Oh lac hu urang bhapbini palei Núi Rây, xã Phước Chính, huyện Bác Ái, tỉnh Ninh Thuận pilih ruah lac urang hu angan je dalam bhapbini, meng rilo thun ini, ông Chamaléa Thố daok lac sa greih camin ngak mbang naih joi di puk palei. Meng tuk huyện Bác Ái đầu tư dom công trình ia,  ông Thố khang hatai buh jien tame patagok kinh tế tui mô hình pala drak pambuak pagam saong raong glang. Thau tari tarieng ngak mbang bo kinh te sang ông dak harei dak tani tanat. Dalam kadha “ urang kheih bruk siam” adit ini, kol dahlak likau khan tal mikva saong kadha vak di Minh Triều –urang pambuak bruk di rayo sap ndom Viet Nam daok di tỉnh Ninh Thuận ka greih camin ini:

-Thun 1987, padheih bruk ông Chamale Thố gilac mai daok di xã Phước Chính, huyện Bác Ái, tỉnh Ninh Thuận.  Mboh raidiuk mikva Raglai libik ini daok rilo kan kandah, ông sahaneng, kayua habal taneh riya praong min sang halei jeng kathaot. Meng di nan, ông meng kuhria tal bruk ngak mbang piah patruh kathaot. Ông Chamaléa Thố, xã Phước Chính, Bác Ái, Ninh Thuận brei thau: “Nao cách mạng mai drei meng ngak apuh. Drei raong pabak limo min ngak apuh lac praong. Meng raong glang yau nan ye raidiuk jeng tani tanat. Limo ini hu yaom lac sang drei jeng siam jang. Taneh riya drei caoh mek saong tari tarieng ngak mbang. Drei sahaneng, hu tari tarieng ngak mbang meng hu si mbang. Ngak di ini njauk lac hu yaom glaong nan lac jien mek tame di mikva drei jeng tani tanat min.

 -Ngan saong 3 mẫu taneh caoh mek, ông Chamale Thố lac urang akaok meti di xã Phước Chính, huyện Bác Ái peih ngak mô hình pala phun mbang baoh pambuak pagam saong raong glang haong pala tabau. Rilo janih phun pala barau hu ông ba tame pala drak di bhum taneh ini camereip ba mai kein laba ye: panat, đào, chanh. Phun tabau urak ini jeng cakrok hu 4 bilan, ngan saong taneh pala 2,5ha. Thun dahlau, meng mbuak tangin tame hợp đồng blei abih pandap saong Công ty tabau saradang Phan Rang bo tuk pablei labaih 70 tấn tabau, ông laba labaih 50 triệu đồng. Saai Ka Dá Thị Buynh, Phó akaok kapul urang nong xã Phước Chính, Bác Ái, Ninh Thuận lac : Di tukvak barau blaoh lac Wa jeng lac urang bhapbini bình thường, min tuk halei jeng kham merat bac megru, roh duah bruk ngak mbang. Wa jeng lac urang nong kham merat ngak mbang, patagok. Mô hình pala tabau, raong limo, tuk halei jeng kham merat ngak mbang ka sang. Wa pala padai saong rilo phun pala karei kein laba yau nan ye jeng urang nong ngak mbang naih joi di puk palei.  

         -Piah paglaong jien mek tame ka sang, thun 2017, ông Chamaléa Thố daok buh jien tame labaih 60 triệu đồng piah caoh danao raong ikan. Pajaih ikan bo ông Thố blei mai raong lac ikan kan, ikan diêu hồng saong ikan chép. Ông Thố khan lac: tuk buh jien tame raong ikan yaom lac lihik rilo pren yava piah caoh danao, min pabak tame nan lac ikan praong drah samal. Kayua tal patau hu khả năng ngak bingi laar saong khik nhiệt độ danao tani tanat tuk lingik pandiak bhang atau laar. Gam saong nan , patau bhian ngak rêu, ba brei pandap mbang daong ka ikan praong drah samal.  Ông Pi Năng Cần, Bí thư Đảng ủy xã Phước Chính, huyện Bác Ái, Ninh Thuận brei thau:  “Ông Chamaléa Thố lac urang hu angan je di puk palei, gam lac Hội viên urang dahlau daih ngak bol lin di xã. Ini lac kreih camin urang kheih bruk siam. Ông thau buh jien tame saong hu bruk ngak mbang biak siam. Ông jeng tacei pato dom sang urang nong karei bac megru bruk ngak mbang saong raong glaong di ông Chamaléa Thố biak bài bản. Kinh tế sang ông Thố biak .”

          -Tuk hu jien mek tame tani tanat, ông Chamaléa Thố ba abih paok jien blei limo mai raong gam piah menek gam piah palimek. Akaok mereip ông blei 6 drei, ngan saong yaom jien lac 95 triệu đồng ba mai raong, kuhria yaok drei labaih 15 triệu đồng. Labaih 5 thun tari tarieng pasang iek, urak ini tapol limo sang ông Thố patagok hu 26 drei. Yaok thun sang ông Chamaleá Thố hu jien mek tame labaih 100 triệu đồng meng pala drak pambuak pagam raong glang athur saong raong ikan. Oh lac ngak kaya meda ka sang drei, ông Thố tuk halei jeng abih hatai daong jien saong tacei pato alamu ngak mbang ka mikva  Raglai palei Núi Rây gam patruh kathaot. 3 sang kathaot dalam palei hu ông Chamaléa Thố daong tui mô hình “ raong limo rẻ” urak ini jeng hu raidiuk tani tanat saong hu uy mban bhapbini xã Phước Chính brei thau patruh kathaot.

-Ngan saong dom bruk ngak hu angaok, ông Chamaléa Thố rilo thun hamiet hu kapul urang nong huyện Bác Ái pilih ruah lac urang nong ngak mbang naih joi di puk palei./.

Thúy Linh