Ông Sa Liêm ngak mbang kinh te naih joi

-------

         Pathau mikva saong grauk yut !

         Hu padang tagok di thun 1991 saong yaom phun jien labaih 50 triệu đồng, tal urak ini, trại mộc di ông Sa Liêm daok di xã Quốc Thái, huyện An Phú, tỉnh An Giang praong labaih 250 mét vuông hu rilo jamraik barau. Pnadap di trại mộc ini lac oh lac pablei ka bhapbini di dom xã taphia nan, bo daok hu rilo urang blei di dom tỉnh bhum taneran kraong CL saong taneh ia Campuchia thau tal. Ha ni Pha, urang vak di rayo sap ndom VN hu kadha vak brei thau ka ông:

        Tuk peih trại mộc, ông Sa Liêm lac urang thợ bac bruk lavik thun, tapa ilamu saong tapa bac megru, ông khang hatai peih trại mộc angaok taneh palei drei. Akaok mereip ông tôk taduan ngak tủ, bhan, kik đơn giãn ka mikva daok jaik taphia piah mek pren ngak laba saong paglaong tangin gheih ngak. Hadei sa tukvak angan siam dane atah, pandap di ông hu rilo urang thau tal saong duah mai blei. Kayua ông ngak kayau halei ndom lac kayau nan, yaom jeng grap, mbiah. Ông Sa Liêm brei thau : mboh drei lac urang Cam ngak kinh te, dom thun tapa, karja palei tuk halei jeng daong, ba urang blei lac urang jakar di dom xã jaik taphia mai blei pandap. Yaok bilan, xưởng mộc di ông pablei hu 70 pandap, rilo meng lac laneng, tủ, bhan, kik dom janih, khuôn bao bambang, trần sang ...

       Tui ông Sa Liêm, bruk ngak mộc oh lac brei hu tangin gheih ngak, glo akaok sáng tạo bo daok brei hu hatai tari tarieng duah dom mẫu mã barau, sami samal thau hu caong khin di darak pasal. Taphia nan, pandap ngak brei kajap, siam meng padang hu angan je haong urang blei. Urak ini, xưởng mộc di ông hu ba bruk ngak ka rilo urang dalam palei ngan saong yaom jien bilan biak tani tanat. Rup ong Sa Liêm saong urang dalam sang tuk halei jeng pan njauk adat, hukum di Đảng saong karja. Ông daok hu jak ba bhapbini dalam palei salih phun plaa, kaya raong, pataom tame bruk padang ngak palei pala barau, halan hatian tacei pato alamu, daong dom urang kathaot yam tagok tani tanat raidiuk. Tui saai Đoàn Thanh Việt, akaok Jabat bangsa huyện An Phú, meng sa urang nong trung bình, tal urak ini, kinh te sang ông Sa Liêm hu tani tanat, dua urang anek likei praong di ông daok tui bruk di ame. Hu yau harei ini, karja palei tuk halei jeng daong ka ông Sa Liêm saong bhapbini urang Cam : Dalam bruk ngak mbang di ông Sa Liêm, karja palei biak sangka, tacei labik brei jien mesrei (daok ieu lac kadung jien negar duah bruk ngak) saong gilang pariak sarak jeng hu brei mesraiy ka bruk ngak mbang ini. Yaok bilan, xưởng mộc di ông hu 5 tal 10 urang ngak ngan saong yaom jien bilan meng 7- 8 triệu.

       Urak ini, drap ar di ông Sa Liêm yaom labaih 2 tỷ đồng, jien mek tame saong jien laba meng xưởng mộc di ông oh padhieh patagok tui yaok thun. Oh lac ngak mbang, pablei salih naih joi, ông Sa Liêm daok ngak siam bruk kak je ka karja, tuk halei jeng halan hatian pato bruk ngak mộc ka anek kamuan urang Cam piah hu jalan ngak kaya meda pak bhum palei di drei.

Thúy Linh