Nyaom roya Đảng bộ tỉnh Bình Phước mbang ka XI vaktu 2020-2025

Ngan saong kadha: paglaong bruk par akaok di đảng, patagok ilamu meng kan di cách mạng saong prien khang jumpataom gauk dalam bhap bini; pataom tame cak rok patagok kinh tế, sangka raidiuk bhap bini; khik hu quốc phòng - an ninh khang kajap”, Nyaom roya Đảng bộ tỉnh Bình Phước mbang ka XI vaktu 2020-2025 peih tabiak di harei 2/10 ba tabiak jalan ngak ba Bình Phước jeng tỉnh công nghiệp, di kapul dom tỉnh patagok samar saong khang kajap; paglaong raidiuk di bhap bini; pamaong tal bruk ngak salah rajaei điện tử, đô thị thông minh;  Đảng hacih saat, khang kajap abih gah ….Piah ngak hu bruk nan, Bình Phước ba tabiak 3 jalan ngak, lac:  buh jien tame ngak kết cấu hạ tầng, salih bahrau adat hành chính, patagok manuac ngak bruk. Kham marat tal thun 2025 jien mek tame kadung jien karja hu labaih 18.000 tỷ đồng, abih tih jien buh tame dalam rahra mek hu 185.000 tỷ đồng.

          Mintri Tài nguyên song Môi trường bahrau yaih khan danak dak  pok meyaom kapal nyaom, menuac urang hu rilo rik dong ka bruk khik ramik dom janih anek athur glai tuk vak 2010 - 2020 piah duah thau dom rik dong nan, hadah krah dalam bruk khik ramik . Danak dak pamong tal dom menuac urang, kapul nyaom dok ngak bruk  khik ramik  đa dạng sinh học di Việt Nam. Tuk vak taduan harak  mai hu mbaok tal abih harei  31/12/2020. Dalam nan hu , 5 menuac urang song  10 kapul nyaom hu  jak jeng glong di abih dalam bruk khik ramik anek athur glai  hu palih ruah piah pok meyaom. Tui kuhria,  harei pok meyaom hu peih tabiak dalam  sẽ quý II thun 2021, dalam tuk pahadar harei dunya  ka  đa dạng sinh học. Tui harak  tư liệu di Kapul khik ramik  langik tasik dunya, taneh glai di dunya hu patrun  40% dalam labaih  300 thun tapa, 50% taneh dauh dalam ia njauk lahik  song labaih  1 triệu janih phun pala, anek athur  mbuan si patrun patakik, tuyệt chủng meyah menuac sia oh hu bruk ngak halei samar drah piah khik ramik.

          Tỉnh Thừa Thiên – Huế  bahrau peih pakak labik mblang bien ilamo saong sang pahadar ong Tố Hữu di puk Tân Xuân Lai, xã Quảng Thọ di tuk pahadar 100 thun harei manek di ong (4/10/1920 – 4/10/2020).  Ong Tố Hữu, Ủy viên Mintri Chính trị dahlau dieh, Phó akaok Thường trực Hội đồng Bộ trưởng dahlau dieh (urak ni lac rajaei) , lac urang bol lin cộng sản kiên cường,  urang naih joi di palei Thừa Thiên Huế saong di bangsa; urang anek saih naih joi di Chủ tịch Hồ Chí Minh; nhà thơ Các mạng praong abih di abap 20. Bruk peih pakak labik mblang bien ilamo saong sang pahadar ong Tố Hữu brei mboh sa “labik bhon” piah pato pakai ilamu cách mạng di palei pala ka dom rai harei ni saong harei hadei.

  Anak bruk jit  Covid-19 dok rah tabiak kan kandah di dunya, bruk njom mbak song urang metai di rilo negar glong jang dahlau di tuk pacadu ka dom jalan paatah di gauk, harei  12/10 Quyền  akaok mintri  Y tế Nguyễn Thanh Long hu mbaoh tangin tame sarak  ka  21/CT-BYT ka bruk patagok dom jalan pacang caga jit , Covid-19 . Sarak tacei lac: dalam tuk vak tal, jit ruak dok patagok di dom negar. Di negar drei, jit ruak hu pasang iek, song labaih  25 harei oh hu urang halei njom bahrau dalam bhap bini. Yaom lac yau nan, jit ruak bhian mbuan si njom mbak meda mboh bruk iek lap, oh caik hatai sangka  dalam bhap bini, song di dom jabat, doanh nghiệp, cơ sở y tế dok bruk urang tame tabiak Viet Nam suan hukum song meda rah tabiak jit yau di  Đà Nẵng dalam tuk vak meng bloh.

Adat Nghinh Ông Thắng Tam hu Mintri ilamo Thể thao saong Du lịch pilih ruah lac 1 dalam 15 adat pakat negar. Urak ni, tỉnh Bà Rịa Vũng Tàu daok hu panuac likau Mintri ilamo Thể thao saong Du lịch ba adat ni tame angan inem mek ilamo pakat negar.

Mesup harei  02/10 (tukvak Mỹ), Tổng thống Mỹ Donald Trump khan lac ong saong duik di ong lac muk  Mê-la-nia Trăm (Melania Trump) njauk dương tính song SARS-CoV-2.Tổng thống Mỹ jeng brei thau ong song duik drei njauk dok paatah jip song pasiam veik. Dalam tuk nan, duik di ong  Mê-la-nia Trăm jeng khan ka khaw tin ni angaok Twitter song brei thau muk song  Đô-nan Trăm dok brei dok karei di sang, muk njauk padeih tong abih dom bruk dalam tuk vak anak tal. Rayo papar sap papar binguk Mỹ dahlau di nan brei thau muk  Hốp Hích (Hope Hicks), cố vấn pakat glong di  Tổng thống Đô-nan Trăm di  Nhà Trắng, hu dương tính song SARS-CoV-2. Muk Hốp Hích hu nao kapan haoh song Tổng thống Đô-nan Trăm tal  bang Ô-hai-ô (Ohio) song gilac mai ban ine Oa-sinh-tơn.

  Bruk duah sa ranaih kumai 12 thun njauk lam ala hareik glaong di ban Ahmedabad, mbang Gujarat, Ấn Độ tuk nyu jalieh trun, min bruk caong duah ranaih kumei daok diuk lac biak sit. Harei 26/9, tuk kamuon Neha Vasava  daok duan nerak di tabung ceik glaong 30 mét – sa dalam dom mblang nerak praong abih di negar ni, ye ceik nerak nyu jalieh trun. Mblang nerak ni jeng lac labik Vasava saong gauk gar daok. Tui kuhria hu labaih 4 triệu urang Ấn Độ - rilo abih lac ranaih – daok diuk saong ngak bruk dalam alam tachrauk nerak, kan kandah yau ye taduan, parabha nerak piah pataom mek kim loại saong dom pandap panda karei piah pablei mek jien pandar cai yaok harei.

  Dom urang ilamu  Anh bahrau ni duah mboh, protein di  virut SARS-CoV-2 meda salih jeng 10 janih karei gauk, tagok jang rilo mbang bruk njom tame rup di menuac urang. Nyaom dom urang ilamu ndom lac, virut cảm cúm song HIV jeng oh hu jalan njom tame kan kandah yau nan. Bruk  biến thể di virut hu brei thau kayua virut SARS-CoV-2 dok pasalih  piah jeng tal  khik caga anak  kháng thể dalam rup menuac urang. Bruk roh duah ni dong duah thau jalan njom mbak  Covid-19 jang yau dong ka tuk vak ngak tabiak vắc-xin./.

Urang lang: Thu Thảo - H.Pha - 3/10/2020