-  

-Sang kan kathaot, saai K’Luận daok di ấp 4, xã Tà Lài, huyện Tân Phú, tỉnh Đồng Nai nyim taneh sit tapeng jalan palei di amaik ame gah diuk, bloh padang chòi pablei salih dom janih pandap ka urang dalam palei yau ye: ndiuk, ahan, bei tuk…piah lagaih pasang iek anek sit saong piah ka adiuk lac saai Hoàng Thị Thắm, 34 thun, bangsa Tày, bac jhik. Harei aanai Thắm bac tamat bruk, saai K’Luận khang hatai mesraiy jien ưu đãi di gilang pariak piah salih bruk ngak. Saai blei sruh radaih patuh piah tabiak darak Phương Lâm blei pandap mbang menyum ba tame palei pablei, taphia nan blei kaya nong di urang nông dalam palei pajeng tabiak darak pablei duah laba. Daok Saai Thắm peih tiệm jhik saong pablei pandap di chòi.

-Kham merat patak pataom, diuk pasang saai K’Luận blei hu 1,7 hécta taneh pala amraik kalu, durieng, chôm chôm, hadei nan blei hu mblang taneh mbaok jalan piah padang sang daok saong ngak libik pablei salih pandap, meng di nan hu jien mek tame labaih 300 triệu đồng/sa thun.

-Taom gaok saong gah lingiu rilo, saai K’Luận bhian jak ba urang pablei salih, ayut pablei pandap krein randap di darak Phương Lâm brei khan ao klak, tapuk katap, brah, pnadap… ba mai alin ka dom sang bhapbini bangsa takik daok gaok kan kandah dalam palei. Saai daok dang tabiak jak ba bhapbini bangsa takik dalam palei, dalam libik định canh - định cư daong gauk tuk hu sang gaok bala, ruak kik atau hu anek nao bac bo oh hu jien.

-Meng kan kathaot jeng urang nong ngak mbang –pablei salih naih joi di xã, abih di nyu nan lac takre daong ka urang karei, diukrai biak siam hatung hatian saong bhapbini yau nan ye K’Luận hu bhapbini dom bangsa S’tiêng, Mạ, Tày, Nùng... dalam palei, dalam xã anit ranam. Karja xã jeng caik hatai sangka saong pok brei ông ngak lambaok urang hu angan je ka bhapnbini Mạ, ngak akaok mban ngak bruk Mặt trận ấp 4 tuk puk palei ba tabiak bruk padang ngak palei pala barau. Saai K’Luận khan lac, uranaih bhapbini dom bangsa takik dalam palei, dalam xã thau kak kajap haong dom sang bac bangsa gam daok gam bac di huyện, tỉnh, sang bac bruk piah bac mek ilamu ka harei hadei hadah hadai jang.

-Taha palei K’Cân brei thau, saai K’Luận ndom njauk, ngak joi, tuk halei jeng khik hu angan je haong mikva, yau nan ye dom kadha ông ndom biai bhapbini bangsa takik jeng pang saong bac tui. Urak ini dom uranaih di libik định canh - định cư dalam palei hu rilo urang naih joi, tari tarieng saong sahaneng glaong yau saai K’Luận, nan ye rairah urang taha yau ông K’Cân biak bui sambai saong hadah mbaok meta./.