Ndih tapui tabiak dalam sa baoh sang ngak nong di palei Đông Phù, xã Đông Mỹ, huyện Thanh Trì lingiu ban Hà Nội. Thun 1936, tuk bharau 19 thun, ong hu mbaok tame Mặt trận Dân chủ Đông Dương, bloh tal thun 1939 ong jeng đảng viên cộng sản. Kayua dom bruk ngak anit ranam taneh ia saong cách mạng, bilan 10-1941, ong njauk kol thực dân Pháp cap mek, kết án 10 thun guk, kreik di Hỏa Lò - Hà Nội. Dalam guk đế quốc Pháp dahlau di cách mạng thun 1945, ong biak khang hatai, oh huac hagait, bloh duah jalan nduac tabiak truh sang guk Hoả Lò piah mai ngak veik bruk cách mạng.

Hadei di Cách mạng Bilan 8 jak jeng, ong hu ba mai ngak Bí thư Tỉnh ủy di rilo tỉnh yau Hà Nam, Nam Định, Ninh Bình, iek gam dom tỉnh Hòa Bình, Thái Bình, dak padang karja cách mạng saong peih bruk brei ka bhap bini dom tỉnh dalam bhum taneran kraong Hồng mesruh veik hoang kol khamang.

Bhian hu dom thun bilan ngak bruk haong Tổng Bí thư Đỗ Mười, urang dahlau daih ngak Phó Thủ tướng Vũ Khoan khan lac: meng ilamu naih gheih, ong Đỗ Mười hu brei dang akaok rilo bruk, rilo công trình praong di taneh ia yau ye sang mac thủy điện Hòa Bình, bruk padang ngak lăng Chủ tịch Hồ Chí Minh. Taong abih dom bruk bruk praong nan jeng brei mboh bruk sami samar, abih hatai ka bruk ngak di ong dahlau daih ngak Tổng Bí thư Đỗ Mười: “Dahlak mboh ong tuk halei jeng paglaong ý chí tự lập, tự cường saong tuk halei jeng kham merat piah patagok gah kinh tế bo taneh ia drei meda tagok hu saong hu kein laba, oh lac daok cang pagam pambak tame gah lingiu.

Urang dahlau daih ngak Tổng Bí thư Lê Khả Phiêu brei thau: Ông Đỗ Mười lac menuac kiên định, sami samar, lac sa urang naih gheih, siam hatung hatain: “Ong Đỗ Mười lac urang jakar lão thành, ngak bruk cách mạng biak aval. Meng thun 1917 abih hatai ngak bruk cách mạng. Ong Đỗ Mười lac urang biak sami samar, taduan ngak rilo bruk praong, trak di Trung ương saong dom Bộ, ngak bruk hagait jeng ngak tal labik tal dhua, abih hatai ka bruk ngak”.

Ong Đỗ Mười daok lac sa kreih camin hadah luac rai takre bac megru, duah jalan njauk, paglaong đạo đức cách mạng cần, kiệm, liêm, chính, chí công, vô tư, njauk haong angan lac anek saih di Chủ tịch Hồ Chí Minh vĩ đại. Urang dahlau daih ngak Ủy viên Thường trực Bộ Chính trị, dahlau daih ngak Chủ tịch Ủy ban Trung ương Mặt trận Tổ quốc Việt Nam Phạm Thế Duyệt khan lac: Ong Đỗ Mười biak takre bac megru tapa bruk di anak meta, tapa puac tapuk, tapa roh duah. Kayua yau nan ye, ong thau abih, thau ginup rilo bruk dalam taneh ia saong lingiu negar: “Ndom tal pren rik daong di ong Đỗ Mười, ong tapa bruk di anak meta hu ngak ka taneh ia dak harei dak dang kajap, daong ka taneh ia khang kajap cakrok”.

Labaih 70 thun ngak bruk, hu brei bruk pan akaok rilo gah di Đảng saong Karja, dalam mesruh metak saong dalam hòa bình xây dựng. Ong Đỗ Mười hu rah tapa rilo kan kandah, thử thách, jeng sa urang jakar hu bản lĩnh vững vàng, sắc sảo, samar  ba tabiak jalan ngak, kak kajap ralo darah haong bhap bini. Di Tổng Bí tư Đỗ Mười, ngak saong biai kak kajap haong gauk, brei mboh tapa chính trị saong kinh tế, di Đảng haong karja saong bhap bini, rik daong praong tuk ong ba tabiak dom sarak, dom jalan ngak di Đảng biak njauk, lagaih haong hatai bhap bini, hu bhap bini pachreih tui./