Mik va dalam palei bac megru song ngak tui Ong A Chong 

Dahlau di thun 1995, rai duik sang ong A Chông di palei  Đăk Klong, xã Đăk Hring, huyện Đăk Hà, tỉnh Kon Tum biak kan kandah, lisei oh ginup huak, khan aow oh ginup cuk. Rai duik tok caong tame bilan juak padai, tangei angaok puh. Thun halei hajan siam, hangin lagaih ye ginup mbang, thun halei gaok bala meng langik tasik, hu halak halin palai pajoa ye eik lipa. Bruk pandar cai, mbang huak dalam sang, anek bhik nao bac daa biak kan kandah. 

Oh caik brei kan kathaot, eik lipa gam tui miet, ong A Chông  kham merat eng drei bac megru ilamu pala drak, rong athur saong menuk ada. Ong tapa Đắk Lắk blei  500 phun pajaih cà phê mai pala. Mboh phun cà phê tamuh siam, 2 thun hadei ong peih prong mblang taneh song pala  600 phun cà phê tra. Dom thun hadei, labaih 1 ha taneh cà phê di ong paik mek hu mbang camereip. Yaom jien pablei cà phê song kaya nong karei ong blei hu  30 drei limo song peih trang trại di takai chraoh Têa Rơvê, dalam palei Tu Kơteăng, xã Đak Long, huyện Đắk Hà, saong daok taduan khik iek labaih 120 ha glai thông di karja. Ong A Chông brei thau: “Sang gam tagok bruk rong glang, khik iek glai, gam peih prong taneh dom janih phun pala, nan ye jien duah hu rilo jang. Urak ni, hulin hu 3 ha cà phê, labaih  1 ha bei plom, rai duik  sang hulin ginup meda  jang dahlau biak rilo .”

Lac urang hu ilamu, hu angan je, thun 2003, A Chông hu mik va pok ngak urang dang akaok kapul urang ngak nong xã Đăk Hring, huyện Đăk Hà, tỉnh Kon Tum. Abih nhiệm kỳ, ong padeih hưu min oh padeih bruk, kayua hu mik va pok ngak  taha palei Đăk Klong, bloh hu mbaok tame  Ban ngak bruk  Mặt trận palei,  gam ngak Chi hội trưởng Urang umo prong. Yaom lac biak jar var hong bruk puk palei, min taha palei A Chông jeng dok tacei pato siam bruk ngak mbang pala drak di sang hu siam lagaih. Yaok thun, sang ong duah hu tal yaok rituh triệu đồng, padang 1 boh sang praong, siam, blei sa sruh radeih công nông, 1 sruh radaih li-ua, blei dom pandap bahrau piah pandar dalam sang.

Muk Y Nông, Phó Chủ tịch UBND xã Đăk Hring, huyện Đăk Hà (Kon Tum) tong yaom ong A Chông lac sa urang taha palei hu angan je, hu rilo rik dong ka puk palei. Ong tuk lei jeng pambuak bruk song mBan tự quản palei, dom ban, dom gah, kapul nyaom peih ngak siam dom sarak di pakat ủy, karja pak ni. Ong oh lac ngak mbang naih joi, bo dok dong ka rilo boh sang kan kathaot yam tagok, hu rai duik ginup meda jang. 

Thun ni umo jiak 75 thun, taha palei  A Chông daok di palei Đăk Klong, xã Đăk Hring, huyện Đăk Hà, tỉnh Kon Tum tuk halei jeng ba akaok nao dahlau, abih drei haong yaok bruk ngak di puk palei. Ong tuk halei jeng dong ba, tacei pato dom boh sang kan kandah yam tagok. Oh lac klah rabha ilamu dalam bruk ngak pataogk kinh tế, Taha palei dok jak ba mik va khik ramik an ninh trật tự,  patagok ilamu bangsa.  Meng dom bruk ngak hu makna nan, Taha palei A Chông tuk halei jeng hu mik va iek prong song karja palei pok meyaom./.

Urang lang: Hanipha -18/11