Di Hà Nội, meng kreh melam 23 bilan 3, dom kuan bar, karaoke, vũ trường brei peih veik dalam tukvak birau yau urak ini

Nyaom biai pakat negar pataom iek veik danak dak yaok xã sa pandap (OCOP) tuk vak 2018 - 2020 rah tabiak mesup ni (23/3) di Hà Nội. Hadei di 3 thun peih ngak, danak dak OCOP tagok hu pren khang di dom tỉnh ban ka pandap meng kan, bruk ngak palei pala gam song mbuan lagaih ka bruk ngak tabiak, bhum nguyên liệu song ilamu meng kan. Tapa nan, padang hu 393 chuỗi giá trị OCOP ngak hu siam lagaih, rik dong khik ramik, patagok dom palei ngak meng kan, ilamu piah patagok kinh tế puk palei, abih di nyu nan lac patagok bruk ngak di urang kamei song mik va bangsa takik.

Mentri Y tế brei thau page ini 23/3 oh hu urang hlei birau njom ruak nCoV, urang njom ruak dalam bhap bini jaik dua bilan tapa lac 908. Dalam 24 tuk tapa, hu 3 mbang urang birau njom ruak lac urang mai meng negar langiu hu ba nao daok labik karei, 36 urang dhit ruak. Jit ruak dalam negar camereip hu pacang cakak siam. Hải Dương harei ka 5 oh hu thei njom ruak birau. 10 tỉnh, ban labaih sa bilan tapa oh hu thei birau njom ruak dalam bhap bini. Tui Danak klauk jru pambak praong dalam negar, tal harei 22 bilan 3 hu veik 2.060 urang hu klauk vaccine Covid-19, kuhria abih tih hu 36.082 urang di 16 tỉnh, ban.

Việt Nam tui kuhria hu vaccine Covid-19 camereip kayua dom urang ilamu dalam negar roh duah, ngak tabiak di puac quý 3/2021. 4 jabat di Việt Nam hu mbaok tame bruk ni, dalam nan urak ni Vaccine Nano Covax di Công ty Nanogen hu ngak salah bloh bruk klauk iek mbang ka 1, dok peih ngak mbang ka 2. Vaccine Covivac di Viện Vaccine song Sinh phẩm y tế hu klauk iek mbang ka 1. Vaccine di Công ty Vaccine song Sinh phẩm ka sa (Vabiotech) caga klauk iek mbang ka 1 dalam bilan 4/2021. Dom mbang roh duah dalam balik ngak iek di abih 3 vaccine nan hu tong yaom lac biak siam.

Di Hà Nội, meng kreh melam 23 bilan 3, dom kuan bar, karaoke, vũ trường brei peih veik dalam tukvak birau yau urak ini. Ban brei adat peih ngak dom bruk pataom mbaok rilo manuac di dom sở, dom gah min njauk brei khik hu bruk pacang caga jit. UB bhap bini Ban Ha Noi tacei pato Sở Pato megru brei kadun veik tukvak pakacah tame tal bac 10 saong dom tal bac akaok pakat lagaih saong tukvak ba tabiak di Mentri Pato megru. Di Đồng Nai, UB bhap bini tỉnh brei peih veik dom bruk ngak mbang gah karaoke, kuan alak bar, labik chat meng harei 23/3. Dom labik nan njauk peih ngak catang dom jalan pacang caga jit.

Jabat cảnh sát điều tra Công an huyện Lộc Ninh, tỉnh Bình Phước dok pasang iek , duah thau clip sa anek saih kumei njauk rilo menuac taong, hadei di nan clip hu tagok mạng ngak suh sah menuac sia. Tui pasang iek tuk camereip, bruk nan rah tabiak kayua meriak gauk di dom anek saih THPT Lộc Ninh song pasak pato pakai thường xuyên huyện tapa bruk nhắn tin angaok Facebook. Anek saih kamei njauk rambuac hasit, oh hu hagait trak tal pren yava . Urak ni ,công an dok ngak bruk song dom urang hu gam tal song duah dom urang gam tal bruk nan.

Liên minh châu Âu saong Vương quốc Anh brei thau dom hukum taong phạt dom urang saong kapol nyaom di Trung Quốc ngan saong panuac ndem panuac lac ngak suan hukum anek manuac di Tân Cương. Tui nan, brei ngak tui hukum taong phat oh brei nao mai saong kareik veik drap ar ngan saong 4 urang jakar Trung Quốc lac dom urang ngak praong di bhum taneh Tân Cương, saong sa kong ty padang ngak di Tân Cương, Trung Quốc. Gah Trung Quốc jalei chip tuk thau bruk taong phat 10 urang saong 4 kapol di Liên minh châu Âu.

Tổng thống Joe Biden dok brei dom urang ngak praong dang akaok tal Mexico song bhum Trung Mỹ dalam tuk bruk srau kadau di jalan tapen negar gah merong negar Mỹ dok rah tabiak. Mintri Ngoại giao Mỹ hu ba labaih 17.000 panuac yaih khan angaok rayo papar sap di grauk bhum Mỹ La-tinh song labaih 500 yaih khan angaok mạng xã hội, ieu urang di cư dok veik palei negar di drei. Bruk srau kadau dok rah tabiak di jalan tapen negar gah merong ngak kan kandah ka Tổng thống Mỹ, dok gar panuac sinya padang sa bruk nhập cư pahla song njauk kateik greik meng dom urang bảo thủ ndom lac brei pacang cakak dom urang di cư tal Mỹ.

Piah khik ka bruk parabha vắc-xin pacang Covid-19 rah tabiak sumu gauk, Gah y tế Dunya iew dom labik ngak tabiak vaccine di dunya pasang tame hãng jru AstraZeneca brei harak công nghệ vaccine ka dom labik ngak tabiak vaccine parabha tal rilo urang jang. Tui Liên hợp quốc, dunya dang anak bruk kurang vaccine pacang Covid-19 saong bruk parabha vaccine oh ka lagaih. Urak ini, panuac ba ytabiak di COVAX ka bruk parabha vaccine sumu gauk kayua Liên hợp quốc dang ngak daok gaok dom kan kandah tuk dom labik ngak vaccine oh pabak hu bruk di danak dak.

Urang lang: Hani Pha – Ái Nghiêm – 23/03 10:47:22