Miuyim Thiên Nhiên Việt Nam di Viện Hàn lâm Khoa học saong công nghệ Việt Nam tabiak mbaok “ Rup ameh Kim Quy”

Nyaom roya Trung ương 13 mbang XII hu ngak salah taong abih kadha di danak dak ba tabiak harei 5 harei ngak bruk saong tamat di jala pandiak harei 9/10. Di nyaom roya, Trung ương buh phiếu meng bruk yer tangin palih ruah urang di mbang XII tame palih ruah gilac saong dom urang mbang kaok meti piah ba angan tame palih ruah tame Mban Chấp hành Trung ương mbang XIII, gam ủy viên chính thức saong dự khuyết. Tui nan, Trung ương hu buh phieu palih ruah urang tame Ủy ban Kiểm tra Trung ương mbang XII tame palih mbang XIII saong urang birau mbang camereip tame ngak bruk nan.

Nyaom roya Đảng bộ tỉnh Bình Thuận mbang ka XIV, tuk vak 2020-2025 hu peih tabiak meng harei 13 tal 16/10 di pasak nyaom biai tỉnh song hu mbaok di 349 urang. Asal kadha di nyaom roya Đảng bộ tỉnh Bình Thuận mbang ni lac: "Patagok bruk padang ngak, rami ramik veik đảng bộ hacih saat khang kajap; patagok pren khang di jalan chính trị song paprong jum pataom tong abih bhap bini; khik kajap quốc phòng - an ninh; jhul pakhang bruk salih bahrau, hadah krah, pachreih ba, pandar siam lagaih dom pren khang; ba tỉnh Bình Thuận partagok samar , khang kajap gah kinh tế tasik, năng lượng song du lịch".

Pahadar 1010 thun Thăng Long- Hà Nội (1010-2020), Miuyim Thiên Nhiên Việt Nam di Viện Hàn lâm Khoa học saong công nghệ Việt Nam tabiak mbaok “ Rup ameh Kim Quy”. Ini lac pandap biak gheih karei di Công ty Quà tặng Vĩ Nhân Việt, hu ngak meng ban đúc nguyen khoi meh 24K. Miuyim Thiên Nhiên Việt Nam jeng lac labik hu jao brei khik rup ong Kra - cụ Rùa. Dom urang ilamu di labik ini roh duah saong ngak tabiak yau tamo Kra kanduh Hồ Gươm hu jao brei UB bhap bini ban Hà Nội di bilan 3 thun 2019 saong urak ini daok parang iek di Đền Ngọc Sơn, Hà Nội.

Harei pataom aow atah ban raya HCM mbang ka 7 lac bruk camereip hu peih ngak meng jalan online pambuak song bruk yaik khan raivang du lịch di ban raya HCM tal tuia damuai tui jalan online. Hu angan "Hulin biak takre aow tah Việt Nam", Harei pataom aow tah ban raya mbang ka 7 hu peih akaok ka dom bruk dalam chiến dịch "Ban raya Hồ Chí Minh likau salam" kayua gah du lịch peih ngak piah rik dong bruk rivang du lịch ban raya meng ni tal puac thun . Harei pataom ilamu hu dui atah dalam 1 bilan meng harei 11/10 tal 20/11.

Klau toa radaih camereip di metro ka 1 (Bến Thành- Suối Tiên) hu 3 radaih “siêu trường, siêu trọng” ba meng cảng Khánh Hội tapa depot Long Bình (quận 9 – TPHCM) di melam 9/10. Depot Long Bình lac 1 dalam 10 depot tui quy hoạch patagok jalan pasei đô thị TPHCM, hu padang tagok piah duh ka bruk ba pandar dom jalan pasei đô thị, nyu hu padang di mblang taneh praong abih tih 222 ha. Jalan metro ka 1 hu 17 đoàn tàu hu ngak di negar Japon. Yaok sruh pajeng hu 930 menuac, nduac samar di abih lac 110 km sa mon tuk nao angaok glaong saong 80 km sa mon tuk nduac dalam lubang.

Dom urang njom Covid-19 bahrau dok tagok di châu Âu tuk bilan liar dok tal mai . Tui Reuters, urak ni châu Âu dok dalam tuk kurang jru remdesivir piah iek ruak ka urang ruak. Janih jru ni njauk Mỹ blei tame jiak abih, ngak brei patagok bruk huac ka jalan châu lục ni pacang caga mbang rah tabiak jit Covid-19 ka 2. Hãng jru Gilead hu peih prong bruk ngak jru, tui kuhria pablei tabiak jru piah pabak ka labaih 2 triệu mbang ruak dalam thun ni kayua urang pandar tagok biak rilo. Dom bruk roh duah brei thau remdesivir dong patrun tuk vak iek ruak dalam sa mbang ngak iek lâm sàng.

Thủ tướng Cuba Manuel Marrero tabiak panuac lac jaik abih dom labik ravang me-in di Cuba hu peih pabah mbang raok tuai veik meng adit tal, hadei di sa tukvak pacang cakak hu bruk tamuh tabiak di Covid-19. Rajaei meda brei pambuak veik dom mbang par pakat dunya ka taong abih dom tỉnh dalam mbang ka 3 dalam tuk pacadu dom jalan ngak khang piah patrun patakik jit ruak. Min gam haong bruk peih pabah mbang du lịch, taong abih dom mbang par tal Cuba meda hu dut iek jit biak catang.

Mintri Quốc phòng Mexico brei thau, kapan haoh trực thăng quân đội hu pacang cakak sruh kapan haoh janih sit, njul pajeng labaih 400kg cocaine dalam bhum langik negar ni song pagui pateok dalamc yaok rituh km mbiah tal tuk nyu abih xăng blaoh laik trun. 2 urng angaok kapan haoh metai. Dalam dom bilan jiak di ni, dom sruh kapan haoh phản lực dân dụng njauk laik trun atau klaak veik di Trung Mỹ song gah merong Mexico tui bruk patagok dom bruk pablei salih pandap pakauk tapa jalan kapan haoh ./.

Urang lang: Hani Pha – Ái Nghiêm – 10/09 07:00:36