Urang ngak hu iek glang tani tanat 

Công ty Cổ phần takhaok  klik  Huê Phong, dok di  quận Gò Vấp, TPHCM bahrau cakak trun labaih  2.200 urang ngak kayua ngak takik veik tuk harak pambuak bruk njauk klaak rilo. Piah ka urang ngak oh khat lihik, Công ty samar bayar jien dong lahik bruk ngak ka dom urang ngak bruk meng dahlau thun 2008, bayar jien bilan ginup ka urang ngak dahlau di 30 harei. Langiu di nan, meng bruk dong di dom gah chức năng, công ty Huê Phong jeng kham merat duah drak pasa, khik ramik bruk ngak, dong ka urang lahik bruk duah bruk ngak bahrau. Daok gah urang ngak, kayua hu bruk sangka meng công đoàn cơ sở yau nan ye hu pabak pren  yam tapa tuk vak rilo kan kandah ni

Taduan hu bruk sangka  meng  công đoàn cơ sở, rilo urang ngak di Công ty Cổ phần takhaok klik Huê Phong mboh yau hu pabak pren piah yam tapa tuk vak  kan kandah ni, dom urang brei thau:

-Adei hu 2 anek sit  bo ta-eng pasang likei di drei hu jien bilan, ngak mbang jeng oh hu, công đoàn hu dong brei nan ye bui sambai  chreih chrai lo.

-Urang hu bayar jien hợp đồng ka drei ginup abih, oh hu hagait duh hatai .

Tui yaok pataom, TPHCM urak ni hu labaih  415 ribau doanh nghiệp gam song  3,2 triệu urang ngak. Meng kan kandah di jit ruak  Covid-19, jiak 75% doanh nghiệp njauk ngak sit veik kayua kurang  pandap piah ngak song patrun pandap pablei tabiak negar langiu. Dom doanh nghiệp ni  meda cakak meng  25 tal 30% dom urang dok ngak bruk .

Piah daong ka urang ngak, TPHCM dok peih ngak sarak dong dom urang njauk lahik bruk ngak kayua jit ruak Covid-19 oh ginup tanut mbang jien lahik bruk ngak. Ong Nguyễn Bảo Cường, akaok jabat Lao động jien bilan–Bảo hiểm xã hội, Sở Lao động- Thương binh song  Xã hội TPHCM brei thau:

"Urang ngak njauk padeih  harak pambuak bruk ngak atau padeih bruk bo oh hu jien bilan, ye dom urang ngak ni meyah hu ginup tanut ye hu dong 1 triệu 800 ribau đồng  sa urang yaok bilan. Tui bruk jit ruak bo khol drei bayar yaok bilan"

Ong Trần Đoàn Trung, Phó Chủ tịch thường trực Liên đoàn Lao động TPHCM brei thau: Công Đoàn dom pakat song dom gah dok peih ngak dom pok jien dong di rajaei song ban raya tui njauk  bruk lac “oh hu urang halei njauk klaak veik di gah likuk”. Dom kapul halan hatain di Công Đoàn bhain nao tal dom sang  trọ urang ngak piah duah thau, meng nan hu ba tabiak jalan dong ka nyu lagaih:

"tapa pasang iek saong tong yaom yau habar, khol hulin meda hu dom jalan ngak lagaih jang ka bruk pato pakai, pato pakai veik  piah dong ka dom urang lahik bruk meda duah hu bruk ngak bahrau, Jang yau taduan bruk đầu tư meng dom bhum hu jit ruak trak tapa negar khol drei".

Oh taeng urang ngak gaok kan kandah hu dong brei, bo anek kamuan di DOM urang nan jeng taduan hu bruk sangka. Meng akaok bilan 6 tal ni, labaih 1.700 anek kamuan urang ngak di dom labik pah dok song dom pasak dong ba xã hội hu iek glang song pok jien abih tih labaih  353 triệu đồng. Thành Đoàn ban raya HCM jeng hu padang kapul halan hatain  “Gru ao hajao pato di sang”, nao tal dom labik dok pato pabak ilamu ka anek kamuan urang ngak  . Jia lac, meng bruk dong samar drah di gah chức năng song kapul nyaom , urang ngak di TPHCM meda yam tapa kan kandah, tani tanat hu rai duik  dalam tuk vak bahrau./.

Urang lang: Hanipha -8/6