Động thổ pambah lamnge  tasik Cà Ná tuk vak ka  1 di  xã Phước Diêm, huyện Thuận Nam

Nyaom biai AkokMentri Kinh tế ASEAN (AEM-52)  mbang ka 52 harei ini patui veik dom mbang ginum biai online. Nyaom biai kayua Akok Mentri Công Thương Trần Tuấn Anh dang kaok peih bruk , hu mbaok di dom Akok mentri Kinh tế ASEAN, Tổng Thư ký ASEAN saong urang lambaok Hội đồng Tư vấn Kinh doanh ASEAN. Nyaom biai AEM-52 pataom tame ginum biai dom asar kadha yau: Pasang iek dom bruk peih ngak dom roh duah hadah krah gah kinh tế dalam thun 2020 tuk Viet Nam ngak Chủ tịch; ginum biai, duah thau bruk jit ruak Covid-19 saong jalan pacang caga di khu vực, dalam nan hu bruk pasiam veik abih gah di  ASEAN…

Mintri  Y tế mesup ni  26-8 brei thau  oh hu urang halei njom  COVID-19 bahrau, dalam negar dok padeih veik di 1.029 urang. Ni lac mesup mbang ka  6 gam gam oh hu urang halei njom bahrau, min kuhria tui  harei ye harei halei jeng hu urang ruak. Min njauk caik hatai sangka  dok hu  30 urang ruak trak, 15 urang dalam dom urang ni biak trak  song mbuian metai, Mintri  Y tế  dok jao ka nyaom dom urang ilamu  kham merat abih drei piah dong ka dom urang ruak ni. Sa du học sinh dok  di  Đồ Sơn (Hải Phòng) hadei di tuk tapa  Hàn Quốc njauk ruak Covid-19. Sở Y tế Hải Phòng samar pacang  cakak, pasang iek dut iek drah ka tong abih dom urang halei taom gaok song urang ni, song patagok dom jalan pacang caga jit ruak.

Muk Ngô Thị Kim Yến, Yam ndoc Sở Y tế TP Đà Nẵng, Phaok akok Mban pacanh caga jit Covid-19 ban brei thau, ban brei patui veik bruk pa-atah di gauak tui Sarak 16. Bruk pa-atah di gauk birau abih di Đà Nẵng meng kreh melam  12/8. Ub bhap bini ban Đà Nẵng kakei cambaic laic, mbang pa-atah ini brei ngak tui tal tuk hu tabiak panuac khan birau oh lac harei halei tamat. Yau nan min, hadei di 14 harei, rilo bhap bini sahaneng lac abih tukvak pa-atah paje.Tui muk Ngô Thị KimYến, jit ruak Covid-19 daok rah tabiak dalam kan kandah, hu urang njom ruak langiu bhap bini yau nan ye njauk brei daok pa-atah tal tuk hu tabiak panuac khan birau. Daok meng ini tal puac bilan 8, oh ka salih hagiat karei.

Beir harei  25-8, UBND tỉnh Ninh Thuận song  Công ty padang ngak Trung Nam – ieu katut lac Trungnam Group pambuak gauk peih bruk động thổ pambah lamnge  tasik Cà Ná tuk vak ka  1 di  xã Phước Diêm, huyện Thuận Nam. Pambah lamnge hu yaom jien abih tih buh tame ngak lac labaih  1.463 tỉ đồng, tuk ngak blaoh meda pajeng ba pandap tapa pambah lamnge  labaih  3,3 triệu tấn/sa thun. Pambah lamnge tasik Cà Ná hu ngak jeng labik pabak ka bruk pajeng ba pandap panda, pandap  ia, pandap pablei tabiak negar langiu  meng dom  khu công nghiệp dalam tỉnh song dom tỉnh jiak tapen.

Sang iek ruak Hùng Vương, Ban raya HCM birau brei thau bruk raong hu 2 kuman kumei saong 1 likei di mbang ndih tapui 3,, trak di 3 urang lac 785g, 850g và 860g. Ini lac sa dalam dom mbang ndih tapui 3 hu diuk kayua dom kuman kurang kilo sit livang. Dahlau diah, urang metian Võ Đinh Hồng Vân, umo 29 thun daok di tỉnh Bình Thuận, metian meng bruk thụ tinh ống nghiệm, tame sang iek ruak metian klau, hu ruak dalam rup yau nan ye bac sĩ brei blaic riac mek anek tuk hu 26 adit 5 harei. Dom kuman oh ka tal harei ndih tapui, rilo ruak dalam rup yau nan ye bac sĩ kham merat daong dalam 91 harei tapa piah dom kuman nan hu khang kajap.

Cảnh sát negar  Philippines hu patagok bruk khik caga ka ban ine Manila song rilo  tỉnh ban karei dalam negar  hadei di 2 mbang tong  bom di Jolo, tỉnh Sulu, gah merong  Philippines harei  24/8 ngak brei takik di abih 14 urang metai. Takik di abih  4.000 bilai pasang iek hu padang dalam negar  meng di bilan  3 piah pacang cakak bruk nao mai di bhap bini njom mbak  virus Sars-CoV-2 jeng dok hu khik veik. Dom bruk pasang iek  hu peih ngak piah pacang cakak dom nyaom  khủng bố tong tame. Tỉnh Sulu lac labik di kol Abu Sayyaf, kol phiến quân hu pambuak song kol (IS). Tổng thống Philippines, Rodrigo Duterte hu padang sa sư đoàn bộ binh đặc biệt di palao kaoh  Sulu piah tong tayah kol phiến quân ni, lac kol hu angan tapa dom mbang cap mek menuac song kaoh akaok. Hu takik di abih  6 mbang tong  bom pametai rup eng rah tabiak di pak ni dalam tuk vak tapa. 

Hadei di tuk brei thau ka mbang njom giolac veik camereip di Hong Kong, châu Âu khan l;ac hu 2 urang njom ruak gilac. Dom urang y tế mboh lac brei ngak tani tanat anak dom mbang urang njom ruak gilac,  kayua ini njauk dom mbang urang ruak takik mboh atau oh. Gah y tế  pambuak saong Mỹ kakei dahlau urang ranaih umo lac pambak ruak di jit Covid-19 di châu Mỹ.  Ralo  dom mbang urang njom Covid-19 di châu Mỹ lac dom urang umo meng 19 tal 59 thun, min jaik 70% mbang urang metai lac urang umo labaih 60 thun.

Harei kabroi (25/8), rajaei Thái Lan brei tapa bruk dui atah tukvak paatah di gauk sa bilan tra, tal abih harei  30/ 9, piah pasang iek bruk rah tabiak  di Covid-19, yaom lac negar ni OH hu  urang njom  Sar-CoV2 dalam bhap bini  dalam  3 bilan tapa. Ni lac mbang ka  5 negar ni dui atah tuk  vak paatah di gauk, piah brei adat ka rajaei  Thái Lan ngak bruk samar darah meyah hu srau kadau.Di nyaom biai mbang ni rajaei Thái Lan jeng brei tapa bruk khik tamo jien je di tanut  7% tal abih bilan  9 thun  2021 piah dong ka dom doanh nghiệp./.

Urang lang: Ái Nghiêm – Hani Pha – 26/08 10:48:30