Daok di phường Phước Long A, quận 9, ban raya Ho Chi Minh, ong Ysa Umơ hu mikva biak anit ranam, jia tame. Ngan saong bruk di urang hu angan je dalam bhap bini Cam Islam, ong tuk halei jeng kham merat pambuak siam bruk ngak saong pakat ủy, karja, mặt trận negar dom pakat saong dom kapul nyaom di palei pathau khan, jak ba mikva urang Camngak siam jalan tacei ba di Đảng, sarak, hukum di Karja, khik ramik an ninh puk paga, xã hội salamat. Yau thun 2010, tuk ban raya brei peih taneh ngak paraong jalan xa lộ Ha Noi, jalan nan nao tapa dom quận 9, quận Thủ Đức, labik hu rilo mikva Cam diukrai. Dalam tuk mek veik taneh, rilo bhap bini oh thau cambaic laic kein laba meng bruk giải tỏa nan, blaoh haduh hatai. Thau hu burk yau nan, ong Haji Ysa Umơ brei caga tukvak lahei di dom var mikva nao sambahyang di Sang megik, gait langyah brei mikva thau tantu akok ku kadha, ong gam tacei pato mikva daong mikva ngak harak gal piah taduan jien bayar taneh njauk hukum. Meng nan, mikva ba mbuan lagaih ka harak ngak bruk jeng yau dom đơn vị padang ngak. Ndem ka ong Haji Ysa Umơ, ong Lê Ngọc Hân, po akok Uy Mban Mat tran negar quận 9 lac yau ini:'"sa Umơ nan lac sa urang biak naih gheih dalam bruk ngak di agama drei.  Dalam dom thun tapa, haji Ysa Umơ nan yau kareih camin hadah dalam bruk jak ba mikva Islam ngak siam dom bruk jak ba ngak tui di palei yau ye bruk jak ba abih bhpa bini jum pataom, dak padang raidiuk ilamu di labik daok".

Jaik 14 thun ini mai, ong Haji Ysa Umơ oh lac pambuak bhap bini Cam saong karaj palei, bo daok lac urang yau kareik camin dalam bruk pato pakai anek bik, padang mbang ngui baoh sang haniem phol. Ong Ysa Umơ urak ini daok ngak urang khik iek sang mac ia tasau Vinamilk di quận 9. Yaom lac, baoh sang daok rilo kan kandah, diuk ruak te pran oh ngak bruk hu, bruk kuhri kuhria ka raidiuk baoh sang abih di gait, ong daok raong dua urang anke bac Đại học. Ndem meyai ka ong Haji Ysa Umơ, ong Haji U mơ, Na-eb Sang megik Muwahinid brei thau: " Ong Umơ nan lac urang naih gheih dalam bhap bini Islam daok di Thủ Đức saong quận 9. Ong sangka tal bhap bini, abih di nyu nan lac dalam tuk kan kandah, Umơ hu mbaok saong daong ba mikva, raidiuk puk paga hu sron mbon. Ong Umơ kham duah rilo labik piah likau durang daong  brah, jien jeng yau rilo pandap karei ka dom baoh sang urang kan kathaot".

Ngan saong dom bruk ngak daong ka bhap bini Cam jeng yau karja palei pala, thun 2013, ong Haji Ysa Umơ hadah mbaok meta hu taduan kỷ niệm chương “ Daong bruk jum pataom bangsa” kayua Ủy ban Trung uong Mat tran Negar Viet Nam alin brei, gam rilo harak pok meyaom di dom pakat karja ban raya ngan saong angan urang siam bruk siam, urang bac megru saong ngak tui jalan diukrai di Ho Chi Minh dalm dom thun tapa…Tui ong, lac sa urang ngak Hakim ye brei daong bhap bini drei, tuk halei jeng sangka iek glang bhap bini. Ong sahaneng yau ini: "Dahlak caong khin bhap bini drei dak harei dak ngak mbang patagok, paglaong ilamu bac megru, sumu bruk salih birau di ban raya. Sang hulin kan kandah min daok hu pandap mbang khan ao ngui cuh, daok rilo boah sang mikva kan kandah jang. Dahlak caong khin bhap bini tapa truh kan kathaot, raong anek bik bac da-a tal labik tal dhua"./.