Pathau mikva saong taong abih gauk!

Daong brei, klah rabha saong pachreih ba ralo sang kan kathaot, dom urang oh patuah jamo – joh jo, abih di nyu nan lac uranaih bangsa Chăm lac bruk ngak abih hatai jai di ong Mohamad Yousof, daok di phường Cầu Kho, quận 1, ban raya Hồ Chí Minh. Luac 15 thun ini mai, ong hu ba mai labaih 600 sruh radaih juak, sang bac barau, labaih 2.000 paok jien bac ka uranaih Chăm takre bac daa di dom bhum kan kandah hu nao bac da-a. Dalikan “ong taha Chăm Bei Gon 15 thun daong ka uranaih kan kathaot” di Ái Nghiêm, urang vak di rayo sap ndom VN daok di ban raya HCM hu khan brei mikva saong taong abih gauk thau bruk ngak hu makna di ong phaok mban lambaok bhap bini Islam ban raya HCM diuk rai siam ka dunya – mekre ka agama.

Lac phaok mban lambaok bhap bini Islam ban raya HCM iek gah bruk xã hội saong pahala, ong ông Mohamad Yousof bhian taom gaok bhap bini urang Chăm. Ong thau saong caik hatai tui pang dom hatai caong jeng yau kan kandah di dom baoh sang kan kathaot. Mai meng hatai anit di sa urang ong, sa urang ame tuk halei jeng suh sah ka bruk bac daa di anek kamuan sang kan kathaot, oh hu jien nao bac yau dom ayut karei, ong nao jak ba dom urang ngak pahala rik daong yaok tỷ đồng piah daong ka yaok ribau uranaih Chăm kan kathaot hu nao bac daa.

 Tuk tame thun bac barau, ong pambuak bruk saong dom sang bac daong radaih juak ka anek saih chăm kan kathaot oh lac daok di ban raya HCM bo daok brei ka dom tỉnh An Giang, Tây Ninh, Ninh Thuận. Meng thun 2010 tal urak ini, ong hu alin hadiah brei labaih 600 sruh, yaok sruh yaom sa triệu đồng. Thun 2008, ong jak ba mikva Chăm rik daong jaik 200 triệu đồng padang sang bac mầm non bangsa Chăm di palei Phũm Xoài, xã Châu Phong, ban sit Tân Châu, tỉnh An Giang, daong dom kamuan hu labik bac daa, me-in sambai. Tal urak ini, ong hu alin labaih 2.000 paok jien bac ka uranaih takre bac di dom bhum kan kandah hu  nao bac da-a.

Oh lac sangka bruk mbang bac di dom kamuan sang kan kathaot bo ong daok jak ba hu labaih 6 tỷ đồng piah padang ngak 200 baoh sang anit ranam alin ka mikva kan kathaot. Ong Lý Du Sô, akaok mban lambaok bhap bini Islam ban raya HCM ndom ka ong Mohamad Yousof yau ini: 

Sap Chăm:  

Ndom ka bruk ngak pahala di drei, ong Mohamad Yousof khan lac: “Urang hanem phon di abih lac urang ba mai ralo hanem phon ka urang kakei. Dahlak biak anit uranaih kan kathaot khin nao bac min oh hu jien. Meng nan pachreih dahlak ngak bruk ini”.

Sap Chăm

Labaih 15 thun tapa, bruk ngak pahala di ong Mohamad Yousof hu daong ngak brei hadah tagok hatai caong ka dom baoh sang kan kathaot, anek saih kan kathaot takre bac da-a, uranaih joh jo, oh patuah jamo dalam bhap bini Chăm hu jalan yam tagok./.