Ralo nghệ sĩ, nghệ nhân di ban Cần Thơ parang me-in biak gheih angaok sân khấu duh ka bhap bini saong jak jeng di dom mbang pataom pakacah jeng ieu NSUT Trúc Linh lac gru, lac amuk atau amaik piah brei mboh hatai thau dhar phor bruk abih hatai tacei pato di saai. Ngan saong NSUT Trúc Linh ye bruk patagok hatai anit ranam nghệ thuật, duah mboh saong pasram megru paglaong ilamu ka dom adei nan lac hanem phon, lac bruk bui sambai saong lac phần thưởng dalam bruk ngak nghệ thuật di drei. Saai lac:

“Pato pakai dom menuac patui bruk gam lac pabak ka nghệ thuật ĐCTT, tapa nan kol drei hu dom hạt nhân meda yam tal chuyên nghiệp. Kol drei oh ngak ye lac kol drei eng drei klaak nao, eng drei ngak brei lihik saong kol drei jui mbuah lac: khan giả mbaiy mbaok haong cải lương. Dahlak saneng lac bruk njauk ngak lac kol drei ngak yau habar brei gheih jang, ralo menuac barau, daok ranaih daoh gheih jang. Dahlak halan hatian piah gam saong dom adei, gam saong dom cei gru anai gru karei raong, pato ka Cần Thơ hu sa kapul dom adei nyu ngak hu dom bruk bo drei mboh chreih hatai”

Hu thau, NSUT Trúc Linh angan biak lac Nguyễn Thị Trúc Linh, ndih tapui thun 1951 di xã Long Hưng, huyện Châu Thành, tỉnh Tiền Giang. Umo 10 thun, saai daoh biak gheih dom kadha daoh tài tử - cải lương. Umo 12 thun, saai hu palih ruah tame kapul Văn công cục gah meraong kayua aruah nhạc sĩ Xuân Hồng pan akaok kapul.

Meng nan, saai yam tame jalan ngak diễn viên văn công chuyên nghiệp, gam hu pato  thanh nhạc, pato daoh meng dom urang hu naih gheih, gam eng drei bac megru, pasram saong parang me-in pamơrơ bhap bini, urang lin dalam tuk kan kandah abih di samar mesruh. Bhap bini samar nan daok hadar ralo kadha gheih mekre, bingi pang di urang kamei chiến sĩ văn công Trúc Linh dalam dom danak dak parang me-in “sap daoh kateik sap mbom”. Sap  daoh di sa-ai biak bingi pang, lai li-an, abih di nyu nan lac dom panuac daoh hu dấu sắc atau dấu hỏi. 

Saai jeng lac sap daoh, lac mbaok meta biak kren randap, hub hap bini anit ranam, cang pang tapa rayo saong angaok sân khấu cải lương. Dalam nan, njauk ndom tal vai nữ chính lac urang kamei anh hung Nguyễn Thị Hạnh dalam vở “Người không cô đơn” di tác giả Minh Khoa. Tukvak dane angan abih angaok sân khấu di  nghệ sĩ Trúc Linh lac dom thun hadei di tuk saai hu tabiak HN bac tal trung cấp diễn viên saong mai ngak bruk dalam kapul  văn công quân khu 9.

Nan jeng lac dom thun hadah hadai di sân khấu cải lương gah maraong hadei di harei peih paha gah maroang, yasa taneh ia meng thun 1975 tal akaok dom thun 1990. Meng nan, saai gam saong kapul parang me-in, gam hu mbaok tame tacei pato, dak padang bruk ĐCTT di grap labik, dalam bol bala saong di dom puk palei bhum taneran kraong Cửu Long. Thun 1993, saai hu karja pok brei angan NSUT.

Ndom tal dom urang hu buh pren yava ka bruk padang klup kapul ĐCTT saong ieu pataom, tacei pato nghệ nhân ranaih umo ka bhum taneran kraong Cửu Long, NSƯT, nhạc sĩ Huỳnh Khải – akaok khoa âm nhạc bangsa, nhạc viên ban raya Hồ Chí Minh tuk halei jeng pok meyaom bruk rik daong di nghệ sĩ TRúc Linh.

“Drei  mboh lac, di ban Cần Thơ ini hu saai Trúc Linh – NSUT bhian parang me-in chuyên nghiệp biak joi dalam bruk ini. Nyu ngak brei patagok chất lượng di dom urang me-in ĐCTT. Urak ini menuac urang di puk palei hu pato pakai mek hu angan nghệ nhân biak ralo”.

          Thượng tá – NSƯT Trúc Linh padeih hưu ralo thun, min bruk saai buh pren yava ka nghệ thuật di bhum taneh jeng daok hu ngak. Saai daok jar var saong dom bruk ngak yau: vak kịch bản cải lương, bài bản tài tử, dàn dựng, tacei pato ka dom nghệ nhân peih ngak danak dak hu mbaok tame harei pataom pakacah. Saai daok lac mkban giám khảo di ralo mbang pakacah saong ngak ralo tiết mục angaok riyak papar sap, papar binguk ban Cần Thơ. Bruk di NSUT Trúc Linh lac bruk eng drei ngak brei hadah tanyak, bo daok ba pui ka dom rai nghệ sĩ patui jalan ba gauk truac hadah sân khấu cải lương saong ĐCTT./.