Rilo DN yaih khan pandap panda di drei ka tuai 

Yaom lac gaok rilo kan kandah kayua jit ruak Covid-19 di dunya; jit tả pabui châu Phi; bala meng langik tasik: ribuk, tua riya, njom ia mbak rah tabiak di dom bhum palei dalam negar; darak pasar pablei dom janih kaya nong trun, min thun 2020 gah Ngak nong saong Patagok palei pala peih ngak catang dom jalan jhul pakhang bruk ngak tabiak pandap  pabak bruk blei pandar padai brah, pandap mbang dalam negar saong pablei tabiak negar langiu. Yau nan, dalam bruk pala drak, ngak tabiak padai  dalam taneh ia kuhria rah tapa tagok labaih 0,5 tạ/ha; raong pabui,manuk ada saong limo cak rok patyagok siam; bruk chap mek saong raong pala kaya ikan dalam ia tagokrik daong biak praong tame  GDP di abih gah biak glaong, sumu 2,65%. Bruk pachreih gah pablei salih peih pabah mbang darak pasar tuk halei hu sang ka peih pambak praong saong jhul pakhang bruk pablei tabiak, abih di nyu  lac dom kaya nong yau ye: brah, kayau saong pandap ngak meng kayau, baoh kayau, kaya ikan…Saong di dom darak praong, tapa nan, kuhria abih tih  jien mek tame meng bruk pablei salih dalam negar  thun ini kuhria mboh 41,2 tỷ đôla.

“Tuk ban Thủ Đức hu peih tabiak meng harei 1/3/2021 ye HĐND Quận 2, Quận 9 songquận Thủ Đức jeng tamat bruk ngak”. Ni lac asar kadha dalam harak tacei pato di UBND TPHCM di nyaom biai  song mintri Nội vụ ka danak dak  Sarak di rajaei peih padang karja đô thị di  TPHCM . Tui nan,  karja  Quận 2, Quận 9, quận Thủ Đức daok ngak tal harei 1/3/2021 piah langyah bruk njauk ngak, bruk harak gar di bhap bini. Harei  31/12/2020 TPHCM hu khan ka dom bruk njauk ngak patui di nan tuk padang ban Thủ Đức. Karja hu dong ka bhap bini dom quận 2, 9, Thủ Đức dalam bruk salih harak gar ngak habar ka nyu mbuan lagaih, klah srau kadau, ngak glaih bhap bini  .

Harei 24/12,di pabah mbang negar Dinh Bà, xã Tân Hộ Cơ,huyện Tân Hồng,Đồng Tháp, Bộ Chỉ huy Bol lin Biên phòng (BĐBP) tỉnh Đồng Tháp peih bruk alin brei 100 trieu đồng daong Tiểu khu bol bala saong 80 triệu đồng gam saong dom janih pandap panda pacang caga jit Covid-19 daong Bộ Chỉ huy Hiến binh tỉnh Prâyveng di taneh ia Campuchia. Di var alih hadiah, Đại tá Lê Văn Luận, Chỉ huy trưởng Bộ Chỉ huy BĐBP Đồng Tháp brei thau: “Anak bruk rah tabiak kan kandah di jit ruak Covid-19, meng talei rohim daok jaik taphia gauk, ilamu meng kan mai tuk halei jeng daong ka gauk yaok tukvak, khol dahlak caong khin rik tame daong urang jakar khik caga bhum taphia negar  tỉnh Prâyveng klak rabha dom kan kandah, pambuak siam bruk pacang caga jit Covid-19 saong klak rabha khaw tin, pakhang bruk duah thau, pasang iek, khik caga bhum taphia negar”.

Nyaom drak pasa Công nghiệp – Pablei salih song parang iek pandap OCOP Bạc Liêu bahrau peih di harei 24/12. Nyaom drak pasa pachreih hu labaih 120 jabat, doanh nghiệp mai meng 20 tỉnh, ban dalam negar ngan song labaih 250 gian hàng. Nyaom drak mbang ni  piak rik dong jhul pakhang bruk taom gaok pablei salih  , peih tabiak rilo jalan pablei salih, pambuak gauk, patagok peih prong drak pasa, dong ka dom doanh nghiệp yaih khan dom pandap hu pren khang, pandap  OCOP di dom bhum palei, tal drak pasa dom tỉnh dalam bhum taneran krong Cửu Long song dalam negar.Langui di nan,Nyaom drak pasa dok lac talei pambuak piah dom tỉnh ban, jabat,doanh nghiệp, dom urang buh jien tabiak ngak mbang, urang ngak tabiak dok dalam song langui tỉnh hu taom gaok, klah rabha ilamu, salih bahrau công nghệ, pambuak bruk ngak mbang pablei salih, yaih khan pren khang, yaih khan angan je pandap piah peih prong drak pasa , jhul pakhang bruk pablei salihsong buh jien tame ngak mbang dak harei dak hu kein laba jang. Nyaom drak pasa hu peih tabiak tal harei 29/12/2020.

Melam 24/12/2020, bhap bini saong tuai damuai pataom tame dom nhà thờ, labik ma-in sambai di dom bhum pablei dalam taneh ia piah uan raok Noel 2020 saong tadhau ayuh sa thun birau haniam siam, salamat. Rilo labik di pasak TP.HCM, Hà Nội ngak brei gheih mekre uan Noel. Rilo bhap bini mai ma-in saong thaot binguk min njuak cuh patiak pacang pabah caga Covid-19 tuk mai labik pataom rilo manuac. Takik cai jien, caik rilo tukvak jang ka dom bruk paglaong akaok sahaneng lac bruk dreih yau gauk di dom urang ranaih umo uan Noel thun ini.

Dom urang jakar di mintri Y tế, Lao động song Phúc lợi Japon  bahrau batabiak bruk klauk jru pacang caga vắc-xin Covid-19. Tui jalan ba tabiak, dom urang ngak y tế jeng lac  dom urang camereip hu klauk di puac bilan 2 thun 2021, patui di nan lac nyaom urang taha  umo labaih 65 thun hu klauk di puac bilan 3. Hadei di nan lac dom urang ruak tame sang iek ruak  atau iek ruak tui bilan dom janih ruak yau: ruak boh hatai ruak thận mạn tính, srau kadau jalan suah yava, dom ruak mbuan patrun bruk pacang ruak. Langui di nan, dom urang ruak labaih kilo  hu  chỉ số rup pabhap (BMI) meng 30 tagok jeng hu klauk jru dahlau. Jalan ngak nan hu mintri  Y tế, Lao động song Phúc lợi Japon pok tagok di sa Hội đồng chuyêngia dalam harei ni (25/12) dahlau di tuk rajaei Japon  brei tapa.

Harei 24-12, Anh duah mboh sa anke ruak birau meng virus SARS-CoV-2, di Bồ Đào Nha jeng mboh 3 anek rauk birau mai meng virus ini. Dom anek ruak birau  hu duah mboh dalam tuk rilo taneh ia sami samar klauk jru vaccin caga ruak  ba tabiak dom panuac tangin sua ka bruk salamat di vaccine. Tui dom urang ilamu, anek ruak birau lac njom mbak samar jang, blaoh oh ka mboh hagait piah thau lac anek rauk nan ngak brei mbuan metai  jang atau pacang hu vaccine.

Yaom lac bak sambo màuyau meng kan mai song phun thông hong dom pandap trang trí, dom var tiệc bak pandap mbang, min oh ka thun halei bo  meng châu Á tal châu Âu, châu Mỹ, bruk bui sambai hu taom gaok auyt sahbah, gauk garkua gauk cum gauk gam mbang har dalam harei Giáng sinh njauk patrun yau thun ni kayua jit prong COVID-19. Di Anh,rajaei dok paatah di gauk pakat 4 song jiak tong abih bhum England meng harei 20-12, bhap bini dok dalam sang,oh nao tal sang gauk,oh brei pataom gauk di gah langui, dom labik pablei salih pandap oh lac piah pandar yaok harei jeng brei kreik pabah mbang./.

Urang lang: Hanipha- Bhumi -25/12