaok palei ngak hu mesraiy phun jien piah patagok  palei ngak.

Dom palei ngak oh lac ba bruk ngak di bhum palei bo daok khik ramik ilamu palei, ini jeng lac dom jalan lagaih piah patagok bruk du lich bhap bini. Kayua yau nan ye, njauk brei hu dom sarak lagaih piah bhap bini hu mesre phun jien, salih birau công nghệ, pambuak gauk piah peih praong taneh ngak, hu yau nan dom palei ngak meng cak rok patagok hu khang kajap./.