Thun ini 65 thun min taha palei K’Blar, bangsa K’Ho jeng daok khang kadang, ong lac urang di Kapol urang taha, urak ini daok di xã xã Đông Tiến, huyện Hàm Thuận Bắc, tỉnh Bình Thuận. Ong K’Blar brei thau: Đông Tiến hu labih 90% urang bangsa K’Ho, dalam xã hu labaih 680 hecta taneh pala tangei, tabau, ratak dom janih. Bhap bini daok hu daong ialmu raong manuk, raong taphon limo lai sind, ba brei bruk ngak. Bruk pala drak hu pandar jamriak, yau ye jamriak ngak taneh, li-ua, kakaik, yuak padai…
Ong K’Blar khan lac: Meng hatai caong khin mikva drei thei jeng hu raidiuk tani tanat, dahlak lac taha palei, caik rilo tukvak piah jak ba bhap bini jum pataom daong gauk ngak mbang pala drak, padang raidiuk birau, puh ramik puk palei hacih sa-at, klaak dom adat cambat klak oh daok lagaih.
Meng tari tarieng, oh huac glaih glar, ong K’Blàr ngak brei dom taneh dahlau diah bak hareik jeng apuh tangei, hamu padai hijao mekre saong raong 4 urang anek praong jeng menuc jeng urng. Dom anek di ong, theu jeng hu taneh apuh pal njam patam…hu drap ar.
Dahlau diah, urang jakar pachreih nong tỉnh mai jak ba, tacei pato mikva ngak padai ia. Pang urang jakar ndom blaoh, mikva oh ka jia, taha K’Blar ba akaok ngak dahlau. Hu tacei pato ilamu ky thuat, hu daong pajaih, taha K’Blàr drak iek 2 sào padai, 3 bilan hadei, ong yuak hu 10 tạ padai, rilo jang dom mbang dut saong ngak padai puh. Mboh yau nan, mikva jia bloh ngak tui, tal urak ini dalam xã hu 50 ha padai ia. Piah salih bruk bhian randap raong palao athur, ong K’Blar abih dom bilan nao jak ba, mikva pang blaoh ngak var ro kareik athur raong veik …Ndem ka ong K’Blar, ông K’Văn Góa, Phaok akok UB bhap bini xã Đông Tiến brei thau: Urak ini Đông Tiến oh daok sang iek lipa, lac xã bhum urang bangsa takik camereip di tỉnh meng rilo thun ini mai hu ginup padai brah piah mbang, oh cang bruk daong di Karja. Ini jeng lac hu bruk daong oh takik di ong K’Blar.
# Tapa dom bruk ngak nan, ong K’Blar tuk halei jeng hu bhap bini daok di xã Đông Tiến iek yau sa kareih camin hadah. Thun 2018, ong hu palih ruah lambaok ka bhap bini bangsa takik dalam tỉnh hu mbaok tame Danak dak labik pambak tame di puk palei pak Ha Noi./.
Viết bình luận